Esata 5:14 - The Keyagana NT and 25 OT books

¹⁴ Selesiʼmo Hemani aʼamoʼe muki ao vayaʼmogiʼeʼmo, Afiyo, huʼa, mago vayaʼaifeʼmo hapa paigeʼapao mago posi yosamo yatalaʼamo tuveti mitamo maleʼa ageteʼa aliʼa faiʼa ateyo. Ega netepiʼmo uka kini vekaeʼmo afi gekaeʼmo, Motekaiʼmo lugoʼafiʼmo aneʼmu aeka asaisanageno faligiye. Kagaemo ani kava hisanagenoʼaeʼmo kaipamoʼmo falu huʼnisigeka kamogaga aika kini vekaʼeʼmo uka neʼyaʼmo negane, huʼa ha paiʼnae. Hemaniʼa ani geeʼmo hauʼnigeno vayaʼaifeʼmo hapa paiʼnigeʼa yatala posi yosamo aliʼa faiʼa ateʼnae.

Esata 5:14 ပူးပေါင်းရင်းမြစ်များ

1 Kini 21:25

Ehapi aʼamo Yeyemeʼmo Ehapiʼmo hosu kavaʼmo hisiyafeʼmo alino he tino ateʼniyaʼmofeʼmo Ehapiʼmo hosu kavaʼmoʼa agaeteʼmo yagaino atesigeno Ala kava neʼmo aulagaleʼmo hosu kavaʼmo huno kalavusi aliʼyaʼamo alisiyafeʼmo agufamo maketi hu maleʼniye. Muki vayaʼmogimo ani agufa hosu kavaʼmo alagi osuʼnageno Ehapiʼmo muki vayaʼmo aeno apaka seno alopa hosu kavaʼmo huʼniye.

1 Kini 21:7

Yeyemeʼmo ani gemo afitenoʼaeʼmo, Kagaemo Isaleli vayaʼaiteʼmo yagaika neʼapatane. He tika kamogaga aika neʼyaʼmo no. Nagaemo Nemoti nofi hoyamo aliʼna kamiguve, huno ha paiʼniye.

Esata 6:4

Inagi kini vekamoʼmo hunoʼaeʼmo, Hemenimo ina laʼmo noʼmo lafi kegiʼyafiʼmo maiʼniye, huno apafi geʼniye. Hemaniʼa ani afinaʼmo alo hu maleʼniya yosaleʼmo Motekaiʼmo aneʼmu aeno asaisiyafeʼmo kini vekaeʼmo ge huno afi gesiyafeʼmo eno haineʼniye.

Samu 37:14

Hosu vayaʼmogi hosu yaʼmo neʼaliya vayaʼe ina agufa vayaʼeʼmo afaʼa apateʼneʼa api kavaʼmo nehaya vayaʼmo naipeletiʼmo apaisayafeʼmo asagige atiletiʼmo hapaesayafeʼmo atimo alige huʼnae.

Samu 37:32

Hosu vayaʼmogimo fatago vayaʼmo apamagisayafeʼmo aulu hapaeʼa neʼapakae.

Samu 9:15

Kagaefeʼmo mono nosaya vayaʼmogi kateʼmo esaya vayaʼmo asagauʼa aisayafeʼmo kafi maleʼnaya kelifiʼmo apakaiʼapimo asagauʼa aiʼnae. Aneʼaimo hanagi maleʼnayaʼmonanafa apakaiʼapigeʼmo heʼnae.

Mai'naya kavane 1:18

Nama anagaʼmo eʼa ohaigayaʼmonanafa ani vayaʼmogi uʼa umenimo aliʼa avayaka hu maleʼnayanageno apakaiʼapimo apatafaugiye. Maleʼnaya umenimoʼmo apatafausigeʼa faligae.

Mai'naya kavane 4:16

Hosu vayaʼmogimo hosu kavaʼmo osisayana apauʼmo okalegae. Apakaemo mago vekamo hosu kavapiʼmo asagauno aino oʼateʼnisayana alagepa huʼa apauʼmo okalegae.

Lomu 1:32

Gotiʼa fatago kavaʼaletiʼmo ani agufa kavaʼmo nehaya vayaʼmo agoti huno apatetenoʼaeʼmo, anonatapilefeʼmo lapamisugetapa alagi falisaya agufa kavaʼmo hutapa maiʼnae, huno ago hu maleʼniye. Apakaemo ani gemo ago afiʼnayaʼmonanafa ani hosu kavaʼageʼmo nosayaʼmonanafa magoʼe huʼa hosu kavaʼmo nehayana hosu kavaʼmo nehaya vayaʼaifeʼmo amuse huʼa neʼapatae.

Lomu 3:15

Apakaemo apaiyaletiʼmo nagu nagu huʼa uʼa vayaʼmo neʼapamagiye.

Leveleseni 11:10

Muki ma mopafi vayaʼmo lole vekalaʼmoganimo apakafu yaʼmo aliʼana apamiʼnaʼa vekalaʼmo faliʼnaʼaʼmofeʼmo amuse huʼapaeʼmo apamogaga aiteʼa mago yaʼmo fikumo hapa maeʼa apamiʼnageʼapaeʼmo aliʼa apamiʼnae.