Esata 9:1 - The Keyagana NT and 25 OT books

¹ Tuolofu kaimo agiʼamo Aʼna kaileʼmo tetini afinaʼmo Kini vekamoʼa ani kavaʼmo hiyo, huno hu maleʼniya kavaʼmo hisaya afinaʼmo ago afole aiʼniye. Yu vayaʼmogi kame vayaʼapimogi huʼapaeʼmo, aeta apaka segaune, huʼa huʼnayaʼmonanafa Yu vayaʼmogimo apakaefeʼmo alagi ohapauʼniya vayaʼmo ago aeʼa apaka seʼnae.

Esata 9:1 ပူးပေါင်းရင်းမြစ်များ

Esata 3:13

Avoʼmo aliniʼa neʼvaya vayaʼmogimo ani avoʼmo alini uʼapaeʼmo ani kini vekamoʼmo yagaiʼniya koteʼmo neʼyagaiya vayaʼaina apamiʼnae. Muki ani avopi gemoʼmo hunoʼaeʼmo, Tetini afinaʼmo tuolofu kaimo agiʼamo Aʼna kaileʼmo muki Yu vayaʼmo naipeletiʼmo apaisageʼa faliyo. Muki neya ve aʼnegi anau anekalogi mafaʼnegi hutapa apaita hano hutapa apataleyo. Apaita hano hutaletapa muki kagemi yaʼapimo aliyo, huno huʼniye.

Esata 3:7

Inagi tuolofuʼa kafugamo Sekisiʼa kini vekamo maiʼniya afinaʼmo napa vani kaimo agiʼamo Nisaniʼe huʼa agi neʼaya kaileʼmo Hemaniʼa na agufa kaileʼmo hainu afinaʼmo alagepa huʼa Yu vayaʼmo naipeletiʼmo apaisaya afinafeʼmo kahauya huʼa agesayafeʼmo yafatetiʼmo satu yokalomo leʼnae. Ani yokalomo ago leʼa kahauya huʼa ageʼnayana tuolofu kaimo agiʼamo Aʼna kaileʼmo apaisaya afinaʼmo ageʼnae.

Esata 8:12

Kini vekamo Sekisiʼa muki yagaino neʼapateya koteʼmo ani kavaʼmo tetini afinaʼmo tuolofu kaimo agiʼamo Aʼna kaileʼmo Yu vayaʼmogimo alo huʼa maiʼneʼapaeʼmo kamemo hisayafeʼmo lekana pai maleʼniye.

Esata 8:6

Nagae vayaʼaitegamo ani agufa hanageke yaʼmo afole aisigeʼna ageteʼnaeʼmo haiya kava huʼna alagepa huʼna maiguve. Magoke kolaʼmo naipeletiʼmo apaisageʼa falisageʼnaeʼmo nagaemo haiya agufa kavaʼmo huʼna alagepa huʼna maiguve, huno ha paiʼniye.

Esata 9:17

Ani kamemo muki taoniʼafiʼmo Aʼna kaileʼmo tetini afinaʼmo huʼnae. Fotini afinaʼmo maiʼa haga leteʼa alopa yagita huʼa neʼneʼa lusi kava huʼa apamogaga aiʼnayaʼmonanafa

Samu 18:40

Kagaemo hapa faika apataleʼnanageʼa nagaetegatiʼmo ataleʼa apaune heʼnayaʼmofeʼmo nagaefeʼmo apaini nehaya vayaʼmo aliʼna hano huʼna apataleʼnove.

Samu 30:11

Kagaemo naipafatiʼmo kana huʼniya kavaʼmo alika ataleteka namogaga aisuva kavaʼmo namiʼnane. Kogu kukenamo asagika ataleteka namogaga aisuva kukenamo vaika nateʼnane.

Apa 12:11

Ataleno uʼnigenoʼaeʼmo Pitaʼa agesamo aino halo aiʼnigenoʼaeʼmo, Alagi ago afole aiʼniye. Ala kava neʼmoʼa enisole vekaʼamo alino ateʼnigeno emineno Heloti ayapatiʼe Yu vayaʼmogimo ani kavaʼmo hugune, huʼa huʼnaya kavapatiʼeʼmo nagufamo ago alino katino nateʼniye, huno agesamo afiʼniye.

Leveleseni 11:18

Kaipamo leka neʼapatana kavakamo afole yateʼmo afole aisigekaeʼmo faliʼnaya vayaʼmo agoti huka apatesana afinaʼmo afole neʼaiyaʼmofeʼmo malaga vayaʼmogimo lusi kava huʼa apaipamo leʼa kateʼnae. Kagaemo aliʼyakamo neʼaliya vayaʼmogimo kagaetegati gemo alini eʼa aeʼa hakalo huʼa hapa nepaiya vayanagi muki apaote vayakagi muki vayaʼmogi kagaefeʼmo koli nehaya vayanagi ala apakiʼapimo oʼaliʼnisaya vayanagi ala apaki vayanagi huka miyaʼapimo apamisana afinaʼmo ago afole aiʼniye. Ma mopafi vayaʼmo aliʼa hosu huʼa neʼapataya vayaʼmo alika hosu huka apatesana afinaʼmo ago afole aiʼniye, huʼa huʼnae.