Esata 1:10 - The Keyagana NT and 25 OT books

¹⁰ Ani alopa neʼyaʼmo neʼnaya afinaʼmo napa seveni afinaʼmo kini vekamoʼmo nofi alagafati aniʼmo lusi aniʼmo neteno aiseʼamo negi maleʼniye. Maleteno hogote vayaʼmo noʼafiʼmo aliʼyaʼmo neʼaliya vayaʼmo seveniʼa vayaʼaifeʼmo ge huʼnigeʼa eʼnae. Apakiʼapimo Mehumaniʼagi Misitaʼagi Hamonaʼagi Mikitaʼagi Amakitaʼagi Setaʼagi Kakasiʼagi huʼa eʼnae.

Esata 1:10 ပူးပေါင်းရင်းမြစ်များ

Aepa Gemae 43:34

Yosefeʼa hiʼyalamuʼaletiʼmo neʼyaʼmo alino apamiʼnigeʼa neʼnayaʼmonanafa Menisemaniʼmo naya magokayagaʼa agufa kanaleʼmo magoʼe huno aeno apaka seno neʼyaʼmo hatino ateʼniye. Inagi apakaemo Yosefeʼeʼmo magokepi neʼyaʼmo nege aniʼmo nege nehuʼapaeʼmo apamogaga aiʼnae.

Esata 1:9

Ani afinaʼmo Kuvini a kanomo Vasitiʼa ina kava huno muki aʼne anagaʼagekeʼmo kini vekamo nopiʼmo alopa neʼyaʼmo nesayafeʼmo yagita huno apateʼnigeʼa eʼa neʼnae.

Esata 3:15

Inagi ani gemo alopa taonimo Susa taonifiʼmo gamani yafa lafi kegiʼyafiʼmo maiʼnaya vayaʼaifeʼmo aeʼa hakalo huʼa hapa paiʼnageʼa afiʼnae. Kini vekamoʼmo ani keʼaepa gemo avoʼmo aliniʼa neʼvaya vayaʼaifeʼmo malagene, huno hapa paiʼnigeʼa uʼa aliniʼa muki haopalegamo uʼeʼa huʼnae. Kini vekaʼe Hemaniʼeʼmo fai maiʼneʼana nofi alagafati aniʼmo neʼana maiʼnaʼaʼmonanafa Susa taonifiʼmo maiʼnaya vayaʼmogimo ani gemo afiʼa hapau aiteʼa alu apakesa alu apakesamo afiʼnae.

Esata 7:9

Mago vekamo kini vekamo aliʼyaʼamo neʼaliya vekamo agiʼamo Haʼmonaʼa hunoʼaeʼmo, Hemaniʼa agaiʼa noʼaleʼmo lusi yatala posi yosamo faino ateʼniya yosaleʼmo Motekaiʼmo aneʼmu aeno asaisiyafeʼmo faino ateʼniyaʼmonanafa kini vekae, huʼna, Motekaiʼa kaha maeʼniya vekamo maiʼniye. Kini vekamoʼmo hunoʼaeʼmo, lapakaemo Hemaniʼmo avalelitutapa agaiʼamo ani posi yosaleʼmo aneʼmu aeta asaigeno falino, huno hapa paiʼniye.

Mai'naya kavane 20:1

Nofi alagafati aniʼmoʼa humi neʼapate. Lokiya aniʼmoʼa humi neʼapate. Lokiya aniʼmoʼa kaveta hisaya kavaʼmo alino he tino neʼapate. Ani aniʼmoʼa humi apateʼnigeʼa alagepa kaʼmo ataleʼnaya vayaʼmo negi vayaʼmo maiʼnae.

Mai'naya kavane 31:4

Lemuveliyo, huʼna, Kini vayaʼmogimo nofi alagafati aniʼmo noʼnaya kavaʼmo hanege lokiya aniʼmo noʼnaya kavaʼmo hanege huʼniye.

Luti 3:7

Movasiʼa neʼyaʼmo nege aniʼmo nege huʼnigenoʼaeʼmo aipamoʼmo kanale huʼnigeno uno mali alagamo maleʼnaya yateʼmo havaeʼniye. Au kaleʼnigenoʼaeʼmo Lutiʼa sako huno uno palaketimo alino asagauliʼneno aiyalegatiʼmo faleno uno haino havaeʼniye.