Esata 9:27 - The Keyagana NT and 25 OT books

²⁷ Yu vayaʼmogimo keʼaepa gemo hu maleteʼapaeʼmo, Lagaemogi muki laginago vayaʼmogi alu nofi vayaʼmo eʼa Yu nofi vayapiʼmo maisaya vayaʼmogiʼeʼmogi huʼa muki kafugaʼaeʼmo hiyo, huta huʼnona gemo akame huteʼa ani lole afinatefeʼmo apamogaga aiʼa hopa kavaʼmo hiyo, huʼa huʼnae.

Esata 9:27 ပူးပေါင်းရင်းမြစ်များ

Esata 8:17

Muki kotegaʼe taonifiʼeʼmo maiʼnaya Yu vayaʼmogimo kini vekamoʼmo huʼniya gemo afiteʼapaeʼmo mago afinaʼmo lekana pai maleteʼa alopa yagita huʼa neʼa apamogaga aiʼa maiʼnae. Muki alu asole vayaʼmogimo Yu vayaʼaifeʼmo koliʼapimo huteʼapaeʼmo Yu vayaʼageʼmo ha maleʼnae.

Esata 9:20

Motekaiʼa ani afinaʼmo afole aiʼniya kavafeʼmo ava gemo huno avoʼmo kaeno atalegeno haopaleʼmo maiʼnaya Yu vayaʼaitegamo uge afagi kotegamo maiʼnaya Yu vayaʼaitegamo uge kini vekamo Sekisiʼa yagaino neʼapateya kotegaʼeʼmo uge huʼniye.

Esata 9:21

Agaemo hapa painoʼaeʼmo, Muki kafugaʼaeʼmo Aʼna kaimo fotini afinaʼe fifitini afinaʼeʼmo hopa kavaʼmo hiyo.

Esata 9:28

Inagi muki magoke magoke Yu afamo anagaʼmogimogi henagaʼamo muki afole aisaya vayaʼmogimogi muki polovenisifiʼmo maiʼnaya vayaʼmogimogi muki alopa taonifiʼmo maiʼnaya vayaʼmogimogi huʼa muki kafugaʼaeʼmo ani alopa afinaʼmo Pulimi afinafeʼmo apakesa afiteʼa maiʼa haga legae. Fiku yanageʼa henagaʼamo apake kanigiye, huʼa huʼnae.

Samu 78:7

Afiteʼapaeʼmo Gotifeʼmo apakesamo afiʼa fatago huteʼa Gotiʼa huʼniya kavafeʼmo apake okanisigeʼa keʼaepa geʼamo akame hugae.

Aiyeya 2:3

Asole vayaʼmogi eʼa huʼapaeʼmo, Egetao, Ala kava neʼmo aote aveleʼmo uta haigune. Yekopu Gotiʼamo mono noʼafiʼmo uta haisunageno hauʼniya kateʼmo visunafeʼmo alino laya malesigeta kaʼaleʼmo uteta hugune. Keʼaepa gemo Saiyoni aveletiʼmo uneno hugiye. Ala kava neʼmo geʼamo Yulusalemu taonifatiʼmo aino atagu faeno uneno hugiye.

Aiyeya 56:3

Alu nofi vekamo Ala kava nepiʼmo haino faleʼnisiya vekamoʼmo hunoʼaeʼmo, Ala kava neʼmoʼa agaiʼa vayaʼafatiʼmo alino fako huno nataleʼniye, huno osino. Ina kava huno anamo vekamoʼmo hunoʼaeʼmo, Nagaemo ago vaiʼniya yosagana huʼna maiʼnovaʼmofeʼmo Goti vekaʼamo afaʼa oʼmaiguve, huno osino.

Aiyeya 56:6

Nagaemo apakaemo alu kotega vayaʼmogi mafaʼneʼapimogi Ala kava nefeʼmo mono huteʼa akame huge agiʼalefeʼmo hapau apayamopafiʼmo hapauge aliʼyaʼamo alige huʼa maisayafeʼmo eʼa Ala kava neʼeʼmo magokepi lokaeʼa maisaya vayaʼmo apavaleliʼna egauve. Nagaemo apakaemo Sapati kavaʼmo aliʼa hosu huʼa oʼategayaʼmonanafa nagaemo kotalakemo hu maleʼnova gemo atafau alagi huʼneʼa akame hisaya vayaʼmo nagaemo apavaleliʼneʼna haiʼneʼna nagae aote aveleʼmo apateteʼna apamogaga aisaya yaʼmo apamisugeʼa nunumuʼmo nehaya mono noʼnifiʼmo apamogaga aigae. Vayaʼmogimo noʼnieʼmo, huʼapaeʼmo muki nofi vayaʼmogimo nunumuʼmo hisaya noʼmo haneʼniye, huʼa hugayaʼmofeʼmo apakaemo ofalini nehaya hiʼyalamuʼnileʼmo atafi nekaeya ofalinimoʼe afumo amagiʼnaya ofalinimoʼeʼmo namisageʼna hapao ke heteʼna aliguve.

Yasuva 9:15

Inagi Yasuvaʼa ohapaeʼa apakaeʼeʼmo alagepa huʼa magokepi lokaeʼa maisayafeʼmo apakaeʼeʼmo kotalakemo hu maleʼniye. Ina kava huʼa Isaleli vayaʼaiteʼmo yagaiʼa neʼapataya vayaʼmogiʼeʼmo apagoʼyamo ataleteʼa huʼapaeʼmo ani kotalakemo akame hugune, huʼa huʼnae.

1 Samiyo 30:25

Neviniʼmo ani kavatefeʼmo huʼniya gemo alino Isaleli vayaʼmogimo muki afinaʼmo akame hisaya keʼaepa gemo hu maleʼniye.