Hatu maeno apate'niya gemae 13:18 - The Keyagana NT and 25 OT books

¹⁸ Agesamo afiʼniyaʼmofeʼmo Gotiʼa kaʼme kotega Haesa Solovala aniʼmo haneʼniya kateʼmo apavalelino aino vego huno uʼniye. Apavalelino uʼnigeʼapaeʼmo Isaleli vayaʼmo ami vayakana huʼa lokaeliʼa ute ute huʼnae.

Hatu maeno apate'niya gemae 13:18 ပူးပေါင်းရင်းမြစ်များ

Aepa Gemae 50:25

Yosefeʼa Isaleli mafaʼne anagaʼaifeʼmo hapa painoʼaeʼmo, lapagoʼyamo ataletetapaeʼmo, kayamufakamo alinituta Kenani kotegamo kita ategaune, hutapa naha paiyo. Gotiʼa emineno alagepa huno lapa maesigetapa mani kotetiʼmo nayamufaʼnimo alinitapa ugae, huno hapa paiʼniye.

Samu 107:7

Agaemo uʼa maisaya taonifiʼmo visayafeʼmo fatago kateʼmo apavalelino uʼniye.

Samu 136:16

Agaemo vayaʼamo kaʼme kotegamo alagepa huʼa visayafeʼmo yagaino apateʼniye. Agaemo muki afinaʼmo hau huno latege latege huno maigiyaʼmofeʼmo hao ke heyo.

Samu 68:8

Ani afinaʼmo Gotiʼmo emineʼniyaʼmofeʼmo ma mopamoʼmo atete huge alopa koʼmo ailino eminege huʼniye. Sainai avemoʼmo lusi kava huno atete huʼniye. Isaleli vayaʼmogi Gotiʼapimoʼmo emineʼniyaʼmofeʼmo lusi kava huʼa atete huʼnae.

Hatu maeno apate'niya gemae 12:51

Ani Pasova kavaʼmo huʼnaya afinaʼmo Ala kava neʼmoʼa muki Isaleli nofi vayaʼmo Isipi kotegatiʼmo apavalelino eʼniye. Afamo anagaʼapiʼe anagaʼapiʼeʼmo aliʼa apaote apaote huʼa eʼnagenoʼaeʼmo apavalelino eʼniye.

Hatu maeno apate'niya gemae 14:2

Isaleli vayaʼaifeʼmo ina gemo hapa paiyo. Hapa paikaeʼmo, Atagine uta solovala aniʼmo agiʼnaleʼmo Pihahiloti koteʼmo seli notapimo alita he tita atetetapa maiyo. Miganoli taonimo hanete solovala aniʼmo hanete hutegeta folagapiʼmo Malasefoni koʼmo haopaleʼmo maiyo, huka hapa paiyo.

Hatu maeno apate'niya gemae 14:9

Ani Isipi vayaʼmogimo muki hosiʼapimo apavalege Felo talalaʼmo halauge hosileʼmo yagaiʼnaya vayaʼmogimo hosimo apavalege huteʼa Isaleli vayaʼmo apavegala aeli uʼa seli noʼmo aliʼa he tiʼa ateteʼa maiʼnaya haopalegamo avaʼyi uʼa huʼnae. Apakaemo solovala aniʼmo agiʼnaleʼmo Pihahiloti koʼmo hanete Malasefoni koʼmo hanete hutegeʼa haopaleʼmo uʼa maiʼnae.

Yasuva 1:14

Aʼne anagatapigi mafaʼne anagatapigi yuna afu anagatapigi huʼa Yoneni aniʼmo magayaga faligamo Moseseʼmo lapamiʼniya mopaleʼmo lapakava maigae. Maigayaʼmonanafa lapakae ati vayaʼmo koli osuʼa lokiya vaiʼa kame nehaya ati vayaʼmogi atigi kevegi naipegi huʼa aliteʼa uʼa hogoteʼa aniʼmo lakaeʼa uʼa konagatapimogi hapa maegae.

Yasuva 4:12

Lumeni nofi vayanagi Gati nofi vayanagi Manasa nofi vayapatiʼmo magokayaga nofi vayanagi huʼa Moseseʼmo hapa paiʼniya gemo afiteʼa kame hisaya yaʼmo aliniʼa uʼa hogoteʼa lakaeʼnae.

Yasuva 4:13

Ina kava huʼa foti tauseniʼa agufa vayaʼmogimo kamemo hisayafeʼmo alo huʼa aliteʼa Ala kava neʼmo aulagaleʼmo lakaeʼa mago otu mopamo Yeliko taonimo haopaleʼmo uʼa avaʼyi huʼnae.