Esata 2:15 - The Keyagana NT and 25 OT books

¹⁵ Inagi Esataʼa kini vekalegamo visiya afinaʼmo ago afole aiʼniye. Ani aʼmafaʼnemo Amihaili aʼmafaʼnemo maiʼnigeno Amihailiʼa Motekai avuʼamoʼmo maiʼniye. Motekaiʼa Esataʼmo avaleno aʼmafaʼneʼa ya huno agaiʼniye. Muki vayaʼmogimo Esataʼmo ageteʼapaeʼmo amuse huʼa ateʼnae. Inagi Esataʼa kini vekamo uno agesiyafeʼmo hunoʼaeʼmo, mago yaʼmo namiyo, huno ge osuʼniyaʼmonanafa Hegaiʼa aʼne anagaʼaiteʼmo neʼyagaiya vekamoʼmo hauʼniya kukenamo vaiteno uʼniye.

Esata 2:15 ပူးပေါင်းရင်းမြစ်များ

Esata 2:14

Uneʼmo kini vekamo nopiʼmo uno haino maime uno netepiʼmo aʼne anagaʼai nopiʼmo eʼniye. Mago vekamo Sasigasi kini vekamoʼmo napa tu aʼne anagaʼai noteʼmo neʼyagaiya vekamo ayapiʼmo apateʼnae. Ani aʼmafaʼnemoʼmo kini vekalegamo halate magoʼe huno oʼugiyaʼmonanafa henagaʼamo kini vekamoʼmo agaefeʼmo hausigenoʼaeʼmo agi aeno ge hisigeno halate agaetegamo ugiye.

Esata 2:16

Ani afinaʼmo Sekisiʼa seveniʼa kafugamo kini vekamo maiʼneno yagaino apateʼniye. Ani kafugamo teni kaieʼmo agiʼamo Temetiye, huʼa agi neʼaya kaileʼmo Esataʼa avaleliʼa kini vekalegamo uʼnae.

Esata 2:3

Kagaemo mago gamani vayaʼmo muki neʼyagaina kotegamo maiʼnaya vayapatiʼmo mago vayaʼmo lekana paika apatesanageʼa alagepa apakufamo haneʼnisiya aʼmafaʼne anagaʼmo apavaleli eʼa Susa taonimo gamani lafi kegiʼyafiʼmo aʼne anagakamo neʼmaiya nopiʼmo apategae. Hegaiʼa kagae aʼne anagaʼaiteʼmo yagaino neʼapateya vekamoʼmo yagaino apategaiye. Yagaino apateʼnisigeʼapaeʼmo kahaʼye hisiya agufa apakufamo alino hamalesiyafeʼmo ani aʼnemogi uvelimo faleteʼa apakufaleʼmo konalimo aliteʼa maiyo.

Esata 8:1

Ani afinaʼmo Kini vekamo Sekisiʼa Yu vayaʼai kameʼapimo Hemani noʼamogi kagemi yaʼamogi huno alino Kuvini a kanomo Esataʼmo amiʼniye. Esataʼa kini vekaeʼmo hunoʼaeʼmo, Motekaiʼe nagaeʼeʼmo magoke kolatalaʼmo maiʼnoʼae, huno ha paiʼniyaʼmofeʼmo Motekaiʼa kini vekamo aulagaleʼmo eno he tiʼniye.

Esata 9:29

Apiheli aʼmafaʼnemo Kuvini a kanomo Esataʼe Yu vekamo Motekaiʼeʼmo magoʼe huʼana alu avoʼmo kaeteʼana ani lole Pulimi afinafeʼmo haneʼniya geleʼmo aliʼana maleʼnaʼae. Himamuʼaniletiʼmo hopa kava hisaya kavaʼmo aliʼana lokiya vaiʼana ateʼnaʼae.

Mai'naya kavane 15:33

Ala kava nefeʼmo koli nehaya kavaʼmoʼa afiʼa aeto hisaya kavaʼmo alino apaya neʼmale. Apakiʼapileʼmo aliʼa afepi neʼataya kavatetiʼmo akamelegaʼamo ala apakiʼapimo aligae.

Salomoni Yokemae 6:9

Maiʼnayaʼmonanafa kaugoʼyave namaʼnimoʼa aeno apakaseno uno haino hapaiʼniye. Asole aʼne anagaʼmo maiʼnayaʼmonanafa aʼnimo magokeʼageʼmo maiʼniye. Itaʼamoʼmo magoke aʼmafaʼnemo alino ateʼniye. Alino ateʼniya itaʼamoʼmo hunoʼaeʼmo, hogote aʼmafaʼneʼnimo maiʼniye, huno agesamo afiʼniye. Muki aʼmafaʼne anagaʼmogi ageteʼapaeʼmo hao ke heʼnae. Kuvini aʼne anagaʼmogiʼe kini vekamo alu aʼne anagaʼamogiʼeʼmo agiʼaleʼmo aliʼa asaga huʼa ateʼnae.

Salomoni Yokemae 8:10

Nagaemo mago yafa lafi kegiʼyagana huʼna maiʼnogeno nuʼnimoʼa lole yatala vegovego notalakana huno haneʼniye. Ani afinaʼmo fiku naha maeʼnigeʼnaeʼmo aulagaleʼmo alagepa huʼna maiʼnove, huno hapa paiʼniye.

Apa 7:10

Maiʼniyaʼmonanafa Gotiʼa alagepa huno ha maeteno hosu kavategatiʼmo hatu maeno ateʼniye. Ha maeteno alagepa aipa agesamo amiʼnigeno Feloʼa Isipi kote kini vekamoʼmo agenoʼaeʼmo alagepa aipa agesa vekamo maiʼniye, huno agetenoʼaeʼmo, Isipi koteʼe muki yaʼnileʼeʼmo yagaino apategaiye, huno huteno lekana paino ateʼniye.