Hatu maeno apate'niya gemae 1:17 - The Keyagana NT and 25 OT books

¹⁷ Ani ge huno hana paiʼniyaʼmonanafa Goti agiʼalefeʼmo koli huʼnaʼaʼmofeʼmo kini vekamoʼmo ani kavaʼmo hiʼao huno hana paiʼniya kavaʼmo osuʼana ve mafaʼne anagaʼmo afaʼa apateʼnaʼae.

Hatu maeno apate'niya gemae 1:17 ပူးပေါင်းရင်းမြစ်များ

Aepa Gemae 20:11

Emalehamuʼa hunoʼaeʼmo, Mani kote maiʼnaya vayaʼmogi Gotifeʼmo koli nosayanageʼa aʼniletifeʼmo kamitimo namagigae, huʼna nagesamo afiʼnove.

Aepa Gemae 42:18

Inagi loleʼe magoʼe felugamo hano huʼnigenoʼaeʼmo Yosefeʼa hapa painoʼaeʼmo, Nagaemo Gotifeʼmo koli nehuva vekamo maiʼnovaʼmofeʼmo geʼnimo akame hisayana ofalitapa afaʼa maigae.

Esata 3:3

Kini vekamo lafi kegiʼyafiʼmo maiʼneʼa aliʼyaʼamo neʼaliya vayaʼmogimo Motekaifeʼmo huʼapaeʼmo, Na kava higekaeʼmo kini vekamo geʼamo akame nosane, huʼa afi geʼnae.

Samu 31:19

Kagaefeʼmo koli nehaya vayaʼaiteʼmo magoʼe magoʼe huka alagepa kavaʼmo nehane. Apamisanafeʼmo alagepa kavaʼmo alika anupa huka neʼatane. Kagaemo vayaʼai apaulagaleʼmo kagaefeʼmo aliʼa amufa nekamiya vayaʼmogi kanale alagepa kavaʼmo apamisanafeʼmo alika alo huka ateʼnane.

Hatu maeno apate'niya gemae 1:18

Inagi kini vekamoʼmo lole atalaʼanifeʼmo ge huʼnigeʼana eʼnaʼagenoʼaeʼmo ina ge huno ge huno anafi geʼniye. Na kava higetanaeʼmo lanakaemo ve mafaʼne anagaʼmo afaʼa apateʼnaʼae, huno anafi geʼniye.

Hatu maeno apate'niya gemae 1:21

Isaleli aʼne anagaʼmogimo mafaʼnemo aliʼa neʼapatageʼanaeʼmo hapa neʼmaʼa atalaʼmoganimo Gotifeʼmo koli huʼnaʼaʼmofeʼmo Gotiʼa anakaemo mafaʼnemo aliʼana atesaʼafeʼmo hana maeʼniye.

Mai'naya kavane 16:6

Ala kava neʼmoʼa hau ayamopafiʼmo nehaiya kavatetiʼe lama geʼaletiʼeʼmo vayaʼai hosu kavaʼapimo alino neʼatale. Ani kava huʼa vayaʼmogi Ala kava nefeʼmo koli nehaya kavatetiʼmo hosu kavaʼapimo neʼatalae.

Mai'naya kavane 8:13

Ala kava nefeʼmo koli nehaya kavaʼmoʼa hosu kavafeʼmo nohapaiya kavaʼmae. Nagaemo ala apaki alisayafe hisaya kavanagi vayaʼmo aliʼa afepi apatesayafe hisaya kavanagi hosu kateʼmo neʼvaya kavanagi aigofe nehaya geʼenagi alagi huno oʼnahaiye.

Neniyo 6:13

Inagi apakaemo kini vekaeʼmo ani gemo ha paiʼnae. Neniyoʼmo Yuta kotegatiʼmo kalavusi huʼa ateteʼa avaleliʼa eʼnaya vekamoʼmo ala kagikalefeʼmo agesamo oʼafino kaiyafiʼmo oʼmaiʼniye. Keʼaepa gemo apepaleʼmo kagimo avoʼmo kaeʼnana keʼaepa gemo akame nosiyaʼmonanafa magoke afinaʼmo loleʼe magoʼe kanaleʼmo gotiʼamofeʼmo ge huno afi geʼniye, huʼa ha paiʼnae.

Maika 6:16

Lapakaemo kini vekamo Omaliʼe mafaʼneʼamo kini vekamo Ehapiʼeʼmo hosu kavaʼanimo akame nehayaʼmofeʼmo muki ani hosu kavaʼmo lapakaeteʼmo afole aigiye. Lapakaemo akeyaʼvilagamo anakaemo huʼnaʼa agufa kavaʼmo nehayaʼmofeʼmo nagaemo aliʼna hosu huʼna lapatesugeʼa alu nofi vayaʼmogimo eʼa apakameʼyamo lapamiteʼa huʼa faipa huʼa lapatesagenoʼaeʼmo lapakaemo vayaʼnimo lusi kava huno lapavagage hugiye.

Matiyu 10:28

Apakaemo amega apakufaʼamo kamitimo apamagigayaʼmonanafa apakupi mafaʼneʼamo alagi oʼapamagisaya vayaʼaifeʼmo koli osiyo. Apakufaʼe apakupi mafaʼneʼeʼmo alino ata kopiʼmo yaga auno apatalesiya vekaekeʼmo koliʼamo hiyo.

Luki 12:5

Ina lafeʼmo koli hisafigeʼna lapa paiguve. Afaʼa lahapaesigeta falitesagenoʼaeʼmo himamuʼaletiʼmo alino ata kopiʼmo yaga auno lapatalesiya vekaekeʼmo koliʼamo hiyo. He, agaefekeʼmo koliʼamo hiyo, huʼna nehuve.

Apa 5:29

Pitaʼe mago apa vayaʼmogiʼeʼmo geʼaleʼmo aeʼa atagaina huʼa hapa paiʼapaeʼmo, Hosu kavanageta vayaʼai geʼapimo akame hugunaʼmonanafa kanale kavanageta Goti geʼamo akame hugune.

1 Samiyo 22:17

Inagi kini vekamoʼmo yagaiʼa atesayafeʼmo haopaleʼmo he tiʼa maiʼnaya vayaʼaifeʼmo hapa painoʼaeʼmo, Mono huʼa neʼapataya vayaʼmogi Neviniʼmo ha maeʼa aune heʼniya kavaʼmo ageʼnayaʼmonanafa naha opaiʼnayaʼmofeʼmo kamitimo apamagiyo, huno hapa paiʼniyaʼmonanafa Ala kava neʼmo mono huʼa neʼapataya vayaʼmogi kamitimo apamagisayafeʼmo apayaʼmo aliʼa oʼasagauʼnae.