Esata 9:28 - The Keyagana NT and 25 OT books

²⁸ Inagi muki magoke magoke Yu afamo anagaʼmogimogi henagaʼamo muki afole aisaya vayaʼmogimogi muki polovenisifiʼmo maiʼnaya vayaʼmogimogi muki alopa taonifiʼmo maiʼnaya vayaʼmogimogi huʼa muki kafugaʼaeʼmo ani alopa afinaʼmo Pulimi afinafeʼmo apakesa afiteʼa maiʼa haga legae. Fiku yanageʼa henagaʼamo apake kanigiye, huʼa huʼnae.

Esata 9:28 ပူးပေါင်းရင်းမြစ်များ

Esata 9:27

Yu vayaʼmogimo keʼaepa gemo hu maleteʼapaeʼmo, Lagaemogi muki laginago vayaʼmogi alu nofi vayaʼmo eʼa Yu nofi vayapiʼmo maisaya vayaʼmogiʼeʼmogi huʼa muki kafugaʼaeʼmo hiyo, huta huʼnona gemo akame huteʼa ani lole afinatefeʼmo apamogaga aiʼa hopa kavaʼmo hiyo, huʼa huʼnae.

Esata 9:29

Apiheli aʼmafaʼnemo Kuvini a kanomo Esataʼe Yu vekamo Motekaiʼeʼmo magoʼe huʼana alu avoʼmo kaeteʼana ani lole Pulimi afinafeʼmo haneʼniya geleʼmo aliʼana maleʼnaʼae. Himamuʼaniletiʼmo hopa kava hisaya kavaʼmo aliʼana lokiya vaiʼana ateʼnaʼae.

Samu 103:2

Nagupi mafaʼneo, huʼna, alagepa huno naha maeʼniya kavafeʼmo kage okanika alika auleka ato.

Samu 145:4

Itaʼapi afoʼapimogimo huʼnana kavafeʼmo, lusi alagepa kavaʼmo huʼniye, huʼa aliʼa apatesaya mafaʼne anagaʼapieʼmo kava gemo huʼa hapa paitesageʼapaeʼmo apakaemo henagaʼamo aliʼa apatesaya mafaʼne anagaʼapieʼmo kava gemo huʼa hapa paite hapa paite huliʼa ugae.

Hatu maeno apate'niya gemae 12:17

Ani afinaʼmo nagaemo asole Isaleli vayaʼmo Isipi kotetiʼmo apavaleliʼna uguvaʼmofeʼmo muki kafugaʼae kafugaʼaeʼmo aeno apafu nole peleti mayamo hopa afinaʼmo akame hutapa negae. Isaleli vayaʼmogitapamo ani kavaʼmo alagi oʼataleyo.

Yasuva 4:7

Inagi geʼapileʼmo aeta atagaina hutapa hapa paitapaeʼmo, Ala kava neʼmo kotalake kesiʼamo aliʼa kofiliʼa uʼa Yoneni aniʼmo lakaeʼnaya afinaʼmo Gotiʼa aniʼmo alino laneno ataleʼnigeno aniʼmo folagapiʼmo mopamo hau huʼniye. Huʼniyaʼmofeʼmo ani yafaʼmoʼmo muki afinaʼae afinaʼaeʼmo Isaleli vayaʼmogi apaipa apakesamo alino he tino apategaiye.