Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hatu maeno apate'niya gemae 12:16 - The Keyagana NT and 25 OT books

16 Napa vani afinaʼe seveni afinaʼeʼmo alitapa anupa hutapa maiʼnetapa monoʼmo hugae. Lapakaemo ani lole afinaʼmo muki alu aliʼya alu aliʼyaʼmo oʼaligae. Neʼyatapimo nesaya yaʼmo alo hugae.

အခန်းကိုကြည့်ပါ။ ကော်ပီ




Hatu maeno apate'niya gemae 12:16
21 ပူးပေါင်းရင်းမြစ်များ  

Ha paiʼnagenoʼaeʼmo Moseseʼa hapa painoʼaeʼmo, Ala kava neʼmoʼa ani ge huno huʼniye. Egamo sapati afinaʼmo maitapa haga lesayana Ala kava netapimona nagiʼnilefeʼmo maitapa haga legae. Atafiʼmo kaetapa nesayafeʼmo lapauʼnisiya vayaʼmogitapamo atafiʼmo kaetapa negae. Samofiʼmo kaetapa nesayafeʼmo lapauʼnisiya vayaʼmogitapamo samofiʼmo kaetapa nege hutetapaeʼmo egaʼamo nesaya yaʼmo mago maleyo, huno huʼniye, huno hapa paiʼniye.


Afiyo, huʼna, Ala kava neʼmoʼa sapati afinaʼmo lapamiʼniyaʼmofeʼmo napa sigisi afinaʼmo lole afinaʼmo nesaya agufa neʼyaʼmo nelapamiye. Seveni afinaʼmo muki vayaʼamo noʼapifiʼmo maigae. Mago vekamoʼmo noʼafatiʼmo ataleno uneno osuno maigiye, huno hapa paiʼniyaʼmofeʼmo


Napa sigisi afinaʼmo neʼyaʼmo aliteʼa noʼapifiʼmo aliʼa alu aiteʼapaeʼmo lole afinaʼmo nesaya agufa neʼyaʼmo haneʼniye, huʼa agegae.


Aligayaʼmonanafa seveni afinaʼmo Ala kava neʼmo Gotitapimoʼnalefeʼmo alita aote afinaʼmo malegae. Sapati afinaʼmo maitapa haga lesaya afinaʼmo haneʼniyanagetapa aliʼyaʼmo oʼaligae. Lapakaitapigi mafaʼnetapigi aliʼyatapimo neʼaliya vayanagi afutapigi alu kotegatiʼmo eʼa lapakaeʼeʼmo magokepi lokaeʼa maiʼnisaya vayanagi hutapa aliʼyaʼmo oʼaligae.


Aeno apafu noleya peleti mayamo neʼnaya hopa afina kavakeʼmo hiyo. Seveniʼa felugamo maitetapa ani felugamo negae. Negae, huʼna lapa paiʼnova kavaʼmo akame hutapa Amipi kaileʼmo Isipi kotegatiʼmo ataletapa eʼnayaʼmofeʼmo ani kaileʼmo negae.


Magoʼe hutapa afa ofalinimo alinitetapa oʼnamiyo. Mono nehutapaeʼmo alagepa atumo neʼaiya yaʼmo nekaya kavafeʼmo alagi oʼnahaiye. Lapakaemo saufa kaileʼmo mono huge Sapati afinaʼmo mono huge alita anupa hutapa maige nehaya kavaʼmo magoʼe hutapa hisayafeʼmo alagi oʼnahaiye. Mono nehutapaeʼmo hosu kavaʼmo nehayaʼmofeʼmo alagi oʼnahaiye.


Ani afinaʼmo Pasova neʼyaʼmo alo huʼa neʼmalaya afinaʼmo haneʼniyaʼmofeʼmo egamo hogote Sapati hopa afinaʼmo malipu yosaleʼmo nili aiʼnaya vayaʼmo malipu yosaleʼmo apakufaʼamo hanesiyafeʼmo Yu vayaʼmogi ohapauʼniyaʼmofeʼmo ati vayaʼmogi Pailatifeʼmo huʼapaeʼmo, Uʼa apaiyamo aiʼa lo aeteʼa apakufaʼamo aliniʼuʼa akaiʼa ataleyo, huʼa ha paiʼnae.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ