Esala 8:21 - The Keyagana NT and 25 OT books

²¹ Inagi lagaemo ani Ahava aniʼmo haopaleʼmo maiʼnetaeʼmo nagaemo Esalaʼnamo huʼnaeʼmo, Neʼyaʼmo mosiʼneta Gotitimo aulagaleʼmo lagaitimo alita afepiʼmo lategaune. Lagaitigi mafaʼne anagatigi muki yatigi huta alagepa kateʼmo visunafeʼmo lagaemo kahauya huta Gotitimofeʼmo nunumuʼmo hisunageno laha maeno lavalelino ugiye.

Esala 8:21 ပူးပေါင်းရင်းမြစ်များ

2 Sitoli 20:3

Kini vekamo Yihosafatiʼa ani gemo afitenoʼaeʼmo koli huʼniye. Agaemo lokiya agesamo afinoʼaeʼmo Ala kava neʼmoʼa hauʼniya kavaʼmo kahauya huno agesiyafeʼmo muki Yu vayaʼmo maiʼnaya kotegamo ge huno atalegeno uʼniya gemoʼmo neʼyaʼmo mo siʼnetapa Ala kava nefeʼmo nunumuʼmo hiyo, huno huʼniye.

2 Sitoli 20:4

Inagi muki Yuta vayaʼmo taonifatiʼmo ataleʼa Ala kava nefeʼmo nunumuʼmo huʼa ge huʼa afi gesageno hapa maesiyafeʼmo Yulusalemu taonifiʼmo uʼnae.

Esala 8:15

Nagaemo Esalaʼnamo muki nofi vayaʼmo Ahava taonifilagamo uno nelamiya aniʼmo haigifiʼmo aliʼna anupa huʼna lapateʼnogeta seli noʼmo alita he tita kiteta loleʼe magoʼe afinaʼmo maiʼnone. Nagaemo ani vayapiʼmo apakeʼnovana mono huʼa neʼapataya vayapatiʼmo maiʼnayaʼmonanafa mago Livai vayapatiʼmo oʼmaiʼnae.

Esala 8:31

Inagi lagaemo napa vani kaimo tuolofu afinaʼmo Ahava anitetiʼmo ataleta Yulusalemu taonifiʼmo visunafeʼmo uʼnone. Gotiʼa lagaeʼeʼmo magokepi lokaeno maiteno alagepa huno yagaino lateʼniya kavaʼmo kame vayatimogiʼe kumaya vayaʼmogi apayapatiʼeʼmo lagufamo alino katino lateʼniye.

Esata 4:16

He, kanalene. Kagaemo uka Susa taonifiʼmo maiʼnaya Yu vayaʼmo apavaleka alika anupa huka apategeʼa loleʼe magoʼe afinaʼe haniʼilagaʼeʼmo neʼyaʼe aniʼeʼmo oʼnetapa mosita maiyo. Ani kava huta nagaeʼe aliʼyaʼnimo neʼaliya aʼne anagaʼeʼmo neʼyaʼmo oʼneta mosigune. Keʼaepa gemo amagiʼna atalesuvana kini vekalegamo uʼna haiguve. Inagi ani kavaʼmo hisugeno naipeletiʼmo naisigeʼna falisuvana kanalenageʼna afaʼa faliguve, huno ha paiʼniye.

Samu 137:1

Lagaemo Mamiloni vayaʼmogi ani haigifiʼmo itopaleʼmo maiʼnetaeʼmo Saiyoni kotegaeʼmo lagesamo afitetaeʼmo aviʼyamo huʼnone.

Samu 5:8

O, Ala kava nene, huʼna, kame vayaʼnimo maiʼnayaʼmofeʼmo fatago kavakafiʼmo nayateʼmo alika navalelika uvo. Naulagamo kakalekeʼmo alika api aika nato.

Samu 5:9

Lama gemo apavayafiʼmo alagi ohaneʼniye. Apaipafiʼmo hosu kavaʼageʼmo haneʼniye. Lugoʼapimo kano kelimo aliʼa halo neʼaigeno atu neʼaiya kano keligana huno haneʼniye. Apavenafuʼnaletiʼmo hapaisiya agufa gemo nehae.

Samu 8:2

Kagaemo muki aise mafaʼne anagaʼe nute mafaʼne anagaʼeʼmo lokiya vaika apateʼnanageʼapaeʼmo kagikaleʼmo aliʼa asaga nehayanageʼapaeʼmo kamekamogiʼe gekamo amagiʼa neʼatalaya vayaʼmogiʼeʼmo ge osuʼa afaʼa maigae.

Mai'naya kavane 3:6

Muki kavaʼamo nehukaeʼmo Ala kava nefeʼmo kagesa alaʼamo afigenoʼao muki kaʼmo alino ho huno kategaiye.

Aiyeya 35:8

Ani haopalegamo mago alopa kaʼmo aote kaʼmo hanegaiye. Vayaʼmogimo ani kafeʼmo agi aeʼapaeʼmo, apaote vayaʼmogi kane, huʼa agi aegae. Hosu kavaʼapimo aeʼa kalo opaeʼnaya vayaʼmo ani kateʼmo oʼugayaʼmonanafa alu vayaʼmogimo ani kateʼmo afaʼa ugae. Ani kateʼmo neʼvaya vayaʼmo negi vayaʼmo maiʼnisayana kafeʼmo ika huteʼapaeʼmo ataleʼa alu kateʼmo oʼugae.

Aiyeya 42:16

Nagaemo apaulagamo ali huʼniya vayaʼmogi uʼeʼa nosaya kateʼmo apavaleliʼna egauve. Oʼageʼnaya kateʼmo apavaleliʼna uguve. Nagaemo hani yaʼmo aliʼna ataleteʼna hale yaʼmo apamisugeʼa hale yategamo umenitata hugae. Kayagi kayaga kaʼapimo aliʼna api aiʼna kaʼmo valiguve. Nagaemo hapa maesuvafeʼmo ani kavaʼmo huteʼnaeʼmo apataleʼna oʼuguve.

Aiyeya 49:10

Hau huno neʼapateya vekamoʼmo alagepa huno yagaino apateteno apavalelino visigeʼa kanale meti aniʼmo haneʼniyategamo sipisipi anagagana huʼa ugae. Apakaemo neʼyaʼe aniʼeʼmo kafu osisageno amuko yegemoʼe yasimoʼeʼmo apakufaleʼmo oʼapalegaiye.

Aiyeya 58:3

Apakaemo huʼapaeʼmo, Lagaemo neʼyaʼmo oʼneta mosiʼnonaʼmonanafa na kava higekaeʼmo lageka alagepa osuʼnane. Lagaemo alita afepiʼmo lateʼnonaʼmonanafa na kava higekaeʼmo lageʼnekaeʼmo laha oʼmaeʼnane, huʼa huʼnageno Ala kava neʼmoʼa ina ge huno hapa paiʼniye. Afiyo, huno, lapakaemo neʼyaʼmo oʼneta mosiʼnaya afinaʼmo lapauʼniya kavaʼmo huge aliʼyatapimo neʼaliya vayaʼaina kana yaʼmo apamige huʼnae.

Aiyeya 58:5

Vayaʼmogi apakaiʼapimo aliʼa afepiʼmo apatesayafeʼmo nagaemo neʼyaʼmo mo nesiya kavaʼmo hu maleʼnofiye. Lapakaemo neʼyaʼmo mo siʼnaya afinaʼmo lapau huta yasimoʼmo hopaleʼmo aliʼnigeno aino ape huʼniya agufa kavaʼmo huge yulagefa neʼaiya kukenaleʼmo laʼnefafiʼmo fai maige lapakaitapimo alita afepiʼmo lapatege hutapa maiʼnae. Lapakaemo ani agufa kavaʼmoʼa nagaemo naipamoʼmo kanale hugiye, hutapa lapakesamo afiʼnafiye. Haʼao.

Neniyo 9:3

Afiteʼnaeʼmo Ala kava netegamo naipa nagesamo amiʼneʼna neʼyaʼmo oʼneʼna mo sige kogu kukenamo vaige laʼnefamo aliʼna falege huteʼna lokiya kava huʼna nunumuʼmo huʼna ge huʼnove.

Yona 3:5

Niniva taonifiʼmo maiʼnaya vayaʼmogimo ani Goti geʼamo afiteʼapaeʼmo, lama gemo huʼniye, huteʼa apakesamo afiʼa fatago huʼnae. Lagaemo ina agufa vayaʼmogitaʼe ala lagi vayaʼmogitaʼeʼmo laipamo alita afe leteta neʼyaʼmo mosiʼneta kogu agufa kukenamo alita vaiteta maigune, huʼa huʼnae.

Yona 3:7

Agaemo mago keʼaepa gemo huteno Niniva vayaʼaitegamo ataleʼnigeno uneno huʼniye. Ani gemo hunoʼaeʼmo, Ala vekatapimoʼnaʼe yahauve vayaʼeʼmo keʼaepa gemo hu maleʼnone. Ani gemo hutaeʼmo, Muki vayaʼamogitapamogi pulumakagi sipisipimogi hutapa aniʼmo oʼnege neʼyaʼmo oʼnege hutetapa afaʼa mositapa maiyo.

Napa 14:3

Na kava higenoʼaeʼmo Ala kava neʼmoʼa apakaemo kamefatiʼmo lahaeteʼapaeʼmo aʼne mafaʼnetimo kalavusi huʼa apatesayafeʼmo mani koteʼmo lavalelino eʼniye. Lagaemo Isipi kotegamo halate visunaʼmoʼmo kanale hugiye.

Napa 14:31

Muki vayaʼamo mani kaʼme koteʼmo faligayaʼmonanafa kame vayatimogimo aise mafaʼne anagatimo kalavusi huʼa apategae, hutapa huʼnaya mafaʼne anagatapimo alagepa koteʼmo apavaleliʼna uguve. Apakaefeʼmo lapakaemo hutapaeʼmo, hosu koʼmo haneʼniye, hutapa huʼnaya koʼmo uʼa haiʼa ageteʼa alagepa huʼa oʼmaigae.

Apa 2:39

Gotiʼa hunoʼaeʼmo, Nauneʼnameʼmo lapamiguve, huno huʼniya polomasi geʼamo lapakaefenagi mafaʼne anagatapiʼenagi afagitegamo maiʼnaya vayafenagi huno hapa paiʼniye. Ala kava netimo Gotiʼa eyo, huno muki keya aeno ge hisiya vayaʼaifeʼmo ani gemo hapa paiʼniye.

1 Samiyo 7:6

Inagi apakaemo eʼa Misipa taonifiʼmo aliʼa anupa huʼa maiʼneʼa kelifatiʼmo aniʼmo hefiʼa Ala kava neʼmo ani aniʼmo ofalinimo amigekana agufa kavaʼmo huʼa mopafiʼmo lakiʼnae. Apakaemo neteʼe uneʼeʼmo neʼyaʼmo oʼneʼa mosiʼa maiʼneʼa ina gemo huʼapaeʼmo, Ala kava netegamo hosu kavaʼmo huʼnone, huʼa huʼnae. Samiyoʼmo Misipa taonifiʼmo Isaleli vayaʼaiteʼmo yagaino apateʼniye.