Esala 9:15 - The Keyagana NT and 25 OT books

¹⁵ O Ala kava neʼmo Isaleli vayaʼmogita Gotitimogae, huʼna, Kagaemo fatago kavaʼagekeʼmo nehana Gotigamo maiʼnanaʼmofeʼmo kagaemo lataleʼnanageta faita kasalo paeta aise vayaʼmo maiʼnone. Hemenimo kaulagaleʼmo hetita maiʼnonaʼmofeʼmo kaulagaleʼmo afaʼa he tita oʼmaigunaʼmonanafa kaulagaleʼmo hosu kavatifikeʼmo maiʼnone, huʼna nunumuʼmo huʼnove.

Esala 9:15 ပူးပေါင်းရင်းမြစ်များ

Esala 1:4

Apakaemo Yulusalemu taonifiʼmo uʼa haisageʼa aliʼa apatalesaya Yu vayaʼmo ina lagimo haiya koteʼmo kalaga hageʼa maiʼnisafi uʼa haisayafeʼmo hapauʼnisiyaʼmoʼmo hapaopaleʼmo maiʼnaya vayaʼmogi hapa maegae. Apakaemo siluva yafanagi goli yafanagi kagemi yanagi yuna afugi huʼa apamigae. Ani yaʼe Yulusalemu taonifiʼmo Goti mono noʼalefeʼmo Gotina amisayafeʼmo hapauʼnisiya ofaliniʼeʼmo hapa maeʼa apamigae, huno avoʼmo kae maleʼniye.

Esala 9:6

Nagaemo ina gemo huʼna nunumuʼmo huʼnove. O Gotiʼnimogae, huʼna, Hosu kavatimoʼmo lagenopamo ago alino laga seno uno haiʼniyaʼmofeʼmo nagufamo alino afepiʼmo nateʼniye. Hosu kavatilefeʼmo vaiʼmo alisuna kavaʼmo kosime kosime uno haino kokuʼnateʼmo haneʼniyaʼmofeʼmo lusi kava huno navagage nehiyanageʼna afaʼa aliʼna maku huʼna okagegauve.

Samu 116:5

Ala kava neʼmoʼa fikumo hapa maeno apamige fatago kavaʼamo huge nehiye. Gotitimoʼmo hau huno nelateya vekamo maiʼniye.

Samu 119:137

O Ala kava nene, huʼna, fatago vekamo maiʼneka alagepa fatago kavaʼmo huka alika fako huka neʼatane.

Samu 130:3

O Gotiyo, huʼna, hosu kavatimo alika fako huka lateteka miyatimo lamiʼnanesinana Ala kava nene, huʼna, ina laʼmo afaʼa faino kasalo paeʼniyesine.

Samu 143:2

Kaulagaleʼmo mago fatago vekamo oʼmaiʼniyaʼmofeʼmo aliʼyakamo neʼaluva vekamo agoti huka oʼnato.

Samu 76:7

Vayaʼmogimo kagaefeʼmo koli hiyo. Kaipamo lesigekaeʼmo ina laʼmo kaulagaleʼmo he tino maigiye. Haʼao, mago vekamoʼmo afaʼa he tino oʼmaigiye.

Neniyo 9:14

Akame osuʼnonaʼmofeʼmo ani kana yaʼmo alo huka maiʼneka lamiʼnane. Ala kava neʼmo Gotitimogamo muki huʼnana kavaʼmo fatago kavaʼageʼmo huʼnanaʼmonanafa lagaemo gekamo akame osuʼnone.

Yoni 8:21

Yesuʼa halate ina ge huno hapa paiʼniye. Nagaemo uʼna maisuva koteʼmo uta kahauya hutapa nagesayafeʼmo hugayana alagi hosu kavatapifiʼmo maiʼnetapaeʼmo faligae. Visuva koteʼmo afaʼa oʼugae.

Yoni 8:24

Ani kavatefeʼmo huʼnaeʼmo, hosu kavatapifikeʼmo maiʼnetapaeʼmo faligae, huʼna ago lapa paiʼnove. He, lapakaemo hutapaeʼmo, agaemo muki afinaʼmo neʼmaiya vekamo maiʼniye, hutapa nagaefeʼmo lapakesamo afita fatago osisayana hosu kavatapifikeʼmo maiʼnetapaeʼmo faligae, huno hapa paiʼniye.

Lomu 10:3

Apakaemo huʼapaeʼmo, Gotiʼa fatago kavaʼamo fikumo neʼapamiye, huʼa afiʼa ha oleʼneʼa apakaiʼapi fatago kavaʼapigeʼmo aliʼa afole aiʼa atesayafekeʼmo aliʼyaʼmo neʼaliye. Gotiʼa agaiʼa fatago kavaʼamo alisayafeʼmo mago kaʼmo ago valino apateʼniyaʼmonanafa ohapauʼnigeʼa Goti aiyafiʼmo oʼmaiʼnae.

Lomu 3:19

Ago afiʼnonana Gotiʼa keʼaepa geʼaletiʼmo keʼaepa geʼamo afeʼalumelagamo maiʼnaya vayaʼaifeʼmo hapa nepaiye. Apakaemo geʼaleʼmo aeʼa atagaina huʼa ge osuʼa ani gemo huʼa ha paiʼapaeʼmo, Goti aulagaleʼmo hosu kavaʼmo huʼnonanageno kayoʼmo lamigiye, huʼa hisayafeʼmo hapa nepaiye.

1 Kolitiyani 15:17

Kalaisiʼa he otiʼniyesinana lapakesamo afita fatago nehaya kavaʼmo ina agufa kavaʼmo haneʼninageno aliʼyaʼmo oʼalisigetapa hosu kavatapifikeʼmo maiʼnaesine.

Yasuva 22:15

Apakaemo Giliyati kotega uʼa avaʼyi huteʼapaeʼmo Lumeni nofi vayaʼaifenagi Gati nofi vayaʼaifenagi Manasa vayapati magokayaga nofi vayaʼaifenagi huʼa ina ge huʼa hapa paiʼnae.