Esata 1:13 - The Keyagana NT and 25 OT books

¹³ Kini vekamoʼmo huʼniya kavaʼamo haneʼniyana muki vayaʼaiteʼmo alagepa huno yagaino apatege keʼaepa gemo afige huno maisiyafeʼmo aipa agesamo aliʼa api aiʼa atesaya vayaʼaifeʼmo ge huno apafi nekeya agufa kavaʼmo haneʼniye. Ani agufa kavaʼamo haneʼniyaʼmofeʼmo kuvini a kanomoʼmo huʼniya kavafeʼmo ava gemo afitenoʼaeʼmo ani ageteʼa afiʼnaya vayaʼaifeʼmo keya aeno ge huʼniye.

Esata 1:13 ပူးပေါင်းရင်းမြစ်များ

Esata 1:12

Noʼafiʼmo aliʼyaʼmo neʼaliya vayaʼmogimo kini vekamoʼmo hapa paiʼniya gemo uʼa ha paiʼnayaʼmonanafa Kuvini a kanomo Vasitiʼa oʼafiʼniye. Oʼafiʼnigeno ani gemo kini vekamoʼmo afitenoʼaeʼmo lusi kava huno ge hauʼnigeno aipamo leʼniye.

Neniyo 2:12

kini vekamo magoʼe huno lusi kava huno aipamo leʼnigeno, Mamiloni kotegamo muki afiteʼa ageʼnaya vayaʼmo kamitimo apamagiyo, huno huʼniye.

Neniyo 2:2

Inagi agaemo apaune vayaʼaitegagi afole aisiya kavaʼmo agesayafeʼmo kanefi ageʼa aiyaka neʼaliya vayaʼaitegagi vayaʼai apaipafiʼmo neʼagaya vayaʼaitegagi huno ge huno atalegeno uʼniye. Apakaemo eʼa kini vekamo aulagaleʼmo he tiʼnae.

Neniyo 2:27

Neniyoʼa geʼaleʼmo aeno atagaina hunoʼaeʼmo, Afiteʼa ageʼnaya vayaʼmofi kanefiʼmo ageʼa aiyaka neʼaliya vayaʼmofi apaune vayaʼmofi afole aisiya kavafeʼmo ava gemo huʼa nehaya vayaʼmogimofi huʼa ageʼnana alagamunamo fala kiʼniya aepaʼamo afaʼa kaha opaigae.

Neniyo 5:7

Kini vekamoʼmo alopa gefatiʼmo kanefiʼmo ageʼa aiyaka neʼaliya vayanagi Kalatiya vayanagi afole aisiya kavafeʼmo ava gemo nehaya vayanagi huʼa apavaleliʼa esayafeʼmo keya aeno ge huʼniye. Kini vekamoʼmo ani afiteʼa ageʼnaya vayaʼaifeʼmo hapa painoʼaeʼmo, ina laʼmo mani gemo lekana paiteno aepaʼamo naha paisifi nagaemo kini vayaʼmogi neʼvaiya agufa haesa kukena yaʼmo vaiʼna ateteʼna goli seli nofiʼmo lugoʼafiʼmo huʼna atesugeno napa tali gamani vekamo yagaino apatesiya vekamo maigiye, huno huʼniye.

Matiyu 16:3

Yegemo haine neʼegenoʼaeʼmo kokuʼnategamo alino haniʼagekeʼmo nehigenoʼaeʼmo haesa koʼmo aligeta agetetapaeʼmo, hemenimo ko aigiye, hutapa nehae. Lapakaemo kokuʼnatega afole neʼaiya alagena kavaʼmo alita fako huta neʼagayaʼmonanafa hemenimo afole neʼaiya alagena kavaʼmo alita fako hutetapa afole aisiya kavaʼmo afaʼa noʼagae.

Matiyu 2:1

Maliyaʼa Yesuʼmo Metelehamu taonifiʼmo Yuta kotegamo Helotiʼa kini vekamo maiʼneno vayaʼaiteʼmo yagaino apateʼniya afinaʼmo alino ateʼniye. Alino ateʼnigeʼapaeʼmo kanefiʼmo alagepa huʼa neʼagaya vayaʼmo yegemo haine neʼeya kotegatiʼmo eʼa Yulusalemu taonifiʼmo avaʼyi huteʼapaeʼmo,