Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hatu maeno apate'niya gemae 14:12 - The Keyagana NT and 25 OT books

12 Lagaemo Isipi kotegamo maiʼnetaeʼmo kagaefeʼmo hutaeʼmo, Afaʼa latenageta Isipi vayaʼmogi aliʼyaʼmo alita maino, huta kaha opaiʼnopiye. Isipi vayaʼaiteʼmo kalavusi aliʼyaʼmo lahaise vose huta alita maiʼnonesinana kanale huʼniyesinaʼmonanafa mani kaʼme kotegamo falisunaʼmoʼmo alagi hosugiye, huʼa huʼnae.

အခန်းကိုကြည့်ပါ။ ကော်ပီ




Hatu maeno apate'niya gemae 14:12
11 ပူးပေါင်းရင်းမြစ်များ  

Laginago vayaʼmo Isipi kotegamo maiʼnagenoʼaeʼmo Gotiʼa noʼagaya agufa lokiya aune kavaʼmo huʼniyana ageʼa aeto osuʼnae. Hau huno apateʼniya kavafeʼmo alagepa huʼa apakesamo oʼafiʼnafa ago apake kaniʼniye. Apakaemo solovala aniteʼmo uʼa avaʼyi huteʼaeʼmo anaga hogote vekalegamo hosu kavaʼmo huteʼa geʼamo ago amagiʼa ataleʼnae.


Feloʼa Isaleli vayaʼmo apataleʼnigeʼa uʼnagenoʼaeʼmo Gotiʼa Filisatini vayaʼai kotegamo uʼniya kaʼmo hogo kateʼmo apavalelino oʼuʼniye. Gotiʼa fiku yanageʼa hogo kateʼmo neʼvisageʼapaeʼmo mago vayaʼmogimo, Apakaemo kamemo hapaesageʼapaeʼmo halate atagineʼa Isipi kotegamo ugae, huno agesamo afiʼniye.


Isaleli vayaʼmo apakafu kiʼnigeʼa kage gage nehaya gemo afige Isipi vayaʼmogimo hapaise vose aliʼyaʼmo apamiteʼapaeʼmo aliʼa afepi neʼapataya kavaʼmo agege huʼnove.


Yagaiʼa apateʼnaya vayaʼmogimo hana paiʼapaeʼmo, Ala kava neʼmoʼa kavatanimo lanaketenoʼaeʼmo alino fako huno lanategaiye. Lanakaemo huʼnaʼa kavatetiʼmo kini vekamoʼe muki Isipi vayaʼmogiʼeʼmo lagaefeʼmo ohapauʼnigeʼa magoʼe huʼa apaini huʼa lateteʼa kamitimo lamagisayafeʼmo yagaiʼa maiʼnae, huʼa hana paiʼnae.


Inagi Moseseʼa Isaleli vayaʼaifeʼmo ani gemo hapa paiʼniyaʼmonanafa oʼafiʼnae. Apakaemo kalavusi aliʼyaʼmo aliʼa maiʼnageno apaipamoʼmo kana huʼniyaʼmofeʼmo geʼamo oʼafiʼnae.


Ani kava nehanaʼmofeʼmo Ala kava nene, huʼna, Hemenimo afaʼa neʼmauva yaʼnileʼmo aligeʼna ago falino. Afaʼa maisuvana kanale osugiye. Kanale kavanageʼna afaʼa faliguve, huno nunumuʼmo huʼniye.


Yegemo haineteno leʼnigenoʼaeʼmo Gotiʼa amuko yasimo alino ateʼnigeno amuko yasimo alige yegemoʼmo Yona agenopaleʼmo alege huʼnigeno Yonaʼa aulagamoʼmo atete huteno kalafe kalafe huʼnigeno falisiyafeʼmo huʼniye. Yonaʼa Gotifeʼmo, Faliguve. Afaʼa maisuvana kanale osugiye. Kanale kavanageʼna afaʼa faliguve, huno ha paiʼnigeno


Nasalasa kotega vekamo Yesuo, huno, lagaetegamo na agufa kava hisanafeʼmo eʼnane. Alika lagoʼya faika latalegefeʼmo eʼnapiye. Afaʼa lato. Kageʼnovana Goti aote vekamo maiʼnane, huno alopa gefatiʼmo huʼniye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ