Esata 5:1 - The Keyagana NT and 25 OT books

¹ Esataʼa neʼyaʼmo oʼneno loleʼe magoʼe afinaʼmo mosino maiʼneno kuvini kukenamo alino vaitenoʼaeʼmo uno kini vekamo lafi kegiʼya yuʼilagamo uno haino kini vekamo aeno hanagi maleʼneno fai maiʼneno yagaino neʼapateya noʼmo haopaleʼmo he tino maiʼnigenoʼaeʼmo kini vekamoʼmo noʼafiʼmo neʼyagaiya siyateʼmo fai maiʼneno kumategamo aulu heno ageno maiʼniye.

Esata 5:1 ပူးပေါင်းရင်းမြစ်များ

Esata 1:11

Kini vekamoʼmo hunoʼaeʼmo, Kuvini a kanomo Vasitiʼmo uta avalelita eyo, huno hapa paiʼniye. Ani Kuvini a kanomo Vasitiʼmo egefeʼmo hunoʼaeʼmo, kuvini kakolitamo alino agenopaleʼmo maleno aliteno eno, huno hapa paiʼniye. Ani kuvini a kanomo alagepa agufamo haneʼniya a kanomo maiʼniyaʼmofeʼmo kini vekamoʼmo muki gamani vayaʼe muki ani alopa neʼyateʼmo eʼnaya vayaʼmogiʼeʼmo kanale agufamo alinineno apavelisigeʼa agesayafeʼmo hauʼniye.

Esata 2:5

Susa taonimo gamani lafi kegiʼyafiʼmo maiʼniya Yu vekamo agiʼamo Motekaiʼae. Motekai afoʼamoʼmo Yaiʼae. Yai afoʼamoʼmo Simaiʼae. Simai afoʼamoʼmo Kisiʼae. Motekaiʼmo Menisameni nofi vayapati vekamo maiʼniye.

Esata 4:11

Esataʼa hunoʼaeʼmo, ina ge huka ha paiyo, Kini vekamo afaʼa uʼna oʼagegauve. Inagi kini vekamoʼmo mago vekaeʼmo ge hisigenoʼaekeʼmo maiʼneno yagaino neʼapateya nopiʼmo uno haigiye. Inagi mago vekaeʼmo ge osuʼnisigeno agaiʼamo uno haisiyana naipeletiʼmo aisageno faligiye. Ani keʼaepa gemo aeʼa neʼagasaya kaʼmo magoke kaʼmo haneʼniyana mago vekamo afaʼa uno nehaisigenoʼaeʼmo kini vekamoʼa goli hayopa kayoʼaletiʼmo alino akoʼya huno lekana paino atesiyaʼmoʼmo ani vekamo ofalino agaetegamo afaʼa ugiye. Muki vayaʼamo kini vekamo aliʼyaʼamo neʼaliya vayaʼe afa vayaʼmogiʼeʼmo ani keʼaepa gemo ago afiʼnae. Inagi magoke kaimo ago uʼniyana nagaefeʼmo ge osuʼniye.

Esata 4:16

He, kanalene. Kagaemo uka Susa taonifiʼmo maiʼnaya Yu vayaʼmo apavaleka alika anupa huka apategeʼa loleʼe magoʼe afinaʼe haniʼilagaʼeʼmo neʼyaʼe aniʼeʼmo oʼnetapa mosita maiyo. Ani kava huta nagaeʼe aliʼyaʼnimo neʼaliya aʼne anagaʼeʼmo neʼyaʼmo oʼneta mosigune. Keʼaepa gemo amagiʼna atalesuvana kini vekalegamo uʼna haiguve. Inagi ani kavaʼmo hisugeno naipeletiʼmo naisigeʼna falisuvana kanalenageʼna afaʼa faliguve, huno ha paiʼniye.

Esata 4:17

Motekaiʼa Esataʼmo ha paiʼniya gemo afitenoʼaeʼmo kini vekamo yafa lafi kegiʼya kate kipatetiʼmo atalenuno Esataʼa huvo, huno ha paiʼniya kavaʼmo huʼniye.

Esata 6:4

Inagi kini vekamoʼmo hunoʼaeʼmo, Hemenimo ina laʼmo noʼmo lafi kegiʼyafiʼmo maiʼniye, huno apafi geʼniye. Hemaniʼa ani afinaʼmo alo hu maleʼniya yosaleʼmo Motekaiʼmo aneʼmu aeno asaisiyafeʼmo kini vekaeʼmo ge huno afi gesiyafeʼmo eno haineʼniye.

Esata 8:15

Apakaemo kini vekamoʼa neʼvaiya agufa kukenamo yaveyave yaʼmo hanege oko yaʼamo hanege huʼniya kukenamo aliʼa Motekaiʼmo vaiʼa ateteʼapaeʼmo mago haesa kenamo yatala kenamo aliʼa kofiʼa ateʼnae. Inagi mago kini kakolitamo alopa goli kakolitamo aliʼa agenopaleʼmo maleʼa ateʼnageno Motekaiʼa kini vekamo atalenuno lamiʼniye. Susa taonifiʼmo maiʼnaya vayaʼmogimo ageteʼapaeʼmo lusi kava huʼa amuse huʼa ateteʼa apamogaga aiʼnae.

Matiyu 10:16

Afiyo, huʼna, Nagaemo aliʼna lapatesugetapa sipisipigana huta afela kalamo maiʼnaya folagapiʼmo ugae. Nagaloʼyave anagaʼmogimo vayaʼmogi oʼapamagisayafeʼmo vase vase huʼa neʼvaya kava huta viyo. Kaugoʼyave namamogimo vayaʼmo ohapaeʼa afaʼa neʼmaiya kava huta maiyo.

Matiyu 11:8

Hopamo agesayafeʼmo oʼuʼnisayana na agufa vekamo agesayafeʼmo uʼnae. Lapakaemo alagepa kukenamo vaiʼniya vekamo agesayafeʼmo uʼnafiye. Haʼao alagepa kukenamo neʼvaiya vayaʼmo yagaiʼa neʼapataya vayaʼai nopikeʼmo maiʼnae.

Matiyu 27:64

kanoluleʼmo yagaita maime maime neʼvigenoʼao loleʼe magoʼe afinaʼmo hano hugiye, huka hapa paiyo. Fiku yanageʼa geʼamo neʼafiya vayaʼmogi eʼa agufaʼamo kumaya aliniʼa uteʼapaeʼmo muki vayaʼaifeʼmo ago he tino uʼniye, huʼa hapa paigae. Mani henagamo hisaya aigofe gemoʼa hogoteno huʼniya aigofe gemo ago aeno aga seno asole vayaʼmo humi apategaiye, huʼa ha paiʼnae.

Luki 22:30

Yagaiʼna apatesuva koteʼmo hiʼyalamuʼnileʼmo siyateʼmo fai maiʼnetapa neʼyaʼmo nege aniʼmo nege huta maiʼnetapaeʼmo Isaleli vayaʼmo tuolofuʼa nofi vayaʼaiteʼmo yagaiʼa neʼapataya vayaʼai siyateʼmo fai maiʼnetapa yagaita apatesayafeʼmo lekana paiʼna lapateʼnove, huno hapa paiteno

Leveleseni 3:21

Nagaemo kamemo huʼa aeʼa neʼapakasaya vayaʼmo apamisugeʼa fai maiʼneʼna yagaiʼna neʼapatova siyateʼmo nagaeʼeʼmo fai maigae. Nagaemo kamemo huʼna aeʼna apakaseʼnogeno afoʼnimoʼmo fai maiʼneno yagaino neʼapateya siyaʼamo namiʼnigeʼna fai maiʼnova kava huʼa nagaeʼeʼmo fai maigae.