Hatu maeno apate'niya gemae 13:3 - The Keyagana NT and 25 OT books

³ Moseseʼa Isaleli vayaʼaifeʼmo hapa painoʼaeʼmo, Lapakaemo Isipi kotegamo lahapaise vose hutapa kalavusi aliʼyaʼmo neʼaligenoʼaeʼmo Ala kava neʼmoʼa himamu lokiyaʼaletiʼmo hatu maeno lapavalelino eʼniya afinafeʼmo lapake okanisigetapa lapakesamo afisayafeʼmo aeno apafu noleya peleti mayamo oʼnegae.

Hatu maeno apate'niya gemae 13:3 ပူးပေါင်းရင်းမြစ်များ

Aepa Gemae 15:16

Foʼa kaginago nofi vayakamo afole aiteʼapaeʼmo halate atagineʼa manileʼmo egae. Emo nofi vayaʼmogi hosu kavaʼapimoʼmo kosime kosime haineno ani afinaʼmo havai tegaiyamofeʼmae.

Samu 105:5

Emalehamuʼa Ala kava neʼmo aliʼyaʼamo neʼaliya vekamo aginago vayaʼamogitapaʼe Yekopuʼa lekana paino ateʼniya vekamo aginago vayaʼamogitapaʼene, huʼna, lokiya kavaʼaʼe aune kavaʼaʼefeʼmo lapakesamo afiyo. Alino fako huno apateteno ani kavaʼmo hiyo, huno huʼniya geʼaeʼmo lapakesamo afiyo.

Samu 114:1

Akeyaʼvilagamo Isaleli vayaʼmo Isipi kotegatiʼmo ataleʼa uʼnaya afinaʼmo uʼa muki aliʼnaya mopamo Gotiʼmo aote mopaʼamo alino hamaleno ateʼniye. Apakaemo alu apakemo neʼaiya vayaʼaitegatiʼmo ataleʼa uʼnageno Gotiʼa Isaleli vayaʼaiteʼmo yagaino apateʼniye.

Samu 136:11

Apamagiteno Isaleli vayaʼmo Isipi vayaʼaitegatiʼmo apavalelino eʼniye. Agaemo muki afinaʼmo hau huno latege latege huno maigiyaʼmofeʼmo hao ke heyo.

Samu 136:12

Agaemo alopa lokiyaʼaletiʼmo apavalelino eʼniye. Agaemo muki afinaʼmo hau huno latege latege huno maigiyaʼmofeʼmo hao ke heyo.

Samu 89:14

Kini vekamo maiʼneka fatago kavaʼmo huka alagepa huka alika fako huka apateteka yagaika neʼapatane. Kahau huka apatege lama geʼageʼmo huge huka maiʼnane.

Hatu maeno apate'niya gemae 12:15

Ala kava neʼmoʼa magoʼe gemo hunoʼaeʼmo, Seveniʼa afinaʼmo aeno apafu nole peleti mayamo negae. Napa vani afinaʼmo notapifatiʼmo peleti mayafiʼmo ateʼnageno aeno apafu neleya yaʼmo alitapa atalegae. Mago vekamoʼmo ani seveniʼa afinapati mago afinaʼmo aeno apafu leʼniya peleti mayamo nesigetapaeʼmo Isaleli nofi vayapafatiʼmo alita ha faitapa atalegae.

Hatu maeno apate'niya gemae 12:17

Ani afinaʼmo nagaemo asole Isaleli vayaʼmo Isipi kotetiʼmo apavaleliʼna uguvaʼmofeʼmo muki kafugaʼae kafugaʼaeʼmo aeno apafu nole peleti mayamo hopa afinaʼmo akame hutapa negae. Isaleli vayaʼmogitapamo ani kavaʼmo alagi oʼataleyo.

Hatu maeno apate'niya gemae 12:19

Seveniʼa agufa afinaʼmo peleti mayafiʼmo ateʼnageno aeno apafu neleya yaʼmo notapifiʼmo alagi ohaneno. Ina laʼmo aeno apafu leʼniya peleti mayamo nesifi lapakaepatiʼmo alita ha faitapa atalegae. Alu nofi vekamoʼmo nesifi Isaleli vekamoʼmo nesifi hisigetapaeʼmo alagi alita ha faitapa atalegae.

Hatu maeno apate'niya gemae 12:2

Mani hemeni kafugamo hogote kaimo lapakae kaimo hanegaiye.

Hatu maeno apate'niya gemae 12:41

Ani fo hataleti tetiʼa kafugamo Isipi koteʼmo alagi maiʼa hano huteʼa Ala kava neʼmo vayaʼamo Isipi kotetiʼmo ataleʼa uʼnae. Isaleli vayaʼmo hogoteʼa Isipi kotegamo eʼa avaʼyi huʼnaya agufa afinakeʼmo Isipi kotetiʼmo ataleʼa uʼnae.

Hatu maeno apate'niya gemae 12:42

Ani haniʼilagamo Ala kava neʼmoʼa Isaleli vayaʼmo Isipi kotetiʼmo hatu maeno apavalelino visiyafeʼmo yagaino apateʼniyaʼmofeʼmo Isaleli vayaʼmo henagaʼamo afole aisaya vayaʼmogimo muki kafugaʼae kafugaʼaeʼmo mani afinaʼmo haniʼilagamo apau okaleʼa Ala kava netefeʼmo mono hisaya afinaʼapimo haneʼniye.

Hatu maeno apate'niya gemae 12:8

Faletetapaeʼmo ani haniʼilagamo ani sipisipimo kaetetapa aeno apafu noleya peleti mayaʼe atu neheya hagomupaʼeʼmo neyo.

Hatu maeno apate'niya gemae 13:14

Inagi henagaʼamo mafaʼnetapimogimo mani kavaʼmo aepaʼamo na agufa kavaʼmo nehae, huʼa ge huʼa lapafi gesagetapaeʼmo, Ala kava neʼmoʼa Isipi kotega kalavusi aliʼyaʼmo lahaise vose huta neʼalunageno himamu lokiyaʼaletiʼmo hatu maeno lavalelino eʼniye.

Hatu maeno apate'niya gemae 13:9

Ala kava neʼmoʼa Isipi kotegatiʼmo himamu lokiyaʼaletiʼmo lapavalelino eʼniyaʼmofeʼmo ani hopa afina kavaʼmo nehutapaeʼmo Gotitefeʼmo mono hisaya kavaʼmoʼa lapayateʼmo alagena yakana huno hanege lahapanileʼmo alagena yakana huno hanege huʼnisigetapaeʼmo lapakesamo afigae.

Hatu maeno apate'niya gemae 20:2

Nagaemo Ala kava neʼmo Gotitapimoʼnamo maiʼneʼnaeʼmo Isipi kotegamo kalavusi lahapaise vose hutapa aliʼyaʼmo aliʼnageʼnaeʼmo lapavaleliʼna eʼnove.

Hatu maeno apate'niya gemae 20:8

Lapakaemo Sapati afinafeʼmo lapake okanitapa lapakesamo afitetapa alitapa aote afinaʼmo malegae.

Hatu maeno apate'niya gemae 3:20

Olapatalegaiyaʼmofeʼmo nagaemo himamuʼniletiʼmo Isipi kotegamo noʼagaya agufa naune kavaʼmo huteʼna kayoʼmo apamisugeno kini vekamoʼmo afaʼa lapatalesigetapa ugae.

Hatu maeno apate'niya gemae 34:18

Aeno apafu noleya peleti mayamo neʼnaya hopa afina kavakeʼmo hiyo. Seveniʼa felugamo maitetapa ani felugamo negae. Negae, huʼna lapa paiʼnova kavaʼmo akame hutapa Amipi kaileʼmo Isipi kotegatiʼmo ataletapa eʼnayaʼmofeʼmo ani kaileʼmo negae.

Hatu maeno apate'niya gemae 6:1

Ala kava neʼmoʼa Mosesefeʼmo ha painoʼaeʼmo, Nagaemo hemenimo kini vekalegamo hisuva kavaʼmo agegane. Himamuʼniletiʼmo hisugeno apatalesigeʼa afaʼa ugae. Himamuʼniletiʼmo hisugenoʼaeʼmo mani agaiʼa kotetiʼmo alino hapa faino apatalesigeʼa ugae, huno ha paiʼniye.

Hatu maeno apate'niya gemae 6:6

Kotalakeʼnieʼmo nagesa afiʼnovaʼmofeʼmo Isaleli vayaʼaifeʼmo ina ge huka hapa paiyo. Nagaemo Ala kava neʼmo maiʼnove. Nagaemo Isipi vayaʼaiteʼmo kalavusi aliʼyaʼmo neʼaliya kavapatiʼmo lapakufamo aliʼna katiʼna lapatege himamuʼniletiʼmo lapa maeteʼna kavaʼapimo aliʼna fako huʼna apateteʼnaeʼmo lusi kayoʼmo apamiteʼna hatu maeʼna lapatege huguve.

Hatu maeno apate'niya gemae 6:7

Nagaemo lapavalesugetapa nagaiʼni vayaʼnimo maisageʼnaeʼmo nagaemo Gotitapimoʼnamo maiguve. Ani afinaʼmo nagetapaeʼmo, Ala kava neʼmo Gotitimoʼmo Isipi kotegamo kana yaʼmo aliʼnonagenoʼaeʼmo hatu maeno lateʼniya Gotiʼmae, hutapa hugae.

Hatu maeno apate'niya gemae 7:4

Gekamo oʼafisigeʼnaeʼmo naune kavaʼmo huguvaʼmonanafa nagaemo Isipi vayaʼmogi kavaʼapimo aliʼna fako huteʼnaeʼmo alopa kayoʼmo apamiteʼna himamuʼniletiʼmo muki Isaleli nofi vayaʼmo apavaleliʼna uguve.

Neniyo 9:15

O Ala kava neʼmo Gotitimogae, huʼna, himamukaletiʼmo vayakamo hatu maeka apateteka Isipi kotegatiʼmo apavalelika eka ala kagikamo aliʼnana Gotitimogamae, huʼna, Lagaemo hosu kavaʼmo huʼnone. Lagaemo hanageke kavaʼmo huʼnone.

Matiyu 10:12

Nopiʼmo uta nehaitapaeʼmo, alagepa hutapa maiyo, huta hapa paiyo.

Luki 22:19

Peleti mayamo alino nunumuʼmo huno hao ke heteno alino akaya heno apamitenoʼaeʼmo, manimona nagufaʼniye. Lapakaetefeʼmo Gotina amiguve. Mani afinatetiʼmo nagaefeʼmo lapakesamo afita ho hisayafeʼmo ani kavaʼmo huge huge huta maiyo.

1 Kolitiyani 11:24

Aliʼneno Gotifeʼmo hao ke heteno akaya heno aliʼnenoʼaeʼmo, manimona nagufaʼnimo haneʼniye. Lapakaetefeʼmo aiʼa atalagaugae. Hemenimo nagaefeʼmo lapakesamo afitapa ho hisayafeʼmo mani kavaʼmo hutapa nete nete hutapa maiyo, huno hapa paiʼniye.

1 Kolitiyani 5:8

Hopa afina kavaʼmo hisunafeʼmo hosu kavaʼmo osuge hanageke yaʼmo alita oʼapamige huteta ani kava huta atafa peleti mayamo alino ko sino neʼateya peleti mayamo alita atalegetao. Yaveyave laipamo aliʼneta lama gemo huteta ani kava huta ko nosiya peleti mayamo alita hopa afina kavaʼmo higetao.

Efasasi 1:19

Kagaemo lagaetegamo lusi kava huka aeno apakaseʼniya lokiyakaletiʼmo lokiya kavaʼmo huʼnananageka hemeniʼeʼmo nehane. Lokiyakaletiʼmo lokiya kavaʼmo huka Kalaisi agufafiʼmo kayamukiki huka aliʼyaʼmo aliteka faliʼniyatetiʼmo ago alika he tika ateteka lamaga kahaopaleʼmo avalelika uka haika ateʼnana kavaʼmo huka laipafiʼmo ani agufa lokiya kavaʼmo huka aliʼyaʼmo aliʼnanageta lagesamo afita fatago nehune. Mani lokiya kavaʼmo alika apave liyo, huʼna nunumuʼmo huʼna nelapatove.

Yasuva 24:17

Ala kava neʼmo magokeʼageʼmo lagaemo Gotitimoʼmogeno lagaeʼe afotimogiʼeʼmo Isipi vayaʼmogi kalavusi aliʼyaʼapifatiʼmo lagufamo alino katino lateteno lavalelino eʼniye. Agaemo laulagaleʼmo alopa noʼagona agufa lokiya aune kavaʼmo ago huge alu nofi vayaʼmogi mopaleʼmo uʼnona afinaʼe haiya vayaʼmogi haopalegamo uʼnona afinaʼeʼmo alagepa huno yagaino latege huʼniye.