Esata 6:13 - The Keyagana NT and 25 OT books

¹³ Unoʼaeʼmo aʼamo Selesiʼe muki ao vayaʼefeʼmo agaetegamo muki afole aiʼniya kavafeʼmo ava ge huno hapa paiʼnigeʼapaeʼmo aʼaʼe muki ao vayaʼmo ageteʼa afiʼnaya vayaʼmogiʼeʼmo huʼapaeʼmo, Motekaiʼa alagi kame huno kateʼniyanageka alagi aepa faiʼnananageka alagi asagauka aisanafeʼmo hane. Yu nofi vekamo maiʼniyaʼmofeʼmo kagaemo alagi aeka oʼagasegananageka alagikeʼmo asagauka aigane, huʼa ha paiʼnae.

Esata 6:13 ပူးပေါင်းရင်းမြစ်များ

Aepa Gemae 24:66

Aliʼyaʼmo neʼaliya vekamoʼmo Aisakifeʼmo muki huʼniya kavaʼaeʼmo ava gemo huno ha paiʼniye.

Aepa Gemae 40:19

Loleʼe magoʼe felugamo utesigeno kini vekamo Feloʼa kalavusifatiʼmo kavalelino uno lamino yosaleʼmo kaneʼmu aeno asai maleʼnisigeʼa nama anagaʼmogimo haleli eʼa kagufaʼamo negae, huno ha paiʼniye.

Aepa Gemae 41:8

Inagi netepiʼmo he tinoʼaeʼmo aipamoʼmo kana huʼnigeno afiteʼa ageʼnaya vayaʼaifeʼmo ge huʼnigeʼa eʼnageno Feloʼa lole alagumunamo ageʼniya kavafeʼmo hapa paiʼniyaʼmonanafa apakaepatiʼmo mago aepaʼamo ha paisiya vekamo oʼmaiʼniye.

Samu 105:15

Inagi yagaiʼa neʼapataya kini vayaʼaifeʼmo hunoʼaeʼmo, uvelimo lakiʼna apateʼnova vayaʼmo maiʼnayanagi apame oʼaliyo. Nagaetegati gemo alini eʼa aeʼa hakalo huʼa hapa nepaiya vayaʼmo maita halove hutapa apatetetapa hanageke yaʼmo alita oʼapamiyo, huno ge hapauʼniye.

Mai'naya kavane 28:18

Gotiʼa vaiʼmo noʼalisiya vekamo agufamo alino katino ategaiyaʼmonanafa himuʼnamu kavaʼmo nehisiya vekamo malage huno asagauno aigiye.

Neniyo 2:12

kini vekamo magoʼe huno lusi kava huno aipamo leʼnigeno, Mamiloni kotegamo muki afiteʼa ageʼnaya vayaʼmo kamitimo apamagiyo, huno huʼniye.

Napa 24:9

Isaleli vayaʼmo laiyonigana huʼa havaeʼa maiʼnisageʼapaeʼmo mago vayaʼmogimo afaʼa aliʼa he tiʼa oʼapategae. Isaleli vayaʼmogitapae, huʼna, alino auleno lapatesiya vekamo aulena vekamo maigiye. Lifana huno lapatesiya vekamo lifana vekamo maigiye, huno huʼniye.