Esata 2:16 - The Keyagana NT and 25 OT books

¹⁶ Ani afinaʼmo Sekisiʼa seveniʼa kafugamo kini vekamo maiʼneno yagaino apateʼniye. Ani kafugamo teni kaieʼmo agiʼamo Temetiye, huʼa agi neʼaya kaileʼmo Esataʼa avaleliʼa kini vekalegamo uʼnae.

Esata 2:16 ပူးပေါင်းရင်းမြစ်များ

Esala 4:6

Kini vekamo Naliyusiʼmo falitegenoʼaeʼmo Sekisiʼa Pesiya kini vekamo maiʼniye. Ani afinaʼmo kame vayaʼapimogimo Yulusalemu vayaʼe Yuta polovenisi koteʼmo maiʼnaya vayaʼeʼmo mago avoʼmo kaeteʼa agoti huʼa apateʼnae.

Esala 7:8

Apakaemo napa vani afinaʼmo napa vani kaileʼmo Mamiloni koʼmo ataleʼnae. Gotiʼa Esalaʼeʼmo magokepi lokaeno maiʼnenoʼaeʼmo ha maeʼnigeno napa vani afinaʼmo faefu kaileʼmo Yulusalemu taonifiʼmo uno avaʼyi huʼniye. Ani afinaʼmo kini vekamoʼmo seveniʼa kafugamo vayaʼaiteʼmo yagaiʼniye.

Esata 2:1

Kini vekamoʼmo aipamo leʼniya kavaʼamo hano hutegenoʼaeʼmo halate kuvini a kanomo Vasitiʼa hosu kavaʼmo huʼnigeno hafaino ataleʼniya keʼaepa gemo avoʼmo kae maleʼniya geeʼmo agesamo afiʼniye.

Esata 2:15

Inagi Esataʼa kini vekalegamo visiya afinaʼmo ago afole aiʼniye. Ani aʼmafaʼnemo Amihaili aʼmafaʼnemo maiʼnigeno Amihailiʼa Motekai avuʼamoʼmo maiʼniye. Motekaiʼa Esataʼmo avaleno aʼmafaʼneʼa ya huno agaiʼniye. Muki vayaʼmogimo Esataʼmo ageteʼapaeʼmo amuse huʼa ateʼnae. Inagi Esataʼa kini vekamo uno agesiyafeʼmo hunoʼaeʼmo, mago yaʼmo namiyo, huno ge osuʼniyaʼmonanafa Hegaiʼa aʼne anagaʼaiteʼmo neʼyagaiya vekamoʼmo hauʼniya kukenamo vaiteno uʼniye.

Esata 2:17

Kini vekamoʼmo Esatafeʼmo magoʼe huno hau ayamopafiʼmo hauʼnigeno mago alu aʼmafaʼne anagaʼmo veʼeʼmo magokepi lokaeʼa ohavaeʼnaya aʼmafaʼne anagaʼaifeʼmo ohauʼniye. Kini vekamoʼmo magoʼe huno amuse huno ateʼniyaʼmofeʼmo Esata agenopaleʼmo kuvini kakolitamo alino maleno ateteno Kuvini a kanomo Vasiti aimuʼyaleʼmo ateʼniye.

Esata 2:3

Kagaemo mago gamani vayaʼmo muki neʼyagaina kotegamo maiʼnaya vayapatiʼmo mago vayaʼmo lekana paika apatesanageʼa alagepa apakufamo haneʼnisiya aʼmafaʼne anagaʼmo apavaleli eʼa Susa taonimo gamani lafi kegiʼyafiʼmo aʼne anagakamo neʼmaiya nopiʼmo apategae. Hegaiʼa kagae aʼne anagaʼaiteʼmo yagaino neʼapateya vekamoʼmo yagaino apategaiye. Yagaino apateʼnisigeʼapaeʼmo kahaʼye hisiya agufa apakufamo alino hamalesiyafeʼmo ani aʼnemogi uvelimo faleteʼa apakufaleʼmo konalimo aliteʼa maiyo.

Esata 8:9

Inagi ani kavaʼmo hisayafeʼmo tuveti tali afinaʼmo tali kaimo agiʼamo Sivani kaileʼmo ani kafugafiʼmo Motekaiʼa kini vekamo avoʼmo nekaya vayaʼaifeʼmo ge huʼnigeʼa eʼnae. Agaemo mago gemo hapa paiʼnigeʼa ani gemo avoʼmo kaeʼnae. Ani avoʼmo kaeʼa atalageno Yu vayaʼaitegagi muki kotegamo neʼyagaiya vayaʼaitegagi hogote gamani vayaʼaitegagi kini nofi vayaʼmo neʼyagaiya vayaʼaitegagi muki vani hataleti tuveti seveniʼa polovenisi kotegagi huno uneno huteno Itiya kotetiʼmo aepa faiteno uno Itiyopiya kotegagi huno uneno huʼniye. Ani avoʼmo Yu gefatiʼmo kaege alu kote alu koteʼmo maiʼnaya vayaʼai apakeʼapifati apakeʼapifatiʼmo kaege huʼa avoʼmo kaeʼnae.