Hatu maeno apate'niya gemae 1:14 - The Keyagana NT and 25 OT books

¹⁴ Isaleli vayaʼmo maiʼnaya kavaʼapimoʼmo alagi hosuʼniye. Apakaemo simeli aliʼyaʼmo alige mopaletiʼmo noʼmo kisaya yafaʼmo kaege hoyamo aliʼa vaige huʼa lusi hapaise vose aliʼyaʼmo aliʼnae. Isipi vayaʼmogimo muki afinaʼaeʼmo hapau huʼa oʼapateʼa magoʼe huʼa kana aliʼyakeʼmo apamiʼnae.

Hatu maeno apate'niya gemae 1:14 ပူးပေါင်းရင်းမြစ်များ

Aepa Gemae 15:13

Ala kava neʼmoʼa ina ge huno ha paiʼniye. Afika alagepa huka afiyo. Kaginago vayakamo uʼa alu vayaʼai koteʼmo maiʼneʼa aliʼyaʼapimo aliʼa apatesageʼa fo hataletiʼa kafugamo lusi kana yaʼmo apamigae.

Samu 129:1

Isaleli vayaʼmogimo huʼapaeʼmo, Muki afinaʼmo kame vayatimogimo neya vayaʼmo maiʼnona afinatetiʼmo aliʼa hosu huʼa lateme lateme eʼa hemeniʼeʼmo aliʼa hosu huʼa nelatae, huʼa hugae.

Samu 68:13

Hemenimo lapakaemo samo haneʼniya haopalegamo nehavaeyaʼmonanafa alagepa namamogi apakufaletiʼmo siluvagana huno aeno halege hapakumoʼmo goligana huno aeno ha lege nehiya namagana hutapa maigae.

Samu 81:6

Gotiʼa hunoʼaeʼmo, Nagaemo apakiʼnaletiʼmo kana yaʼmo ago aliʼna ataleʼnove. Hapa maeʼnogeʼa masaketi kuʼmo ataleʼnae.

Hatu maeno apate'niya gemae 1:11

Ani gemo huno hapa paiʼniyaʼmofeʼmo Isaleli vayaʼmogimo apaiyafiʼmo maisayafeʼmo mago yagaiʼa apatesaya vayaʼmo lekana paiʼa apateʼnageʼa lokiya vaiʼa yagaiʼa apateʼnageʼa lusi hapaise vose aliʼyaʼmo aliʼnae. Ani agufa lokiya kana aliʼyaʼmo aliteʼa lole taonilaʼmo Pitomi taoniʼe Lamasesi taoniʼeʼmo kiʼnae. Ani lole taonilapiʼmo kini vekamo neʼyaʼagi alu ya alu yaʼagi huʼa maleʼnae.

Hatu maeno apate'niya gemae 1:13

Isaleli vayaʼaifeʼmo koliʼapimo huʼnayaʼmofeʼmo magoʼe huʼa lusi hapaise vose aliʼyaʼmo apamiʼnae.

Hatu maeno apate'niya gemae 1:15

Isaleli aʼne anagaʼmogimo mafaʼnemo aliʼa apatesayafeʼmo huʼnaya afinaʼmo hapa neʼmaʼa atalaʼmo Sifalaʼe Puvaʼeʼmae. Isipi kini vekamoʼmo ani atalaʼanifeʼmo ina ge huno hana paiʼniye.

Hatu maeno apate'niya gemae 2:23

Henagaʼamo Isipi vayaʼaiteʼmo yagaino apateʼniya kini vekamo ago faliʼniye. Isipi vayaʼmogimo Isaleli vayaʼmo kalavusi aliʼyaʼmo apamiʼnageʼa lusi kana yaʼmo aliteʼa yulagefa aige ge huge huʼa maiʼnaya gemo Gotiʼa afiʼniye.

Hatu maeno apate'niya gemae 20:2

Nagaemo Ala kava neʼmo Gotitapimoʼnamo maiʼneʼnaeʼmo Isipi kotegamo kalavusi lahapaise vose hutapa aliʼyaʼmo aliʼnageʼnaeʼmo lapavaleliʼna eʼnove.

Hatu maeno apate'niya gemae 6:9

Inagi Moseseʼa Isaleli vayaʼaifeʼmo ani gemo hapa paiʼniyaʼmonanafa oʼafiʼnae. Apakaemo kalavusi aliʼyaʼmo aliʼa maiʼnageno apaipamoʼmo kana huʼniyaʼmofeʼmo geʼamo oʼafiʼnae.

Mai'naya kavane 28:15

Kagemi yaʼapimo ohaneʼniya vayaʼaiteʼmo alagepa huno yagaino noʼapateya vekamo alopa gefatiʼmo age neʼaiya laiyonigana huno maige vayaʼmo nehapaeya afela meyagana huno maige huʼniye.

Aiyeya 51:23

Oʼnegayaʼmonanafa ani kapumo aliʼna hanageke yaʼmo lapamiʼnaya vayaʼai apayapiʼmo malegauve. Apakaemo lapakaemo aliʼa mopafiʼmo havaeʼa lapateʼneʼa aeʼa lata paiteʼa mopalafateʼmo umenitata nehaya agufa kava huʼa lapagotofuleʼmo aeʼa umenitata huʼnae.

Aiyeya 52:5

Hemenimo mago vayaʼmogi halate vayaʼnimo afaʼa apavaleliʼuʼa kalavusi huʼa apateʼnayaʼmofeʼmo na agufa kavaʼmo hisuve. Yagaiʼa neʼapataya vayaʼmogi alopa kana yaʼmo neʼapamigeʼa vayaʼnimogi lusi kava huʼa kage kage huʼa yulagefa neʼaiye. Apakaemo muki afinaʼae afinaʼaeʼmo naginileʼmo aliʼa afepiʼmo nateteʼa huʼa faipa huʼa neʼnatae.

Aiyeya 58:6

Nagaemo ani agufa kavafeʼmo oʼnahauʼniye. Neʼyaʼmo mo sisaya afinaʼmo hosu kavatetiʼmo nofi kitapa apateʼnaya vayaʼmo hatu maeta apatege kana yaʼmo alita apamiʼnageʼa aliniʼa neʼvaya vayaʼmo hapa maege aliʼyatapimo neʼaliya vayaʼmo kalavusi huta apateʼnaya vayaʼaifeʼmo, afaʼa ugae, hutapa huge muki ani agufa hosu kavatapimo atalege hisaya kavafeʼmo nahauʼniye.

Neyomi 3:14

Kame vayaʼmogi eʼa lapakae taonileʼmo faiʼa vego hugayanagi alo hiyo. Aniʼmo he filita eyo. Kame hisaya notapimo alita lokiya vaitapa ateyo. Uta haesa mopamo alita aeta lata paisageno hapa atisigetapa noʼmo nekiya mopamo alo nehaya kesifiʼmo maleyo. Lapakaemo alinitutapa taonile kegiʼyaleʼmo maletapa lokiya vaita ateyo.

Napa 20:15

Laginago vayaʼmo uʼa Isipi kotegamo asole kafugamo maiʼnageʼapaeʼmo Isipi vayaʼmogimo laginago vayaʼaitegaʼe lagaetegaʼeʼmo asole hosu kavaʼmo huʼnae.

Apa 7:19

Agaemo laginago vayaʼaifeʼmo humi apateteno ve mafaʼneʼapimo apatalesageʼa falisayafeʼmo aini huno apateʼniye.

Apa 7:34

Apakeʼnovana Isipi vayaʼmogimo vayaʼnilegamo asole hosu kavaʼmo nehageʼna apakeʼnove. Kage kage nehageʼna afiteʼna apakufamo aliʼna katiʼna apatesuvafeʼmo emiʼneʼnove. Eka afiyo, huno, Isipi kotegamo aliʼna katesugeka ugane, huno ha paiʼniye.

Luti 1:20

Neyomiʼa hunoʼaeʼmo, Nagaefeʼmo Neyomiyo, hutapa nagi oʼaeyo. Ala kava neʼmoʼa nagaetegamo hosu kavaʼmo huʼniyaʼmofeʼmo Malaʼae, hutapa nagi aeyo, huno hapa paiʼniye. (Neyomiʼae agimo aepaʼamo amogaga neʼaiya ane. Malaʼae agimo aepaʼamo hosu aipamo nekaliya ane.)