Esata 8:17 - The Keyagana NT and 25 OT books

¹⁷ Muki kotegaʼe taonifiʼeʼmo maiʼnaya Yu vayaʼmogimo kini vekamoʼmo huʼniya gemo afiteʼapaeʼmo mago afinaʼmo lekana pai maleteʼa alopa yagita huʼa neʼa apamogaga aiʼa maiʼnae. Muki alu asole vayaʼmogimo Yu vayaʼaifeʼmo koliʼapimo huteʼapaeʼmo Yu vayaʼageʼmo ha maleʼnae.

Esata 8:17 ပူးပေါင်းရင်းမြစ်များ

Aepa Gemae 35:5

Apakaemo uʼnagenoʼaeʼmo Gotiʼa muki taoniʼafi taoniʼafiʼmo maiʼnaya vayaʼmo koli yaʼmo alino apamigeʼa Yekopu mafaʼne anagaʼmo apavegala oʼaeʼnae.

Esata 9:17

Ani kamemo muki taoniʼafiʼmo Aʼna kaileʼmo tetini afinaʼmo huʼnae. Fotini afinaʼmo maiʼa haga leteʼa alopa yagita huʼa neʼneʼa lusi kava huʼa apamogaga aiʼnayaʼmonanafa

Esata 9:19

Ani kavatefeʼmo aise taonifiʼmo yafa lafi kegiʼyamo ohaneʼniya taonifiʼmo maiʼnaya Yu vayaʼmogimo Aʼna kaileʼmo fotini afinaʼmo hopa afinaʼmo lekana pai maleteʼa alopa yagita huteʼa lusi kava huʼa neʼneʼa apamogaga aiʼa apakaiʼapimo magoke magoke vayaʼmo hapa maeʼa apamogaga yaʼmo aliʼa apamiʼnae.

Esata 9:2

Yu vayaʼmogimo Kini vekamo Sekisiʼa muki yagaiʼniya koteʼmo haneʼniya taonifiʼmo maiʼnaya kame vayaʼapimogi anonaʼapilefeʼmo kamemo hisayafeʼmo aliʼa anupa huʼa maiʼnae. Muki vayaʼamogimo Yu vayaʼaifeʼmo koliʼapimo huʼnayaʼmofeʼmo mago vayaʼmogimo alagi afaʼa aeʼa apaka oseʼnae.

Esata 9:22

Ani lole afinaʼmo Yu vayaʼmogimo kame vayaʼapiʼeʼmo kamemo huteʼa huʼa aeʼa apakaseteʼa maiʼa haga leʼnae. Ani kaileʼmo apaipamoʼmo kana huʼniya kavaʼapimo anonalefeʼmo apamogaga aiʼnae. Yulagefa aiʼnaya kavaʼapimo anonaʼaleʼmo hopa kavaʼmo huʼnae. Motekaiʼa hunoʼaeʼmo, Ani lole afinafeʼmo alopa yagita huge lapamogaga aige lapao vayaʼe kagemi yaʼapimo oʼmaleʼnisaya vayaʼeʼmo fiku hapa maetapa apamige hiyo, huno hapa paiʼniye.

Esata 9:27

Yu vayaʼmogimo keʼaepa gemo hu maleteʼapaeʼmo, Lagaemogi muki laginago vayaʼmogi alu nofi vayaʼmo eʼa Yu nofi vayapiʼmo maisaya vayaʼmogiʼeʼmogi huʼa muki kafugaʼaeʼmo hiyo, huta huʼnona gemo akame huteʼa ani lole afinatefeʼmo apamogaga aiʼa hopa kavaʼmo hiyo, huʼa huʼnae.

Esata 9:3

Muki kotegamo yagaiʼnaya vayanagi muki gamani vayanagi muki kini vekamo aliʼyaʼamo neʼaliya vayanagi huʼa Motekaifeʼmo koli huʼnayaʼmofeʼmo Yu vayaʼmo hapa maeʼnae.

Samu 105:38

Isipi vayaʼmogimo apakaefeʼmo lusi kava huʼa koli huʼnayaʼmofeʼmo Isaleli vayaʼmo apataleʼa neʼvageʼapaeʼmo apamogaga aiʼnae.

Samu 18:43

Vayaʼnimogimo nataleteʼa kame huʼa nateʼnagekaeʼmo naha maeʼnane. Kagaemo muki nofi vayaʼaiteʼmo yagaiʼna apatesuva kini vekamo alika hamaleka nateʼnane. Oʼapakeʼnova vayaʼmogiʼeʼmo aliʼyaʼnimo alisaya vayaʼmo hamaleʼnae.

Hatu maeno apate'niya gemae 15:16

O Ala kava nene, huʼna, Himamu lokiyakalefeʼmo kolikamo huge apamoʼya aige hugae. Vayakamo koʼapileʼmo neʼvisageʼapaeʼmo apakaetegamo mago kavaʼmo afaʼa osuʼa he tiʼa maiʼnisageʼa afaʼa ugae. Miya faika hatu maeka apateʼnana vayakamogimo aliʼa apatalete apatalete huliʼa ugae.

Yasuva 2:11

Lagaemo ani gemo afitetaeʼmo lapakaefeʼmo kolitapimo huʼnonagenoʼaeʼmo lokiyatimo alagi ohaneʼniye. Ala kava neʼmo Gotitapimoʼmo ma mopalenagi kokuʼnatenagi huno Gotiʼa maiʼniyaʼmofeʼmae.

1 Samiyo 25:8

Kagaemo neya vayakaeʼmo ge huka apafi gesanaʼmoʼmo apakaemo ani kegeʼmo kaha paigae. Lagaemo alopa neʼyaʼmo yagita nehana afinaʼmo kagaetegamo eʼnonaʼmofeʼmo Neviniʼmo amuse huka latesanafeʼmo hauʼniye. Kahao ke hone. Kahauʼnisiyaʼmoʼmo aliʼyakamo neʼaluna vayaʼe mafaʼnekamo Neviniʼeʼmo laha maeka lamiyo.