Hatu maeno apate'niya gemae 10:15 - The Keyagana NT and 25 OT books

¹⁵ Akenu anagaʼmo eʼa havaiteteʼa muki mopaleʼmo maiʼa ati kaeʼnagenoʼaeʼmo mopamoʼmo alino anupaʼageʼmo huʼniye. Apakaemo muki hegafatalili yaʼmo nege koʼmopamoʼmo amagiteno ataleʼniya yosa alagamo nege muki hoyafiʼmo haneʼniya neʼyaʼmo nege huʼnageno muki Isipi kotega yosamo haitagi hoyafiʼmo haneʼniya hegafatalili yanagi huno alagi ohaneʼniye.

Hatu maeno apate'niya gemae 10:15 ပူးပေါင်းရင်းမြစ်များ

Samu 78:46

Agaemo mago asole kafa anagaʼmo alino apateʼnigeʼa eʼa hoyaʼapifiʼmo haneʼniya neʼyaʼmo nege asole akenu anagaʼmo alino apateʼnigeʼa eʼa hoyaʼapifiʼmo hakale maleʼnaya neʼyaʼmo nege huʼnae.

Hatu maeno apate'niya gemae 10:12

Ala kava neʼmoʼa Mosesefeʼmo hunoʼaeʼmo, Kayaʼmo alika asagauka Isipi kotegamo akoʼya huʼnegenoʼao akenu anagaʼmo Isipi kotegamo eʼa mopafati hageno haineʼniya neʼyaʼmo haitaʼamo negae. Koʼmopamoʼmo amagiteno ataleʼniya neʼyaʼamo negae.

Hatu maeno apate'niya gemae 10:5

Akenu anagaʼmogimo muki mopaʼaleʼmo maiʼa aiʼa ati kaesagetapa mopamo oʼagegae. Koʼmopamoʼmo amagiteno ataleʼnisiya neʼyaʼamo akenu anagaʼmogimo neʼa hano huge muki yosa haitaʼamo neʼa hano huge hugae.

Mai'naya kavane 30:27

Akenu anagaʼmogimo kini vekaʼapimo oʼmaiʼniyaʼmonanafa magoke aiyaya huʼa magokepi haleliʼa neʼvae.

Napa 22:5

Inagi Melakiʼmo Melamifeʼmo ge hisayafeʼmo vayaʼmo alino apateʼnigeʼa uʼnae. Melamiʼmo Miyo mafaʼnemoʼmo Pito taonifiʼmo Yufaletisi aniʼmo haopaleʼmo maiʼniye. Ani kotegamo afoʼamo koʼmo haneʼniye. Melakiʼmo ani apa vayaʼaifeʼmo hapa painoʼaeʼmo, Melamifeʼmo ha paitapaeʼmo, Afiyo, hutapa, Mago nofi vayaʼmo Isipi kotegatiʼmo ataleʼa eʼa muki haopalegamo aiʼa atagu faeʼa maiʼnae. Hemenimo lahaopaleʼmo eʼa maiʼnae.