Esata 10:3 - The Keyagana NT and 25 OT books

³ Inagi Yu vekamo Motekaiʼa kini vekamo Sekisi napa tuʼamo maiʼnigeʼapaeʼmo Yu vayaʼmogimo ala agiʼamo amiteʼa muki konagaʼamogimo amuse huʼa ateʼnae. Ateʼnageno alagepa aliʼyaʼmo aliteno Yu vayaʼmo hapa maeteno alagepa huʼa maisayafeʼmo gege huno yagaino apateʼnigeʼa maiʼnae.

Esata 10:3 ပူးပေါင်းရင်းမြစ်များ

Aepa Gemae 41:40

Kagaemo muki noʼnifi haneʼniya yateʼmo yagaige muki vayaʼnileʼmo yagaika apatege hugane. Nagaemo kini siateʼmo maisuva kavatetiʼmo aeʼna kaga segauve.

Aepa Gemae 45:10

Kagaemo emikeka Goseni koteʼmo nahaopaleʼmo maigane. Kagaikagi mafaʼne anagakagi mafaʼne anagaʼapigi sipisipikagi pulumakakagi hutapa maigae. Muki yatapimo lapakaeʼeʼmo hanegaiye.

Aepa Gemae 45:11

Anile maiʼnisanageʼna yagaiʼna kategauve. Ani lusi kafu kavaʼmo magoʼe huno faefuʼa kafugamo afaʼa haneʼniyaʼmofeʼmo kagaikagi afamo anagakagi muki yakaʼenagi hutapa kafu osisayafeʼmo yagaiʼna lapategauve. Mani gemo alinitutapa afotimofeʼmo ha paiyo.

Esata 2:5

Susa taonimo gamani lafi kegiʼyafiʼmo maiʼniya Yu vekamo agiʼamo Motekaiʼae. Motekai afoʼamoʼmo Yaiʼae. Yai afoʼamoʼmo Simaiʼae. Simai afoʼamoʼmo Kisiʼae. Motekaiʼmo Menisameni nofi vayapati vekamo maiʼniye.

Esata 3:2

Kini vekamoʼmo muki vayaʼaifeʼmo hunoʼaeʼmo, Hemaniʼa ala agiʼamo amiyo, huno hapa paiʼnigeʼa muki kini vekamo aliʼyaʼamo neʼaliya vayaʼmogimo ape huteʼa ala agiʼamo amiʼnayaʼmonanafa Motekaiʼa ape huteno Hemaniʼmo ala agiʼamo amisiyafeʼmo ohauʼniye.

Neniyo 5:16

Vayaʼmogi kagaefeʼmo huʼapaeʼmo, agaemo gemo aepaʼamo afige fala kiʼniya yaʼmo agege huno maiʼniye, huʼa huʼnageʼna afiʼnove. Kagaemo ani gemo lekana paiteka aepaʼamo naha paisanana kini vayaʼmogi neʼvaiya agufa haesa kukenamo vaiʼna kateteʼna goli seli nofiʼmo lugokafiʼmo huʼna katesugeka napa tali gamani vekamo yagaika apatesana vekamo maigane, huno ha paiʼniye.

Neniyo 5:29

Ha paiʼnigeno Melisasaʼmo ge huʼnigeʼa kini vayaʼmogi neʼvaiya agufa kukenamo aliniʼeʼa Neniyoʼmo ge vaiʼa atege goli seli nofiʼmo lugoʼafiʼmo huʼa atege huteʼa uʼa alopa gefatiʼmo huʼapaeʼmo, Hemenimo Neniyoʼa napa tali gamani vekamo maiʼniye, huʼa huliʼuʼeʼa huʼnae.

Neniyo 6:3

Neniyo aipafiʼmo alagepa aunemeʼamo maiʼniyaʼmofeʼmo muki ani yagaiʼnaya vayaʼaina ago aeno apaka seʼnigeno kini vekamoʼa Neniyoʼmo lekana paino atesigeno muki Mamiloni kote yagaisiyafeʼmo agesamo afiʼniye.

Lomu 10:1

Konagaʼnimogitapae, huʼna, nagaemo Gotiʼa Isaleli vayaʼnimo apakufamo alino katino apatesiyafeʼmo naipafatiʼmo nahauʼnigeʼna nunumuʼmo huʼna neʼapatove.

Lomu 14:18

Vayaʼmogimo ani kavaʼmo nehuʼa Kalaisi aliʼyaʼamo neʼalisayana Gotiʼa amuse huno neʼapategeʼa muki vayaʼmogiʼeʼmo amuse huʼa neʼapatae.

1 Samiyo 18:16

Huʼniyaʼmonanafa Neviniʼmo kame hisayafeʼmo alagepa huno yagaino apateʼniyaʼmofeʼmo muki Isaleli nofi vayaʼmogiʼe Yuta nofi vayaʼmogiʼeʼmo hapauʼniye.

1 Samiyo 23:17

Yonataniʼmo ina gemo huno ha painoʼaeʼmo, koli osuvo. Afoʼnimoʼmo kagaemo afaʼa alino hosu huno okategaiye. Afoʼnimoʼmo ago ageʼniyana kagaemo Isaleli vayaʼai kini vekamo maisanageʼnaeʼmo nagaemo napa tu vekamo maiguve, huno ageʼniye, huno ha paiʼniye.