Esata 1:3 - The Keyagana NT and 25 OT books

³ Loleʼe magoʼe kafugamo kini vekamo maiʼneno yagaino apateʼnenoʼaeʼmo muki ala apaki vayaʼmo muki kotegamo maiʼnaya vayaʼaifenagi aliʼyaʼamo neʼaliya vayaʼaifenagi gamani vayaʼaifenagi huno alopa yagita huteno ge huʼniye. Pesiya ami vayaʼaifenagi Mitiya ami vayaʼaifenagi yagaiʼa neʼapataya vayaʼaifenagi ala vayaʼaifenagi huno ge huʼnigeʼa eʼa maiʼnae.

Esata 1:3 ပူးပေါင်းရင်းမြစ်များ

Aepa Gemae 40:20

Loleʼe magoʼe felugamo ago utegeno kini vekamo Feloʼmo itaʼamo alino ateʼniya afinaʼmo afole aiʼnigeno aliʼyaʼamo neʼaliya vayaʼmo alopa neʼyaʼmo yagita huno apateʼniye. Huteno nofi alagafati aniteʼmo neʼyagaiya vekaʼe peleti mayamo nekaya nopiʼmo neʼyagaiya vekaʼeʼmo hatu maeno anateteno anavalelino eno vayaʼai apaulagaleʼmo alino he tino anateʼniye.

Esala 1:2

Sailasiʼa Pesiya kotega kini vekamoʼmo hunoʼaeʼmo, Ala kava neʼmo kokuʼnapi Gotiʼa muki kini vayaʼmogi mopaleʼmo yagaisuvafeʼmo namitenoʼaeʼmo, Kagaemo Yuta polovenisi Yulusalemu taonifiʼmo mono noʼnimo kika nato, huno naha paiʼniye.

Esata 1:14

Ina kava huvo, huʼa ha nepaiya vayaʼai apakiʼapimo Kasenaʼagi Setaʼagi Atimataʼagi Tasisiʼagi Melesiʼagi Masenaʼagi Memukaniʼagi huʼa maiʼnae. Ani seveniʼa vayaʼmo Pesiya vayapatiʼmo maige Mitiya vayapatiʼmo maige huʼneʼa hogote gamani vayaʼmo maiʼnae.

Esata 1:4

Ani neʼyaʼmo magoʼe huno apamime apamime uʼnigeʼa sigisiʼa kaimo neʼa maiʼnagenoʼaeʼmo ani kini vekamoʼa muki noʼafi konali yaʼamogi kagemi yaʼamogi muki alu ya alu yaʼamogi huno alino apave liʼniye. Ani yaʼmo ageʼnayana alagepa yaʼmo haneʼnigeno mago hogote yaʼmo haneʼnigeʼa ageʼnae.

Esata 2:18

Inagi kini vekamoʼmo Esataʼmo lusi yagita huno ateʼniye. Agaemo muki hogote vayaʼe gamani vayaʼefeʼmo ge huʼnigeʼa eʼa neʼnae. Kini vekamoʼmo hunoʼaeʼmo, Nagaemo Esataʼmo kuvini a kanomo maisiyafeʼmo lekana paiʼna ateʼnovaʼmofeʼmo nagaemo muki yagaiʼnova koteʼmo maiʼnaya vayaʼmo maitapa haga leyo, huno hapa paiteno muki vayaʼmo magoʼe huno alagepa yaʼmo apamiʼniye. Kini vayaʼmogimo neʼapamiya agufa kava huno magoʼe yaʼmo apamiʼniye.

Esata 3:7

Inagi tuolofuʼa kafugamo Sekisiʼa kini vekamo maiʼniya afinaʼmo napa vani kaimo agiʼamo Nisaniʼe huʼa agi neʼaya kaileʼmo Hemaniʼa na agufa kaileʼmo hainu afinaʼmo alagepa huʼa Yu vayaʼmo naipeletiʼmo apaisaya afinafeʼmo kahauya huʼa agesayafeʼmo yafatetiʼmo satu yokalomo leʼnae. Ani yokalomo ago leʼa kahauya huʼa ageʼnayana tuolofu kaimo agiʼamo Aʼna kaileʼmo apaisaya afinaʼmo ageʼnae.

Neniyo 5:1

Kini vekamo Melisasaʼa vani tauseniʼa ala vayaʼeʼmo neʼyaʼmo nesayafeʼmo alopa neʼyaʼmo yagita huʼniye. Agaemo ala vayaʼaeʼmo ge huʼnigeʼa ani neʼyateʼmo eʼa agaeʼeʼmo magokepi nofi alagafati aniʼmo neʼnae.

Neniyo 5:28

PERES gemo aepaʼamo haneʼniyana Gotiʼa yagaika apateʼnana vayapatiʼmo alino fako huno Mitiya vayaʼaitegamo apatege Pesiya vayaʼaitegamo apatege huʼniye, huno ha paiʼniye.

Neniyo 6:1

Naliyasiʼa kini vekamo maiteno muki yagaiʼniya koʼaleʼmo vani hataleti tuvetiʼa vayaʼmogimo polovenesileʼmo yagaisayafeʼmo lekana paino apateʼniye.

Neniyo 8:20

Kagaemo mago lole lokiyaʼamo haneʼniya ve sipisipimo ageʼnane. Lole lokiyaʼamo haneʼniya kava huno Mitiya kini vayaʼe Pesiya kini vayaʼeʼmo maiʼnae.

Maki 6:21

Helotiʼa itaʼamoʼmo alino ateʼniya afinaʼmo halate afole aiʼnigeno yagita huʼnigeʼapaeʼmo yagaiʼa apateʼnaya gamani vayanagi ati vayaʼaiteʼmo yagaiʼa apateʼnaya vayanagi Galeliya kotega ala apaki vayanagi huʼa eʼa neʼyaʼmo neʼnae. Ani afinaʼmo Helotiyasiʼa Yoniʼmo amagisiya kaʼmo ageʼniye.