Esata 3:12 - The Keyagana NT and 25 OT books

¹² Napa vani kaileʼmo tetini afinaʼmo Hemaniʼa kini vekamo avoʼmo nekaya vayaʼaifeʼmo ge huʼnigeʼa eʼnae. Eʼnagenoʼaeʼmo agaemo muki geʼamo alagi hapa paiʼnigeʼa avoʼmo kaeʼnae. Muki ani kotega mopaleʼmo maiʼnaya vayaʼmogi apakeʼapifati apakeʼapifatiʼmo ani avoʼmo kaeʼnae. Avoʼmo ago kaetagenoʼaeʼmo ani avoʼmo alino muki neʼyagaiya vayatama vayaʼaitegagi gamani vayaʼaitegagi hogote vayaʼaitegagi huno atalegeno uneno huʼniye. Hemaniʼa muki ani kaeʼnaya avoʼaleʼmo kini vekamo Sekisi liniletiʼmo alagena yaʼmo hu maleʼnigeno kini vekamoʼmo agaiʼamo ani avoʼmo kaeʼnegekana huʼniye.

Esata 3:12 ပူးပေါင်းရင်းမြစ်များ

1 Kini 21:8

Inagi Yeyemeʼmo avoʼmo kaeteno ani avoteʼmo Ehapi agiʼe alagena yaʼaʼeʼmo hu maleteno Yesali taonifi vayatama vayaʼaitegaʼe ala vayaʼaitegaʼeʼmo atalegeno uʼniye.

Esala 8:36

Apakaemo kini vekamoʼa ina kava hiyo, huno kaeʼniya avoʼmo aliteʼapaeʼmo kini vayaʼaiteʼmo yagaiʼa neʼapataya kini vayaʼe Yufaleti aniʼmo mugagayaga faliga koteʼmo gamani yahauve vayaʼeʼmo apamiʼnae. Apamiʼnageʼa ani avopiʼmo ageteʼapaeʼmo aliʼa alagepa huʼa lateteʼa Goti mono no aliʼyaʼamo alisunafeʼmo laha maeʼnae.

Esata 1:22

Inagi kini vekamoʼmo avoʼmo kaeno atalegeno muki neʼyagaiya kotegamo uneno huʼniya gemo ina ge huno alu apake alu apakefatiʼmo avoʼmo kaenoʼaeʼmo, Vemogigeʼmo afamo anagaʼapileʼmo yagaiʼa apateyo, huno avoʼmo kae maleʼniye.

Esata 3:11

Kini vekamoʼmo Hemanifeʼmo hunoʼaeʼmo, Monikamo afaʼa ateʼneka ani vayaʼaitegamo na agufa kavaʼmo huguve huka hisapigi ani kavaʼmo afaʼa huvo, huno ha paiʼniye.

Esata 8:2

Kini vekamoʼmo hogoteno Hemani ayatetiʼmo linimo asagiʼniya linimo alino agaiʼa ayateʼmo vaiteno halate asagino Motekai ayateʼmo vaino ateʼniye. Ani linileʼmo kini vekamo alagena yaʼamo haneʼniye. Esataʼa Motekaiʼmo lekana paino ateʼnigeno muki Hemani kagemi yateʼmo yagaiʼniye.

Esata 9:27

Yu vayaʼmogimo keʼaepa gemo hu maleteʼapaeʼmo, Lagaemogi muki laginago vayaʼmogi alu nofi vayaʼmo eʼa Yu nofi vayapiʼmo maisaya vayaʼmogiʼeʼmogi huʼa muki kafugaʼaeʼmo hiyo, huta huʼnona gemo akame huteʼa ani lole afinatefeʼmo apamogaga aiʼa hopa kavaʼmo hiyo, huʼa huʼnae.

Neniyo 3:10

Kagaemo keʼaepa gemo ago hu maleʼnane. Kagaemo hukaeʼmo, Alu age alu age aisigetapaeʼmo asagauta aitetapa goli auneʼalefeʼmo mono hiyo, huka huʼnane.

Neniyo 6:12

Apakaemo kini vekalegamo uʼa kini vekamoʼmo hu maleʼniya keʼaepa gelefeʼmo huʼapaeʼmo, kagaemo hukaeʼmo, Tetiʼa afinaʼmo maiʼnetapaeʼmo nagaefeʼmo ge hutapa nafi geyo. Mago vekamoʼmo mago gotifeʼmofi mago vekaeʼmofi huno afi gesigeʼapaeʼmo asagauʼa laiyonimogi kelifiʼmo yaga auʼa atalegae, huka osuʼnapiye, huʼa ge huʼa afi geʼnageno kini vekamoʼmo hapa painoʼaeʼmo, He, ani gemo lama gemo huʼnae. Nagaemo hu maleʼnova keʼaepa gelefeʼmo Mitiya vayaʼmogitaʼe Pesiya vayaʼmogitaʼeʼmo keʼaepa getimo hanesigeno mago vekamoʼmo alu gemo afaʼa osugiye. Lagae keʼaepa gemo muki vayaʼaifeʼmo hapa paiʼnove.

Neniyo 6:15

Apakaemo halate eʼa kini vekaeʼmo huʼapaeʼmo, O kini vekae, huʼa, Mitiya vayaʼmogita kavaʼe Pesiya vayaʼmogita kavaʼeʼmo haneʼniyana kini vekamo keʼaepa gemo hu malesiya gemo ataleʼa alu gemo afaʼa osugae, huka kagesamo afiyo.

Neniyo 6:25

Inagi Kini vekamo Naliyasiʼmo ani kava huno avoʼmo kaeʼniyana; Muki kotega vayaʼaifenagi muki nofi vayaʼaifenagi muki alu apake alu apakemo neʼaiya vayaʼaifenagi huʼna hapa paiʼnaeʼmo, Alagepa hutapa maiyo, huʼna lapa nepauve.

Neniyo 6:8

O kini vekamogae, huta, mani keʼaepa gemo afole aisiyafeʼmo hapa paigeʼa ani keʼaepa gemo avoʼmo kaeyo. Avoʼmo kaetesagekaeʼmo alika lokiya vaika atesanafeʼmo kagaika kagimo avoʼmo kaetesanageʼa muki vayaʼmogimo akame hugae. Ani keʼaepa gemo lagaemo Mitiya vayaʼe Pesiya vayaʼeʼmo magoke keʼaepa getimo hanesigeno mago vekamoʼmo alu gemo afaʼa osugiye.