Esata 8:16 - The Keyagana NT and 25 OT books

¹⁶ Uʼnigeʼapaeʼmo muki Yu vayaʼmogi apaipamoʼmo lusi kava huno kanale huʼnigeno apaipamoʼmo falu huʼnigeʼa maiʼnae. Muki vayaʼmogimo Yu vayaʼaina ala apakiʼapimo apamiʼnae.

Esata 8:16 ပူးပေါင်းရင်းမြစ်များ

Esata 4:16

He, kanalene. Kagaemo uka Susa taonifiʼmo maiʼnaya Yu vayaʼmo apavaleka alika anupa huka apategeʼa loleʼe magoʼe afinaʼe haniʼilagaʼeʼmo neʼyaʼe aniʼeʼmo oʼnetapa mosita maiyo. Ani kava huta nagaeʼe aliʼyaʼnimo neʼaliya aʼne anagaʼeʼmo neʼyaʼmo oʼneta mosigune. Keʼaepa gemo amagiʼna atalesuvana kini vekalegamo uʼna haiguve. Inagi ani kavaʼmo hisugeno naipeletiʼmo naisigeʼna falisuvana kanalenageʼna afaʼa faliguve, huno ha paiʼniye.

Esata 9:17

Ani kamemo muki taoniʼafiʼmo Aʼna kaileʼmo tetini afinaʼmo huʼnae. Fotini afinaʼmo maiʼa haga leteʼa alopa yagita huʼa neʼneʼa lusi kava huʼa apamogaga aiʼnayaʼmonanafa

Samu 112:4

Hani huʼniya yapiʼmo ha le yaʼmoʼa fatago vekalefeʼmo aeno ha legaiye. Agaemo fiku hapa maeno apamige hau huno apatege vayaʼaitegamo hapauʼniya kavaʼmo huge fatago kavaʼmo huge nehiye.

Samu 118:27

Ala kava neʼmo Gotiʼa maiʼniye. Agaemo ha le yaʼamo alino lamiʼniye. Ofalini afumo alita hiʼyalamuteʼmo maleʼnetapa nofitetiʼmo kita atafau maleyo.

Samu 18:28

Kagaemo lamuʼnifiʼmo kani aeka kaeka natesanageʼna ageʼna alagepa huʼna agegauve. Hanipiʼmo maiʼnogenoʼaeʼmo Ala kava neʼmo Gotiʼnimoʼmo aeno ha leno nateʼniye.

Samu 30:12

Ani kavaʼmo huʼnanaʼmofeʼmo nagaemo afaʼa oʼmaiʼna yokemo huʼna kagikaleʼmo aliʼna asaga huguve. O Ala kava neʼmo Gotiʼnimogae, huʼna, Muki afinaʼmo kahaoke hegauve, huno huʼniye.

Samu 97:11

Gotiʼa fatago vayaʼmogi ha le yaʼmo alisayafeʼmo ha le yaʼmo avina yaʼmo nefaiye. Agaemo fatago vayaʼamogi apamogaga aisayafeʼmo apamogaga aisaya avina yaʼmo nefaiye.

Mai'naya kavane 11:10

Fatago vayaʼmo alagepa huʼa maiʼnageʼapaeʼmo muki taonifiʼmo maiʼnaya vayaʼmogimo apamogaga neʼaiye. Hosu vayaʼmo falisageʼapaeʼmo apamogaga neʼaiʼapaeʼmo alopa gefatiʼmo hugae.

Mai'naya kavane 28:12

Fatago vayaʼmo afole neʼaigeʼapaeʼmo muki vayaʼmogimo apamogaga neʼaiyaʼmonanafa hosu vayaʼmo afole neʼaigeʼapaeʼmo muki vayaʼmo fala kiʼa neʼmaiye.

Aiyeya 35:10

Ala kava neʼmoʼa miya faino hatu maeno apateʼniya vayaʼmogimo yokemo nehuʼapaeʼmo aiʼa atagi neʼa Saiyoni taonifiʼmo egae. Muki afinaʼaeʼmo apamogaga aiʼa maigae. Apakaemo magoʼe huʼa kana yaʼmo oʼalige magoʼe huʼa yulagefamo oʼaige huteʼa alagepa huʼa maige maige huʼa maigae.