Hatu maeno apate'niya gemae 14:13 - The Keyagana NT and 25 OT books

¹³ Moseseʼa Isaleli vayaʼaifeʼmo, koli osiyo, huno hapa paiʼniye. Afaʼa he titapa maiyo. Ala kava neʼmoʼa lapa maeno lapakufamo alino katino lapatesiya kavaʼmo agegae. Hemenimo apakeʼnaya Isipi vayaʼmo halate henagaʼamo alagi magoʼe hutapa oʼapakegae.

Hatu maeno apate'niya gemae 14:13 ပူးပေါင်းရင်းမြစ်များ

Aepa Gemae 15:1

Henagaʼamo Emalemiʼa alagamuna agegekana huno ageʼniyana Ala kava neʼmoʼa ha painoʼaeʼmo, Emalemiyo, huno, koli osuvo. Nagaemo halegukamo maiʼneʼna hetamakamo maiʼnove, huno ha paiʼniye.

Aepa Gemae 26:24

Haino maiʼniya haniʼilagamo Ala kava neʼmoʼa agaetegamo afole aiteno ha painoʼaeʼmo, Nagaemo afokamo Emalehamu Gotiʼamoʼnamo maiʼnove. Nagaemo kagaeʼeʼmo maiʼnovanagi alagi koli osuvo. Nagaemo aliʼyaʼnimo aliʼniya vekamo Emalehamutefeʼmo aliʼna auleʼna katesugeʼa asole kaginago vayaʼmo magoʼe huʼa afole aigae, huno ha paiʼniye.

Aepa Gemae 46:3

Gotiʼa hunoʼaeʼmo, Nagaemo Gotiʼnamo afokamo Gotiʼamoʼnamae, huno huteno, Kagaemo Isipi kotegamo visanafeʼmo koli osuvo. Uka maiʼnisanageʼnaeʼmo alopa nofi vayaʼmo aliʼna afole aiʼna lapategauve.

Aepa Gemae 49:18

O Ala kava nene, huʼna, nagaemo nagufamo alika katika natesanafeʼmo kagava maiʼnove.

2 Kini 6:16

Ilaisaʼmo geʼaleʼmo aeno atagaina huno ha painoʼaeʼmo, Koli osuvo. Apakaemo asole ati vayaʼmo maiʼnayaʼmonanafa lagaemo magoʼe huʼa asole vayatimo maiʼnae, huno huteno.

2 Sitoli 20:15

ina ge huno huʼniye, kini vekamo Yihosafatigagi Yulusalemu vayanagi muki haopalega maiʼnaya Yuta vayanagi hutapa alagepa huta afiyo. Ala kava neʼmoʼa lapa painoʼaeʼmo, lapakaemo ani asole ami vayaʼaifeʼmo lapaipamoʼmo kana huʼninagetapa koli osiyo. Haʼao. Ani kamemo hisaya kavaʼmo lapakae yaʼmo ohaneʼnifa Gotiʼa agaiʼa yaʼmo haneʼniye.

2 Sitoli 20:17

Apakegayaʼmonanafa lapakaitapimo kamemo osutapa afaʼa maigae. Kamemo hisaya kumateʼmo utapa avaʼyi hutetapaeʼmo he tita lamitapa aulu hetapa ageta maiyo. Ala kava neʼmoʼa lapa maesigetapa agegayana lapakufamo alino katino lapatesigetapa agegae. Lapakaemo Yulusalemu vayaʼmogitapaʼe muki haopalega maiʼnaya Yuta vayaʼmogitapaʼeʼmo lapaipamoʼmo kana huʼninagetapa koli osiyo. Egamo lapakaemo kamemo hisayafeʼmo vigenoʼao Ala kava neʼmoʼa lapakaeʼeʼmo magokepi lokaeno vino, huno hapa paiʼniye.

Samu 3:8

Kagaekeʼmo lagufamo alika katika nelatane. Kagaemo vayakamo alika auleka apateʼnane.

Samu 68:21

Lagufamo alino katino lateʼniyaʼmonanafa kame vayaʼamogi apakenopamo alino hosu huno apatalegaiye. Agaemo hosu kavaʼapimo oʼataleʼnaya vayaʼo apayokamo aeʼniya apakenopaleʼmo apamagigiye.

Samu 78:53

Alagepa huno yagaino apateʼnigeʼa koli osuʼa afaʼa uʼnayaʼmonanafa solovala aniʼmoʼa kame vayaʼapimo ago aeno apati kaeʼniye.

Samu 91:8

Kahaopaleʼmo afole oʼaigiyaʼmonanafa kaulagafatikeʼmo hosu vayaʼmogimo hosu kavaʼmo anonaʼapilefeʼmo hosu yaʼmo alisageka apakegane.

Hatu maeno apate'niya gemae 14:30

Ala kava neʼmoʼa ani kavatetiʼmo Isaleli vayaʼmo Isipi vayaʼai apayapatiʼmo apakufamo alino katino apateʼniye. Isipi vayaʼmogi apakufamo solovala aniʼmo agiʼnaleʼmo haneʼnigeʼa Isaleli vayaʼmogimo ageʼnae.

Hatu maeno apate'niya gemae 20:20

Moseseʼa hapa painoʼaeʼmo, Lapakaemo koli osiyo. Gotiʼa lapamalageka hisiyafeʼmo emineʼniye. Ani kavatetiʼmo koli hutetapaeʼmo hosu kavaʼmo osisayafeʼmo emineno lapamalageka huʼniye, huno hapa paiʼniye.

Aiyeya 26:3

Kagaefeʼmo lole apakesamo oʼafiʼa magoke apakesamo neʼafiya vayaʼmogimo aliʼa amufa nekamiyaʼmofeʼmo apaipamoʼmo falu hisiyafeʼmo yagaika apategane.

Aiyeya 35:4

Lapakaemo apaipafiʼmo koli nehaya vayaʼaifeʼmo hutapaeʼmo, Koli osuta lokiya vaitapa maiyo. Afiyo, hutapa, Gotitapimoʼmo emineno hosu kavaʼmo anonaʼapilefeʼmo apamigiyaʼmonanafa lapakufamo alino katino lapategaiye.

Aiyeya 43:11

Nagaiʼnigeʼmo nagaemo Ala kava neʼmo maiʼnove. Alu gotiʼa apakufamo alino katino neʼapateya gotiʼa alagi oʼmaiʼniye.

Hamakaki 3:13

Kagaemo vayakamogi apakufamo alika katika apatesanafeʼmo emikeʼnane. Kagaika vekamo uvelimo lakika ateʼnana vekaʼeʼmo emiteʼnaʼae. Hosu afamo anagaʼai afoʼapimo agenopaleʼmo amagiʼnane. Alagi alika hano huka apataleʼnane.

Hamakaki 3:8

O Ala kava nene, huʼna, uno nelamiya anifeʼmo haoke oseʼnapiye. Uno nelamiya anifeʼmo kaipamo leʼnifiye. Solovala anifeʼmo kaipamo leʼniyaʼmofeʼmo ati vayaʼmogi hosiʼapileʼmo fai maiʼneʼa kamemo huge halauliʼa neʼvaya talalafiʼmo maiʼneʼa kame huge nehaya kava huka vayakamo hapa maesanafeʼmo eka kame huʼnane.

Napa 14:9

Lavalelinuno lamigiyaʼmonanafa akame hisaya Gotiʼa geʼamo amagitapa oʼataleyo. Ani haopalegamo maiʼnaya vayaʼmo lagae neʼyakana huʼa maisageta alita hano huta apatalegaunaʼmofeʼmo ani vayaʼaifeʼmo koli osiyo. Hapa maesaya gotiʼapimogimo oʼmaiʼnayaʼmonanafa Ala kava neʼmoʼa lagaeʼeʼmo magokepiʼmo lokaeno maiʼniye. Apakaefeʼmo koliʼapimo osiyo, huʼana hapa paiʼnaʼae.

Matiyu 28:5

Enisole vekamoʼmo lole atalafeʼmo, koli osiʼao. Malipu yosaleʼmo nili aiteʼa aliʼa he tiʼa ateʼnaya vekamo Yesuʼmo agesaʼafeʼmo neʼaʼae, huʼna lanakeʼnove.

1 Samiyo 11:13

Ha paiʼnayaʼmonanafa Soloʼmo hunoʼaeʼmo, Haʼao, huno, lagaemo mago vayatimo kamitimo hapaesunageʼa ofaligae. Mani hemenitomo Ala kava neʼmoʼa Isaleli vayaʼmo kame vayatimogi apayapatiʼmo lagufamo alino katino lateʼniyaʼmofeʼmo magoke vekamo kamitimo ohaegaune, huno huʼniye.

1 Samiyo 12:16

Inagi hemenimo afiyo. Lapakaemo aiseʼamo agava maiʼnigenoʼao Ala kava neʼmoʼa alopa kavaʼmo hisigetapa agegae.