Esata 7:3 - The Keyagana NT and 25 OT books

³ Esataʼmo kuvini a kanomoʼmo hunoʼaeʼmo, kini vekae, huno, kahauʼnisigeka amuse huka neʼnatesanaʼmoʼmo nagaeʼe vayaʼniʼeʼmo ofalita afaʼa maisunafeʼmo naha mao, huʼna ge huʼna kafi nekove.

Esata 7:3 ပူးပေါင်းရင်းမြစ်များ

1 Kini 20:31

Fala kiʼnigeʼapaeʼmo aliʼyaʼamo neʼaliya vayaʼmo agaetegamo uʼa ina ge huʼa ha paiʼnae. Afiyo, huʼa, Isaleli kini vayaʼmogimo hapau huʼa apateteʼa hapa neʼmaya vayane, huʼa huʼnageta afiʼnone. Kahao ke hone, huʼa, kagaemo lategeta kogu kukenamo vaiteta lugotifiʼmo makalaniletiʼmo aita kiteta Isaleli kini vekalegamo visunageno fikumo hau huno kateteno kamitimo okamagisifigeta agegaune, huʼa ha paiʼnae.

2 Kini 1:13

Inagi kini vekamoʼmo halate alu ati vayaʼaiteʼmo yagaino neʼapateya vekaʼe fifitiʼa ati vayaʼaʼeʼmo alino apateʼnigeʼa Ilaiyategamo uʼnae. Ani napa tali vekamo ati vayaʼaiteʼmo yagaino neʼapateya vekamoʼmo avefiʼmo uno haino Ilaiya haopaleʼmo aleʼyamo faiʼnenoʼaeʼmo ina ge huno ha paiʼniye. Goti vekaʼamogae, huno, kahau huka lato. Kahao ke hovanagi kaulagaleʼmo afaʼa neʼmauna yatiʼmo alopa yaʼmo haneʼniye, huka kagesamo afigane.

Esata 4:8

Motekaiʼa Hemaniʼmo kaeʼniya avopatiʼmo mago avoʼmo alino Hatakiʼa amiʼnigeno aliʼniye. Ani avopi gemoʼmo hunoʼaeʼmo, muki Yu vayaʼmo apaigeʼa faliyo, huno avoʼmo kae maleʼniya avoʼmo alino Hatakiʼmo amitenoʼaeʼmo, Esatafeʼmo muki afole aisiya kavafeʼmo ava gemo huka ha paiyo, huno ha paiʼniye. Hatakiʼa uno Esatafeʼmo ha paisigeno Esataʼa uno kini vekaeʼmo afi gesigeno kini vekamoʼmo muki Yu vayaʼaifeʼmo hau huno apateno.

Esata 5:8

amuse huka neʼnatesanana muki yafeʼmo ge huʼna kafi gesugekaeʼmo he kanalene, hukageʼmo huganaʼmofeʼmo egamo magoʼe huʼna lanakaitani neʼyaʼmo Hemaniʼeʼmo yagita huʼna lanategauvanagi eʼao. Nagaemo nahauʼnisiya yafeʼmo ani afinakeʼmo kaha paiguve, huno ha paiʼniye.

Esata 7:7

Kini vekamoʼmo Esataʼmo huʼniya gemo afitenoʼaeʼmo lusi kava huno aipamo leʼnigeno neʼyaʼmo oʼneno ataleno he tino kumatega uno lamiteno noʼaleʼmo haneʼniya hoyafiʼmo lamiʼniye. Hemaniʼmo agesa afinoʼaeʼmo, kini vekamoʼmo ago kamitimo namagigiye, huno agesamo afitenoʼaeʼmo Esatafeʼmo afi gesigeno kini vekamoʼmo oʼamagino ha maesiyafeʼmo nopiʼmo maiʼniye.

Esata 8:5

He tino maiʼnenoʼaeʼmo, Kini vekae, huʼna, kagaemo kahauʼnisiyaʼmoʼmo nagaefeʼmo kahauʼninageka nagaemo huʼnova geeʼmo kanalene, huka kagesamo afiʼnisanaʼmoʼmo Hemaniʼa hogoteno hu maleʼniya gemo aeka kalo paesanafeʼmo ge huka atalegeno muki vayaʼaitegamo uneno hisigeʼa afiteʼa Hemaniʼa hu maleʼniya gemo akame osiyo. Hemaniʼa avoʼmo kae maleʼniya gemoʼmo muki kagaemo yagaiʼnana koteʼmo maiʼnaya Yu vayaʼaifeʼmo hunoʼaeʼmo, naipeletiʼmo apaita hano hutapa apataleyo, huno avoʼmo kae maleʼniye.