Esata 8:1 - The Keyagana NT and 25 OT books1 Ani afinaʼmo Kini vekamo Sekisiʼa Yu vayaʼai kameʼapimo Hemani noʼamogi kagemi yaʼamogi huno alino Kuvini a kanomo Esataʼmo amiʼniye. Esataʼa kini vekaeʼmo hunoʼaeʼmo, Motekaiʼe nagaeʼeʼmo magoke kolatalaʼmo maiʼnoʼae, huno ha paiʼniyaʼmofeʼmo Motekaiʼa kini vekamo aulagaleʼmo eno he tiʼniye. အခန်းကိုကြည့်ပါ။ |
Inagi Esataʼa kini vekalegamo visiya afinaʼmo ago afole aiʼniye. Ani aʼmafaʼnemo Amihaili aʼmafaʼnemo maiʼnigeno Amihailiʼa Motekai avuʼamoʼmo maiʼniye. Motekaiʼa Esataʼmo avaleno aʼmafaʼneʼa ya huno agaiʼniye. Muki vayaʼmogimo Esataʼmo ageteʼapaeʼmo amuse huʼa ateʼnae. Inagi Esataʼa kini vekamo uno agesiyafeʼmo hunoʼaeʼmo, mago yaʼmo namiyo, huno ge osuʼniyaʼmonanafa Hegaiʼa aʼne anagaʼaiteʼmo neʼyagaiya vekamoʼmo hauʼniya kukenamo vaiteno uʼniye.
Motekaiʼa mago aʼmafaʼnemo agiʼamo Esatateʼmo yagaino ateʼniye. Himulu gefatiʼmo Hanasaʼae huʼa agi aeʼnae. Esataʼa Motekai afoʼamo aganaʼamo aʼmafaʼnemo maiʼniye. Maiʼniyaʼmonanafa afoʼamoʼe itaʼamoʼeʼmo ago falitaʼageno Motekaiʼa Esataʼmo avaleno aʼmafaʼneʼa ya huno neʼagaiya aʼmafaʼnemo maiʼniye. Esataʼa alagepa augosaʼe agufaʼeʼmo haneʼniya aʼmafaʼnemo maiʼniye.