Esata 1:20 - The Keyagana NT and 25 OT books

²⁰ Mani gemoʼmo muki neʼyagaina kotegamo aino atagu faeno uneno hisigeʼapaeʼmo muki aʼne anagaʼmogimo afiteʼa anauʼapimogi geʼapimo afigae. Aʼnemogimo apaki haneʼniya anauʼapimogi geʼapiʼe apaki ohaneʼniya anauʼapimogi geʼapiʼeʼmo afaʼa afigae, huno ha paiʼniye.

Esata 1:20 ပူးပေါင်းရင်းမြစ်များ

Esata 1:21

Kini vekaʼe muki neʼyagaiya vayaʼmogiʼeʼmo ani gemo afiteʼapaeʼmo ani geeʼmo hapauʼnigeno kini vekamoʼmo Memukaniʼa huʼniya gemo akame huʼniye.

Esata 2:1

Kini vekamoʼmo aipamo leʼniya kavaʼamo hano hutegenoʼaeʼmo halate kuvini a kanomo Vasitiʼa hosu kavaʼmo huʼnigeno hafaino ataleʼniya keʼaepa gemo avoʼmo kae maleʼniya geeʼmo agesamo afiʼniye.

Efasasi 5:22

Aʼneʼapimogitapae, huʼna, Ala kava netapimo aiyafiʼmo maiʼnetapa geʼamo neʼafiya kava hutapa anautapimogi apaiyafiʼmo maiʼnetapa geʼapimo afiyo.

Efasasi 5:33

Siosilefeʼmo nehuvaʼmonanafa lapakaitapieʼmo lapau lapayamopafiʼmo nelapaiya kava hutapa lapamete lapamete hutapa aʼnetapieʼmo lapaino. Inagi aʼnemogimo anauʼapimogi apakiʼapileʼmo aliʼa asaga huteʼa geʼapimo afiteʼa akame hiyo.

Kolosi 3:18

Aʼnemogitapae, huʼna, Ala kava nepiʼmo maiʼnisaya aʼnemogimo hisaya agufa kavaʼmo hutapa anautapimogi apaiyafiʼmo maiʼnetapa geʼapimo afiyo.