Esata 2:23 - The Keyagana NT and 25 OT books

²³ Ani gemo aepaʼaeʼmo kahauya huʼnayana alagi lama gemo huʼnaʼa gemo afiʼnae. Afiʼnayaʼmofeʼmo apakaemo ani lole vekalaʼmo anavaleli uʼana yosaleʼmo ananeʼmu aeʼana asaiʼnaʼageʼana faliʼnaʼae. Kini vekamo aulagaleʼmo ani kavafeʼmo ava gemo gamani vayaʼai mukufiʼmo avoʼmo kae maleʼnae.

Esata 2:23 ပူးပေါင်းရင်းမြစ်များ

Aepa Gemae 40:19

Loleʼe magoʼe felugamo utesigeno kini vekamo Feloʼa kalavusifatiʼmo kavalelino uno lamino yosaleʼmo kaneʼmu aeno asai maleʼnisigeʼa nama anagaʼmogimo haleli eʼa kagufaʼamo negae, huno ha paiʼniye.

Aepa Gemae 40:22

Amiʼniyaʼmonanafa kini vekamoʼa peleti mayamo nekaya nopiʼmo neʼyagaiya vekamo yosaleʼmo aneʼmu aeno asaiʼniye. Yosefeʼa ani alagamuna ageʼnaʼa kavaʼmo aepaʼamo hana paiʼniya kavaʼmo anakaetegamo afole aiʼniye.

Esala 4:15

Lagaemo lahauʼniyana kagaemo mago gamani vayaʼmo alika apatesanageʼa uʼa kaginago vayaʼmogi apava gemo haneʼniya mukufiʼmo kahauya huʼa lekana paigae. Lekana paiʼa kaha paisagekaeʼmo ani Yulusalemu taonifi vayaʼmogimo ge noʼafiya vayaʼmo maiʼnae, huka apakegane. Akeyaʼvilaga afinatetiʼmo muki afinaʼae afinaʼaeʼmo kini vayaʼmo kana yaʼmo aliʼa apamige polovenisi koteʼmo yagaiʼnaya vayaʼmo kana yaʼmo aliʼa apamige huʼnae. Apakaemo muki Yulusalemu vayaʼmogimo gamani vayaʼmogi gemo oʼafisayafeʼmo aliʼa he tiʼa apateʼnayaʼmofeʼmo kini vayaʼmogimo eʼa ani taonimo alagi heʼa halagape vaiʼa ataleʼnae.

Esata 10:2

Kini vekamoʼmo Motekaiʼmo alopa napamo amiʼnigenoʼaeʼmo muki lokiya kavanagi himamuʼaletiʼmo huʼniya kavanagi huno huteno muki ani kavatefeʼmo Pesiya vayaʼaiteʼe Mitiya vayaʼaiteʼeʼmo yagaiʼnaya kini vayaʼai mukufiʼmo avoʼmo kae maleʼnae.

Esata 5:14

Selesiʼmo Hemani aʼamoʼe muki ao vayaʼmogiʼeʼmo, Afiyo, huʼa, mago vayaʼaifeʼmo hapa paigeʼapao mago posi yosamo yatalaʼamo tuveti mitamo maleʼa ageteʼa aliʼa faiʼa ateyo. Ega netepiʼmo uka kini vekaeʼmo afi gekaeʼmo, Motekaiʼmo lugoʼafiʼmo aneʼmu aeka asaisanageno faligiye. Kagaemo ani kava hisanagenoʼaeʼmo kaipamoʼmo falu huʼnisigeka kamogaga aika kini vekaʼeʼmo uka neʼyaʼmo negane, huʼa ha paiʼnae. Hemaniʼa ani geeʼmo hauʼnigeno vayaʼaifeʼmo hapa paiʼnigeʼa yatala posi yosamo aliʼa faiʼa ateʼnae.

Esata 6:1

Ani haniʼilagamo kini vekamo au kalesiyafeʼmo havaeʼniyaʼmonanafa au okaleno afaʼa maiʼnenoʼaeʼmo agaiʼamo yagaino neʼapateya koteʼmo afole aiʼniya kavafeʼmo ava gemo avoʼmo kaeʼa neʼmalaya mukueʼmo mago vekaeʼmo, alinika eno, huno ha paiʼnigeno alinineno kini vekamo aulagaleʼmo ani mukufiʼmo lekana paiʼniye.

Esata 7:10

Inagi Hemaniʼa Motekaiʼmo faligiye, huno alo huno ateʼniya yatala posi yosaleʼmo aneʼmu aeʼa asaiʼnae. Ani kavaʼmo huʼnagenoʼaeʼmo kini vekamoʼmo aipamo leʼniya kavaʼamo hano huʼniye.

Malakai 3:16

Inagi Ala kava nefeʼmo koli nehaya vayaʼmogimo ge huge afige huʼa maiʼnagenoʼaeʼmo Ala kava neʼmoʼa agetafo huno neʼafiye. Ala kava nefeʼmo koli huteʼa agiʼalefeʼmo apakesamo neʼafiya vayaʼaifeʼmo age okanino agesamo afisiyafeʼmo Ala kava neʼmo aulagaleʼmo mukufiʼmo avoʼmo kae maleʼnae.

Yasuva 8:29

Yasuvaʼa Ai taonifi kini vekamo mago yosaleʼmo aneʼmu aeno asai maleteno agufaʼamo afaʼa ateʼnigeno hanelinuno une tiʼniye. Uneʼamo Yasuvaʼa vayaʼaifeʼmo huʼnigeʼa agufaʼamo aliʼa ani taonimo yafa lafi kegiʼyamo kipateʼmo yaga auʼa ataleʼnae. Apakaemo asole yafaʼmo aliʼa agufaleʼmo aluʼmo ai maleʼnae. Hemenimo ani yafa aluʼmo afaʼa haneʼniye.