Esata 1:15 - The Keyagana NT and 25 OT books

¹⁵ Inagi agaemo ani vayaʼaifeʼmo ina ge huno hapa paiʼniye. Kuvini a kanomo Vasitiʼa nagaetegamo egefeʼmo hisiya kavafeʼmo noʼnifiʼmo aliʼyaʼnimo neʼaliya vayaʼmo aliʼna apateʼnogeʼa uʼa ha paiʼnayaʼmonanafa geʼnimo ago amagino ataleʼniye. Ani kavatefeʼmo keʼaepa gemoʼmo na agufa gemo huʼniye. Lagaemo Kuvini ategamo na agufa kavaʼmo hugune, huno apafi geʼniye.

Esata 1:15 ပူးပေါင်းရင်းမြစ်များ

Esala 4:6

Kini vekamo Naliyusiʼmo falitegenoʼaeʼmo Sekisiʼa Pesiya kini vekamo maiʼniye. Ani afinaʼmo kame vayaʼapimogimo Yulusalemu vayaʼe Yuta polovenisi koteʼmo maiʼnaya vayaʼeʼmo mago avoʼmo kaeteʼa agoti huʼa apateʼnae.

Esata 1:14

Ina kava huvo, huʼa ha nepaiya vayaʼai apakiʼapimo Kasenaʼagi Setaʼagi Atimataʼagi Tasisiʼagi Melesiʼagi Masenaʼagi Memukaniʼagi huʼa maiʼnae. Ani seveniʼa vayaʼmo Pesiya vayapatiʼmo maige Mitiya vayapatiʼmo maige huʼneʼa hogote gamani vayaʼmo maiʼnae.

Esata 1:16

Inagi ala vekamo Memukaniʼa kini vekaʼe ha neʼmaya gamani vayaʼefeʼmo ina ge huno hapa paiʼniye. Kini vekae, huʼna, afiyo. Kuvini a kanomo Vasitiʼa kini vekamogalegageʼmo ani agufa hosu kavaʼmo osuʼniyaʼmonanafa agaemo muki gamani vayakalegaʼe kagaemo muki yagaika neʼapatana vayaʼaitegaʼeʼmo ani agufa hosu kavaʼmo huʼniye.

Esata 6:6

Inagi Hemaniʼa eno haineʼnigenoʼaeʼmo kini vekamoʼmo, Afiyo, huno, mago vekamo maiʼniyanageʼna nagaemo ala agimo amiguvaʼmonanafa nagaemo agaetegamo na agufa alagepa kavaʼmo huguve, huno afi geʼnigenoʼaeʼmo Hemaniʼa aipafiʼmo agesamo afinoʼaeʼmo, kini vekamoʼmo ani kavaʼmo ina lategamo hisiyafeʼmo ani gemo huʼniye. Mago vayaʼmo oʼmaiʼnafa nagaekeʼmo maiʼnove, huno agesamo afiʼniye.