Hatu maeno apate'niya gemae 14:14 - The Keyagana NT and 25 OT books

¹⁴ Ala kava neʼmoʼa kamemo hapaesigetapa lapakaemo afaʼa maigae, huno hapa paiʼniye.

Hatu maeno apate'niya gemae 14:14 ပူးပေါင်းရင်းမြစ်များ

2 Sitoli 20:15

ina ge huno huʼniye, kini vekamo Yihosafatigagi Yulusalemu vayanagi muki haopalega maiʼnaya Yuta vayanagi hutapa alagepa huta afiyo. Ala kava neʼmoʼa lapa painoʼaeʼmo, lapakaemo ani asole ami vayaʼaifeʼmo lapaipamoʼmo kana huʼninagetapa koli osiyo. Haʼao. Ani kamemo hisaya kavaʼmo lapakae yaʼmo ohaneʼnifa Gotiʼa agaiʼa yaʼmo haneʼniye.

2 Sitoli 20:17

Apakegayaʼmonanafa lapakaitapimo kamemo osutapa afaʼa maigae. Kamemo hisaya kumateʼmo utapa avaʼyi hutetapaeʼmo he tita lamitapa aulu hetapa ageta maiyo. Ala kava neʼmoʼa lapa maesigetapa agegayana lapakufamo alino katino lapatesigetapa agegae. Lapakaemo Yulusalemu vayaʼmogitapaʼe muki haopalega maiʼnaya Yuta vayaʼmogitapaʼeʼmo lapaipamoʼmo kana huʼninagetapa koli osiyo. Egamo lapakaemo kamemo hisayafeʼmo vigenoʼao Ala kava neʼmoʼa lapakaeʼeʼmo magokepi lokaeno vino, huno hapa paiʼniye.

Samu 50:3

Gotitimoʼa eminenoʼaeʼmo ge osuno afaʼa oʼmaigiye. Atamo lelino uno hogotetesigeno eminegaiye. Alopa yasimo alige ko aige hulino haopaʼaleʼmo egaiye.

Hatu maeno apate'niya gemae 14:15

Ala kava neʼmoʼa Mosesefeʼmo ha painoʼaeʼmo, Na kava higekaeʼmo nagaefeʼmo kage kage huka keya neʼane. Isaleli vayaʼaifeʼmo, kategageʼmo aulu helitapa viyo, huka hapa paiyo.

Hatu maeno apate'niya gemae 14:25

Agaemo talalaʼapimo aiyaʼamo mopafiʼmo aeno lapaneteno oʼvisiya agufa kavaʼmo huʼnigeʼapaeʼmo Isipi vayaʼmogimo huʼapaeʼmo, Ala kava neʼmoʼa Isaleli vayaʼmo hapa maeno lagaeʼeʼmo kamemo nehiyanageta apataleta laune heta ugune, huʼa huʼnae.

Hatu maeno apate'niya gemae 15:3

Ala kava neʼmo kame nehiya vekamo maiʼniye. Agaemo agiʼamo Ala kava nene.

Yasuva 10:10

Ani kavatefeʼmo Ala kava neʼmoʼa Emo vayaʼmo koli yaʼmo alino apamiteno apaipa apakesamo alino hosu huno ataleʼniyaʼmofeʼmo Isaleli vayaʼmogimo asole Emo vayaʼmo Gimiyoni taonifiʼmo kamitimo hapaeteʼa Gimiyoni kotegatiʼmo apavegala aeliʼa uʼnageʼa apaune heʼa Metiholoni taoni haopalega avele kateʼmo uʼa lamiʼa neʼvageʼapaeʼmo Isaleli vayaʼmogi Emo vayaʼmo kamitimo hapaeme hapaeme uʼnageʼa Ayika taonifiʼe Makiʼna taonifiʼeʼmo uʼa avaʼyi huʼnae.

Yasuva 10:14

Akeyaʼvilaga afinatetiʼmo eno hemeniʼeʼmo ani agufa kava huno magoke afinaʼmo afole oʼaiʼniye. Ani afinaʼmo Ala kava neʼmoʼa mago vayaʼmo geʼamo akame huno Isaleli vayaʼmo hapa maesiyafeʼmo kame huno apateʼniye.

Yasuva 10:42

Ala kava neʼmo Isaleli vayaʼmogi Gotiʼapimoʼmo hapa maeʼnigeʼapaeʼmo Yasuvaʼe Isaleli vayaʼmogiʼeʼmo magoke afinaʼmo muki ani kini vayaʼeʼmo kamemo huʼa aeʼa apaka seteʼa mopaʼapimo aliʼnae.

Yasuva 23:10

Ala kava neʼmo Gotitapimoʼmo polomasi gemo huʼniya agufa kavaʼmo huno lapa maegaiyaʼmofeʼmo lapakaepatiʼmo magoke vekamoʼmo vani tauseniʼa vayaʼmo afaʼa hapa faino apatalegaiye.

Yasuva 23:3

Lapakaemo Ala kava neʼmo Gotitapimoʼmo lapakaetefeʼmo muki kavaʼamo ani kame nofi vayatapilegamo huʼniya kavaʼmo ago ageʼnae. Ala kava neʼmo Gotitapimoʼmo lapa maesiyafeʼmo kamemo huʼniye.

1 Samiyo 4:7

Ani gemo afiteʼapaeʼmo koli huteʼa ina gemo huʼapaeʼmo, Gotiʼa Isaleli vayaʼmogi seli noteʼmo eʼniye. Vaehae, huʼa, ani agufa kavaʼmo afole oʼaiʼniyaʼmofeʼmo hosu yaʼmo aligune.