Esata 1:4 - The Keyagana NT and 25 OT books

⁴ Ani neʼyaʼmo magoʼe huno apamime apamime uʼnigeʼa sigisiʼa kaimo neʼa maiʼnagenoʼaeʼmo ani kini vekamoʼa muki noʼafi konali yaʼamogi kagemi yaʼamogi muki alu ya alu yaʼamogi huno alino apave liʼniye. Ani yaʼmo ageʼnayana alagepa yaʼmo haneʼnigeno mago hogote yaʼmo haneʼnigeʼa ageʼnae.

Esata 1:4 ပူးပေါင်းရင်းမြစ်များ

Esata 1:3

Loleʼe magoʼe kafugamo kini vekamo maiʼneno yagaino apateʼnenoʼaeʼmo muki ala apaki vayaʼmo muki kotegamo maiʼnaya vayaʼaifenagi aliʼyaʼamo neʼaliya vayaʼaifenagi gamani vayaʼaifenagi huno alopa yagita huteno ge huʼniye. Pesiya ami vayaʼaifenagi Mitiya ami vayaʼaifenagi yagaiʼa neʼapataya vayaʼaifenagi ala vayaʼaifenagi huno ge huʼnigeʼa eʼa maiʼnae.

Esata 1:5

Ani alopa neʼyaʼmo ago neʼa hano hutagenoʼaeʼmo kini vekamoʼmo mago alu alopa neʼyaʼmo agaiʼa noʼamo haopaleʼmo lafi kegiʼya yuʼilagamo yagita huʼniye. Ani neʼyaʼmo Susa taonifiʼmo gamani yafa lafi kegiʼyafiʼmo muki maiʼnaya vayaʼmo ala vayanagi ina agufa vayanagi huʼa eʼa neʼnae. Ani neʼyaʼmo neme neme uʼa magoke salemo maiʼnae.

Samu 145:5

Apakaemo kagaefeʼmo huʼapaeʼmo, ha le konali yaʼagi ala agiʼagi huno haneʼniya vekamo maiʼniye, huʼa hisageʼnaeʼmo nagaeʼeʼmo aeto agufa kanale kavakaeʼmo nagesa afifi huʼna maiguve.

Samu 21:5

Kagaemo agufamo alika katika ateʼnana kavatetiʼmo agaemo ha le konali yaʼmo aliʼniye. Kagaemo ala agiʼagi lokiyaʼagi huka amiʼnane.

Samu 45:3

Lokiya vekae, huʼna, kagaemo ha le konali yakaʼe ala kagikaleʼefeʼmo hapau aiteʼa amuse huʼa nekataya vekamo maiʼnananagi naipekamo alika mapalukafiʼmo anoʼafiʼmo faika falu kaeteka uka kamemo huvo.

Samu 93:1

Ala kava neʼmo kini vekamo maiʼneno yagaino neʼapate. Agaemo ala agiʼaʼe ha le konali yaʼaʼeʼmo vaino aliʼniye. Lokiyaʼamo kukenagana huno vaino aliʼniye. Agaemo ma mopamo alino lokiya vaino ateʼniyanageno kanage kanage osugiye.

Neniyo 4:30

Mani Mamiloni taonimo alo huʼnova taonimo vayaʼmogi ageʼa amuse nehaya taonimo ohaneʼnifiye. Nagaiʼni ala nagiʼnilefeʼmo himamuʼniletiʼmo alo hutove, huno huʼniye.

Neniyo 4:36

Ani afinaʼmo alagepa naipa nagesa afi yaʼmo halate afole aiʼniye. Ani afinaʼmo yagaiʼnova koʼmoʼa konali yaʼamo hanesiyafeʼmo ala nagiʼnimo aliteʼna konali yaʼnimo aliʼnove. Aliʼnogeʼa kanisole vayaʼniʼe ala vayaʼniʼeʼmo eʼa nagaeʼeʼmo halate lokaeʼa maiʼnae. Nagaemo halate kini vekamo maiʼnogeno ala nagiʼnimoʼmo akeyaʼvilaga aliʼnova ala nagiʼnimo ago aeno aga seʼniye.

Neniyo 5:18

O kini vekamogae, huʼna, Aeno apaka seno alagi anaga Gotiʼa lotokamo Nepukanesaʼmo yagaino apatesiya kini vekamo alino hamaleno ateteno kini vayaʼmogi afaʼa neʼaliya lokiyaʼamo amige konali yaʼamo amige ala agiʼamo amige huʼniye.

Matiyu 4:8

Nevoʼa halate yatala avefiʼmo avalelinuno haino ateʼnenoʼaeʼmo muki ma mopafi haneʼniya yaʼamogi ala kini vayaʼai konagi mopagi konali yaʼapimogi huno alino ave liʼniye.

Matiyu 6:13

Lamalageka hisiya kavategamo lavalelikuka olateka hosu kavategatiʼmo alika atagineka lategeta eno. Kagaika himamukaletiʼe ha le konali yakaletiʼeʼmo yagaika neʼapatane. He, lama ge.

Lomu 9:23

Ani kavaʼmo huno Gotiʼa mago vayaʼamo lusi ha le konali yaʼamo alino apavelisigeʼa agesayafeʼmo hogoteno alo huno apateʼniye. Apakaemo mopa kegana huʼa maiʼnayanageno Gotiʼa hau huno apategaiye.

Efasasi 1:18

Apakaefeʼmo keya aeka ge huʼnanageʼapaeʼmo eʼa apamisana yafeʼmo apavayagunagu huʼa agava neʼmaiye. Ha le yakamo apamiteka apaipafi apaulagamo alika ayakeka ategeʼapao mafaʼneʼapimogimo muki afoʼapimogi yaʼmo neʼaliya kava huka apaote vayaʼaina hetamaʼapimo apamisanageʼa ageʼa alagepa huteʼapaeʼmo, ha le konali yaʼamo alagepa yaʼmo haneʼniye, huʼa agava maiyo.

Kolosi 1:27

Gotiʼa muki nofi vayaʼaitegamo asole ha le konali kavaʼamo fala kiʼniyanageno alino apave lisiyafeʼmo hauʼnigenoʼaeʼmo agesamo afiʼniye. Mani fala kiʼniya gemo Kalaisiʼa lapaipafiʼmo maiʼniya vekaeʼmo ava gemo haneʼniye. Agaetefeʼmo ha le konali yaʼamo alisayafeʼmo lapavayagunagu hutapa agava neʼmaiye.

Leveleseni 4:11

Maleteʼapaeʼmo, Ala kava nene, huʼa, Muki yaʼe vayaʼeʼmo alo huʼnane. Kahauʼnigeka alo huteka afaʼa maisaya yaʼmo apamiʼnanageʼa hanege maige huʼnae. Kagaemo ha le konali yakamo alige ala kagikamo alige kayamufakamo alige hisana vekamo maiʼnane, huʼa huʼnae.