Esata 8:7 - The Keyagana NT and 25 OT books

⁷ Kini vekamo Sekisiʼa kuvini a kanomo Esataʼe Yu vekamo Motekaiʼefeʼmo hunoʼaeʼmo, Afiʼao, huno, Hemaniʼa Yu vayaʼmo naipeletiʼmo lapaino hano hisiyafeʼmo huʼniyaʼmofeʼmo nagaemo ago aneʼmu aeʼna asaiʼnove. Asaiteʼna muki yaʼamo ago aliʼna Esataʼmo amiʼnove.

Esata 8:7 ပူးပေါင်းရင်းမြစ်များ

Esala 4:6

Kini vekamo Naliyusiʼmo falitegenoʼaeʼmo Sekisiʼa Pesiya kini vekamo maiʼniye. Ani afinaʼmo kame vayaʼapimogimo Yulusalemu vayaʼe Yuta polovenisi koteʼmo maiʼnaya vayaʼeʼmo mago avoʼmo kaeteʼa agoti huʼa apateʼnae.

Esata 7:10

Inagi Hemaniʼa Motekaiʼmo faligiye, huno alo huno ateʼniya yatala posi yosaleʼmo aneʼmu aeʼa asaiʼnae. Ani kavaʼmo huʼnagenoʼaeʼmo kini vekamoʼmo aipamo leʼniya kavaʼamo hano huʼniye.

Esata 7:9

Mago vekamo kini vekamo aliʼyaʼamo neʼaliya vekamo agiʼamo Haʼmonaʼa hunoʼaeʼmo, Hemaniʼa agaiʼa noʼaleʼmo lusi yatala posi yosamo faino ateʼniya yosaleʼmo Motekaiʼmo aneʼmu aeno asaisiyafeʼmo faino ateʼniyaʼmonanafa kini vekae, huʼna, Motekaiʼa kaha maeʼniya vekamo maiʼniye. Kini vekamoʼmo hunoʼaeʼmo, lapakaemo Hemaniʼmo avalelitutapa agaiʼamo ani posi yosaleʼmo aneʼmu aeta asaigeno falino, huno hapa paiʼniye.

Esata 8:1

Ani afinaʼmo Kini vekamo Sekisiʼa Yu vayaʼai kameʼapimo Hemani noʼamogi kagemi yaʼamogi huno alino Kuvini a kanomo Esataʼmo amiʼniye. Esataʼa kini vekaeʼmo hunoʼaeʼmo, Motekaiʼe nagaeʼeʼmo magoke kolatalaʼmo maiʼnoʼae, huno ha paiʼniyaʼmofeʼmo Motekaiʼa kini vekamo aulagaleʼmo eno he tiʼniye.

Mai'naya kavane 13:22

Alagepa vekamo mafaʼne anagaʼamogimo falisigeʼapaeʼmo alisayafeʼmo apateʼniya kagemi yaʼapimo aligayaʼmonanafa hosu vekamoʼmo apateʼniya kagemi yaʼamo fatago vayaʼmogimo aligae.

Galesiya 3:13

Kalaisiʼa lagaetefeʼmo lifana vekamo hamaleʼniyaʼmofeʼmo Gotiʼa lifana huno ateʼnigeno Kalaisiʼa keʼaepa gemoʼmo lifana huno lateʼniya kavapatiʼmo miya faino hatu maeno lateʼniye. Goti mukufiʼmo avoʼmo kae maleʼniya gemoʼmo ani kavatefeʼmo hunoʼaeʼmo, Gotiʼa hosu kavaʼapilefeʼmo yosaleʼmo apaneʼmu aeʼa asai maleʼnaya vayaʼmo lifana huno neʼapate, huno huʼniye.