Esata 3:2 - The Keyagana NT and 25 OT books

² Kini vekamoʼmo muki vayaʼaifeʼmo hunoʼaeʼmo, Hemaniʼa ala agiʼamo amiyo, huno hapa paiʼnigeʼa muki kini vekamo aliʼyaʼamo neʼaliya vayaʼmogimo ape huteʼa ala agiʼamo amiʼnayaʼmonanafa Motekaiʼa ape huteno Hemaniʼmo ala agiʼamo amisiyafeʼmo ohauʼniye.

Esata 3:2 ပူးပေါင်းရင်းမြစ်များ

Aepa Gemae 41:43

Agaemo Yosefeʼmo alino ateʼnigeno akame huno talalafiʼmo uno haino fai maiteno uʼnigeʼa aliʼyaʼamo neʼaliya vayaʼmo uʼa hogoteteʼapaeʼmo lapaleʼyamo faiyo, huʼa huʼnae. Feloʼa ani kavaʼmo huʼniya kavatetiʼmo Yosefeʼa muki Isipi koteʼmo yagaino apatesiyafeʼmo lekana paino ateʼniye.

Esata 2:19

Napa tu afinaʼmo veʼeʼmo magokepi lokaeʼa ohavaeʼnaya aʼmafaʼne anagaʼmo apavaleʼa aliʼa anupa huʼa apateʼnageno Motekaiʼa kini vekamo lafi kegiʼya yuʼilaga kate kipateʼmo ala apaki vayaʼeʼmo magokepi lokaeno maiʼniye.

Esata 2:21

Motekaiʼa kini vekamo lafi kegiʼya yuʼilaga kate kipateʼmo itopaleʼmo maiʼniya afinaʼmo lole vekalaʼmoganimo kini vekamo lafi kegiʼya yuʼilaga kate kipateʼmo neʼyagaiʼa vekalaʼani anakiʼanimo Mikitanaʼe Telesiʼeʼmo anaipamo leʼnigeʼana kini vekamo amagisaʼageno falisiyafeʼmo vegemo huʼnaʼae.

Esata 2:5

Susa taonimo gamani lafi kegiʼyafiʼmo maiʼniya Yu vekamo agiʼamo Motekaiʼae. Motekai afoʼamoʼmo Yaiʼae. Yai afoʼamoʼmo Simaiʼae. Simai afoʼamoʼmo Kisiʼae. Motekaiʼmo Menisameni nofi vayapati vekamo maiʼniye.

Esata 3:1

Henagaʼamo aise afinaʼmo kini vekamo Sekisiʼa mago vekamoʼmo muki neʼyagaiya vayaʼaina aeno apakaseno hogote gamani vekamo maisiyafeʼmo ani vekamo agiʼamo Hemaniʼa lekana paino ateʼniye. Hemani afoʼamoʼmo Hameʼnataʼae, Agagai aginago vekamae.

Esata 3:3

Kini vekamo lafi kegiʼyafiʼmo maiʼneʼa aliʼyaʼamo neʼaliya vayaʼmogimo Motekaifeʼmo huʼapaeʼmo, Na kava higekaeʼmo kini vekamo geʼamo akame nosane, huʼa afi geʼnae.

Esata 3:5

Hemaniʼa Motekaiʼmo ageyana agaetefeʼmo ape huteno ala agiʼamo oʼamiʼnigeno agetenoʼaeʼmo lusi kava huno aipamo leʼniye.

Esata 5:9

Hemaniʼa neʼyaʼmo neteno ataleno uno nelaminoʼaeʼmo lusi kava huno amogaga aiteno aipamoʼmo kanale huʼniye. Neʼunoʼaeʼmo ageyana Motekaiʼa kini vekamo yafa lafi kegiʼya kate kipateʼmo itopaleʼmo maiʼniyatetiʼmo he tino ape huteno ala agiʼamo oʼamiʼnigenoʼaeʼmo Hemaniʼa lusi kava huno aipamo leno ateʼniye.

Samu 15:4

Gotiʼa ohauʼniya vayaʼaifeʼmo, laulagaleʼmo ina agufa vayaʼmo maiʼnae, huʼa huge Gotifeʼmo koli nehaya vayaʼai apakiʼapileʼmo aliʼa asaga huʼa apatege Goti agiʼalefeʼmo ani kavaʼmo hugune, huʼa hapa nepaiya gemo akame hisayafeʼmo kana huʼnisiyana afaʼa akame huge

Hatu maeno apate'niya gemae 17:14

Inagi Ala kava neʼmoʼa Mosesefeʼmo ha painoʼaeʼmo, Muki vayaʼmogiʼe henagaʼamo afole aisaya vayaʼmogiʼeʼmo apakesamo afisayafeʼmo ani gemo huka mago mukufiʼmo avoʼmo kaeteka Yasuvafeʼmo halate ha paiyo. Ani avoʼmo kaesana gemo, Ala kava neʼmoʼnamo Amaleki nofi vayaʼmo aliʼna hano huʼna apatalesugeʼa muki vayaʼmogimo apakaefeʼmo magoʼe huʼa apakesamo oʼafigae.

Hatu maeno apate'niya gemae 17:16

Ala kava neʼmoʼa agoʼyamo ataletenoʼaeʼmo Amaleki vayaʼmogimo yagaino neʼapateya Isaleli vayaʼeʼmo kamemo huʼnayaʼmofeʼmo Ala kava neʼmoʼnamo afole aite afole aite hisaya Amaleki vayaʼeʼmo kamemo hute hute huguve, huno huʼniyaʼmofeʼmo ani hiʼyalamuʼmo huteno ani agimo ateʼniye.

Neniyo 2:49

Inagi Neniyoʼmo kini vekaeʼmo hunoʼaeʼmo, Satalakiʼagi Misakiʼagi Ameʼnagoʼagi huka Mamiloni koteʼmo muki afiteʼa ageʼnaya vayaʼaiteʼmo yagaiʼa apatesayafeʼmo lekana paika apato, huno ge huno afi geʼniye. Inagi ani aliʼyaʼmo aliʼniyaʼmonanafa Neniyoʼmo kini vekamo kegiʼya kipateʼmo fai maiteno hogote vekamo maiʼniye.

Filipai 2:10

Amiʼniyaʼmofeʼmo muki kokuʼnapi vayanagi ma mopafi vayanagi ma mopamo afeʼalumelaga vayanagi huʼa apaleʼya faiʼneʼapaeʼmo

1 Samiyo 15:3

Kamemo hapaeʼnayaʼmofeʼmo kagaeʼe ati vayakaʼeʼmo uta Amaleki vayaʼeʼmo kamemo hutetapa muki yaʼapimo alita hano hiyo. Lapakaemo apakegetapa oʼapateyo. Lapakaemo muki ve anaganagi aʼne anaganagi mafaʼne anaganagi nute mafaʼne anaganagi pulumaka anaganagi sipisipi anaganagi kamo anaganagi noki anaganagi hutapa alagi kamitimo hapaeyo, huno hapa paiʼniye.