Hatu maeno apate'niya gemae 12:21 - The Keyagana NT and 25 OT books

²¹ Inagi Moseseʼa Isaleli vayaʼaiteʼmo yagaiʼa neʼapataya vayatama vayaʼaifeʼmo ge huʼnigeʼa eʼnagenoʼaeʼmo ina ge huno hapa paiʼniye. Lapakaemo afamo anagatapieʼmo lapakesamo afitapa Pasova aikeli sipisipimo lekana paitetapa avalelitutapa lugoʼapimo hatagaiyo.

Hatu maeno apate'niya gemae 12:21 ပူးပေါင်းရင်းမြစ်များ

Esala 6:20

Mono huʼa neʼapataya vayaʼe Livai nofi vayaʼeʼmo Goti mono aliʼyaʼamo alisayafeʼmo apakaiʼapimo aliʼa alo huʼa apateʼnayaʼmofeʼmo Pasova afina kavaʼmo huteʼa sipisipi anaʼaumo amagiʼa ofalinimo huʼnae. Kame vayaʼmogimo kalavusi huʼa apateʼnaya vayaʼai mafaʼne anagaʼapimogi hosu kavaʼapilefenagi mono huʼa neʼapataya konagaʼapimogi hosu kavaʼapilefenagi apakaiʼapi hosu kavaʼapilefenagi huʼa ofalinimo huʼnae.

Hatu maeno apate'niya gemae 12:11

Lapakaemo nesunetapaeʼmo kukenatapimo vaige sutapimo vaige hayopa kayotapimo alige huʼnetapaeʼmo malage hutapa negae. Nagaemo emiʼneʼna lapakaemo lapakegeʼna lapateʼna uʼnova kavafeʼmo lapakesamo afisaya agufa neʼyaʼmo agiʼamo Pasova neʼyaʼmae.

Hatu maeno apate'niya gemae 12:20

Lapakaemo aeno apafu neleya neʼyaʼmo oʼnegae. Lapakaemo muki notapifiʼmo aeno apafu nolesiya peleti mayamo negae.

Hatu maeno apate'niya gemae 12:3

Muki Isaleli vayaʼaifeʼmo hapa paitanaeʼmo, mani kaimo teni afinaʼmo magoke magoke vayaʼmogitapamo aikeli sipisipimo afamo anagatapilefeʼmo lekana pai maleyo.

Hatu maeno apate'niya gemae 17:5

Ala kava neʼmoʼa Mosesefeʼmo ha painoʼaeʼmo, Kagaemo Isaleli vayapatiʼmo mago vayatama vayaʼmo apavalelika uka hogoto. Hayopa kayokaletiʼmo alopa aniʼmo Isipi kotegamo uno nelamiya aniteʼmo amagiʼnana hayopa kayokamo alinika ugane

Hatu maeno apate'niya gemae 19:7

Inagi Moseseʼa avefatiʼmo uno lamino Isaleli vayatama vayaʼaifeʼmo ge huʼnigeʼa eʼnageno Moseseʼa mani gemo Ala kava neʼmoʼa hiyo, huno ha paiʼniya gemo hapa paiʼniye.

Hatu maeno apate'niya gemae 3:16

Uka Isaleli vayatama vayaʼmo apavaleka alika anupa huka apateʼnekaeʼmo, Lapakinago vayaʼmo Emalehamu Gotiʼamoʼmogi Aisaki Gotiʼamoʼmogi Yekopu Gotiʼamoʼmogimo huno Gotiʼapimoʼmo nagaeteʼmo afole aiteno naha painoʼaeʼmo, Nagaemo lapa maesuvafeʼmo emiʼneʼna Isipi vayaʼmogimo lapakaetegamo nehaya hosu kavaʼmo ageʼnove.

Napa 11:16

Inagi Ala kava neʼmoʼa Mosesefeʼmo hunoʼaeʼmo, kagaemo sevetiʼa vayatama vayaʼmo apavalelika seli mono noteʼmo nagaetegamo eno. Kagaemo ago apakeʼnanageʼa yagaiʼa neʼapataya vayatama vayaʼmo apavalelika seli noʼnileʼmo egeʼa kagaeʼeʼmo magokepi he tiʼa maigae.

1 Kolitiyani 10:4

Ani kava huʼa magoke agufa aniʼmo Goti Aunemeʼamoʼmo apamiʼniya aniʼmo magokepi neʼnae. Apakaemo Goti Aunemeʼamoʼmo apamiʼniya aniʼmo apakaeʼeʼmo magokepi lokaeno uʼniya yafapatiʼmo emineʼniya aniʼmo neme neme uʼnae. Ani yafaʼmo Kalaisiʼa maiʼniye.

Himulu 11:28

Agesamo afino fatago huʼniya kavatetiʼmo Isipi vayaʼai yege mafaʼneʼapimo kamitimo apamagiʼniya enisole vekamoʼa Isaleli nofi vayaʼai yege mafaʼneʼapimo oʼapamagisiyafeʼmo Pasova kavaʼmo hutapa sipisipimo amagitapa kolaʼaletiʼmo notapimo kipa yosaleʼmo faleyo, huno hapa paiʼniye.

Yasuva 5:10

Inagi Isaleli vayaʼmo Giligali kotega otu mopamo Yeliko taonimo haopaleʼmo seli noʼmo aliʼa he tiʼa ateteʼa maiʼnae. Hogote kaimo fotini afinaʼmo yegemo uno lamino nefalegeʼapaeʼmo Pasova neʼyaʼmo yagita huʼa neʼnae.