Hatu maeno apate'niya gemae 10:9 - The Keyagana NT and 25 OT books

⁹ Moseseʼa hunoʼaeʼmo, Muki neya vayanagi kosuna vayanagi ve mafaʼne anagatigi a mafaʼne anagatigi sipisipitigi pulumakatigi huta magokepi ugune. Alopa yagitamo huteta Ala kava netefeʼmo mono hugune, huno ha paiʼniye.

Hatu maeno apate'niya gemae 10:9 ပူးပေါင်းရင်းမြစ်များ

Aepa Gemae 50:8

Ani kava huʼa Yosefe afamo anagaʼagi konagaʼamogiʼenagi afoʼamo afamo anagaʼagi huʼa mukiʼamo uʼnayaʼmonanafa aise mafaʼne anaganagi sipisipigi memegi pulumakagi huʼa Goseni kotegamo maiʼnae.

Hatu maeno apate'niya gemae 10:10

Nagaemo lapatalesugetapa visayaʼmoʼmo Ala kava neʼmoʼa lapakaeʼeʼmo magokepi lokaeno ugiye, huno kigi yokalo gemo huʼniye. Magoʼe gemo hunoʼaeʼmo, utapa hanageke yaʼmo aligayanagi ehetapiye.

Hatu maeno apate'niya gemae 10:26

Ala kava neʼmo Gotitimotefeʼmo mono hisunafeʼmo muki alu afu alu afutiʼeʼmo apavalelita ugune. Magoke afutimo afaʼa oʼategaune. Mono hisuna yateʼmo uta avaʼyi hutetaeʼmo haiya agufa afumo amagita amisupi huta agegaune, huno ha paiʼniye.

Hatu maeno apate'niya gemae 12:32

Naha paiʼnaya kavaʼmo hutapa muki sipisipitapigi memetapigi pulumakatapigi hutapa apavaletetapa Isipi kotetiʼmo alagi ataletapa viyo. Inagi lanakaemo nagaeʼeʼmo alagepa huʼna maisuvafeʼmo alitana auletana nateʼao, huno hana paiʼniye.

Hatu maeno apate'niya gemae 12:37

Isaleli vayaʼmo Lamesisi taonifatiʼmo ataleʼa Sukoti taonifiʼmo uʼnae. Ve anagaʼageʼmo sigisi hataleti tauseniʼa ve anagaʼmo lekana paiʼnayaʼmonanafa aʼne mafaʼneʼapimo lekana opaiʼnaya vayaʼeʼmo uʼnae.

Hatu maeno apate'niya gemae 12:38

Asole alu nofi vaya alu nofi vayaʼmo aliʼa anupa huteʼa asole pulumakagi sipisipigi memegi huʼa magokepi lokaeʼa uʼnae

Hatu maeno apate'niya gemae 13:6

Lapakaemo seveniʼa afinaʼmo aeno apafu noleya peleti mayamo neyo. Seveni afinaʼmo Ala kava netefeʼmo alopa neʼyaʼmo yagita hugae.

Hatu maeno apate'niya gemae 3:18

Ani ge huka hapa paisanaʼmoʼmo gekamo afaʼa afigae. Kagaeʼe Isaleli vayatama vayaʼeʼmo Isipi kini vekalegamo utapa ha paitapaeʼmo, Ala kava neʼmo Himulu vayaʼmogita Gotitimoʼmo lagaemo alino anupa huno lateʼniye. Kahaoke honanagi, afaʼa latalegeta loleʼe magoʼe felugamo uta kaʼme kotegamo Ala kava neʼmo Gotitimoʼmo ofalini amigune, hutapa ha paiyo.

Hatu maeno apate'niya gemae 5:1

Henagaʼamo Moseseʼe Eloniʼeʼmo Isipi kini vekalegamo uʼanaeʼmo, Ala kava neʼmo Isaleli vayaʼmogi Gotiʼapimoʼmo kagaefeʼmo hunoʼaeʼmo, Vayaʼnimo apatalegeʼa kaʼme kotegamo uʼa nagiʼnilefeʼmo alopa yagita huteʼa nagaetefeʼmo mono hiyo, huno huʼniye, huʼana ha paiʼnaʼae.

Hatu maeno apate'niya gemae 5:3

Himulu nofi vayaʼmogi Gotiʼapimoʼmo laʼagaetegamo afole aiʼniye. Kahaoke hovanagi, afaʼa latalegeta kaʼme kotegamo loleʼe magoʼe afinaʼmo uta Ala kava neʼmo Gotitimoʼmo afumo amagita ofalinimo amino. Fiku yanageno alopa kaitaʼmo lamige ati vayaʼmo alino apatesigeʼa eʼa naipeletiʼmo laige hugae, huʼana ha paiʼnaʼae.

Mai'naya kavane 3:9

Ala kava neʼmo agiʼaleʼmo alika asaga hisanafeʼmo neʼalina kagemi yapatiʼmo alika fako huka ofalinimo amiyo. Hoyakafatiʼmo hogoteno lesiya neʼyaʼmo alika ofalinimo amiyo.

Efasasi 6:4

Afoʼapimogitapae, huʼna, mafaʼnetapimo apaipamo lesiya kavaʼmo osutapa Ala kava neʼmoʼageʼmo alita apaya malege alita api aitapa apatege hutetapa alagepa huta yagaitapa apateyo.

Yasuva 24:15

Lapakaemo Ala kava neʼmo akame hisayafeʼmo olapauʼnisiyana apakame hisaya gotigimo hemenimo lekana paiyo. Lapakaemo lapakinago vayaʼmogi Yufaleti aniʼmo mugagayaga faliga maiʼneʼapaeʼmo aigofe gotigimo apakame huʼnaya gotigimo apakame hisafi hemenimo lapakaemo Emo vayaʼmogi mopaʼapileʼmo maiʼnetapaeʼmo Emo vayaʼmogi gotiʼapimogimo apakame hugae. Lagaetefeʼmo nagaiʼniʼe afamo anagaʼniʼeʼmo lagaemo Ala kava nekeʼmo akame huta aliʼyaʼamo aligune