Esala 8:16 - The Keyagana NT and 25 OT books

¹⁶ Oʼmaiʼnayaʼmofeʼmo nagaemo yagaiʼa apateʼnaya vayaʼaifeʼmo keya aeʼnogeʼa Eliyesaʼagi Eliyoʼagi Semaiyaʼagi Enetaniʼagi Yalipiʼagi hamoʼamo Enetaniʼagi Netaniʼagi Sakalaiyaʼagi Mesalamiʼagi huʼa eʼnae. Inagi nagaemo Yoyalimiʼe hamoʼamo Enetaniʼeʼmo ageʼnaʼa vekalafeʼmo keya aeʼnogeʼana eʼnaʼae.

Esala 8:16 ပူးပေါင်းရင်းမြစ်များ

Esala 10:21

Halimi nofi vayaʼmo Maseyaʼagi Ilaiyaʼagi Semaiyaʼagi Yehiyoʼagi Usiyaʼagi huʼa maiʼnae.

Esala 8:13

Ananikami nofi vayaʼmo Elifaletiʼagi Yeyeliʼagi Semaiyaʼagi huʼa maiʼnageʼa apakaeʼeʼmo sigisitiʼa ve anagaʼmo henagaʼmo uʼnae.

Esala 8:15

Nagaemo Esalaʼnamo muki nofi vayaʼmo Ahava taonifilagamo uno nelamiya aniʼmo haigifiʼmo aliʼna anupa huʼna lapateʼnogeta seli noʼmo alita he tita kiteta loleʼe magoʼe afinaʼmo maiʼnone. Nagaemo ani vayapiʼmo apakeʼnovana mono huʼa neʼapataya vayapatiʼmo maiʼnayaʼmonanafa mago Livai vayapatiʼmo oʼmaiʼnae.

Esala 8:17

Nagaemo ani vayaʼaifeʼmo hapa paiʼnaeʼmo, Lapakaemo Kasifiya kotegamo uta hogote vekamo Iʼnoʼe Netanimi konagaʼamogiʼefeʼmo hapa paitapaeʼmo, Gotitimo mono notefeʼmo aliʼyaʼmo alisaya vayaʼmo lekana paitetapa lagaetegamo apavalelita eyo, hutapa hapa paiyo, huʼna hapa paiʼnove.

Esala 8:18

Gotitimoʼmo lagaeʼeʼmo magokepi lokaeno maiʼneno laha maeʼniyaʼmofeʼmo apakaemo mago vekamo alagepa huno afino aeto nehiya vekamo agiʼamo Selemiyaʼmo avaleliʼa eʼnae. Selemiyaʼmo Mali nofi vekamo maiʼnigeno Mali afoʼamoʼmo Livaiʼa maiʼnigeno Livai afoʼamoʼmo Isaleliʼae. Apakaemo Selemiyaʼagi ve mafaʼne anagaʼagi konagaʼamogiʼenagi huʼa muki vayaʼamo eitiniʼa vayaʼmo apavaleliʼa lagaetegamo eʼnae.

Mai'naya kavane 2:6

Ala kava neʼmoʼa afiteʼa neʼagaya kavaʼmo alino neʼapamiye. Agaiʼa avayafatiʼmo afiteʼa neʼagaya kavaʼe afiʼa aeto nehaya kavaʼeʼmo emineneʼe.

Mai'naya kavane 20:5

Vayaʼmogimo apaipafiʼmo apakesamo neʼafiya yaʼapimo yatala ani keli kotukana huno haneʼniyaʼmonanafa afino aeto nehiya vekamoʼmo halaulino haineno afole yateʼmo malegaiye.

Mai'naya kavane 28:2

Mago kotega maiʼnaya vayaʼmogimo gamani vayaʼai geʼapimo oʼafiʼa kamemo hisayaʼmoʼmo yagaiʼa apatesaya vayaʼmo asole vayaʼmo afole aite aite nehayaʼmonanafa afino aeto huteno ageʼniya vekamoʼmo alagepa huno yagaino apatesiyaʼmoʼmo koʼapimo alagepa huno hanege hanege huno hanegaiye.

Neniyo 2:21

Agaemo afinaʼe kanaʼeʼmo alino alu afinaʼe kanaʼeʼmo alino afole aino neʼate. Agaemo mago kini vayaʼmo alino hapafaino apataleteno mago alu kini vayaʼmo alino he tino neʼapate. Agaemo afiteʼa neʼagaya vayaʼaina afiteʼa agesaya kavaʼmo alino neʼapamiye. Agaemo afiʼnaya vayaʼaina afiʼa ha nelaya kavaʼmo alino neʼapamiye.

2 Timoti 2:7

Mani nehuva geeʼmo kagesa afifi huka maiʼnegenoʼao Ala kava neʼmoʼa kamisigekaeʼmo muki geʼamo afika aeto hugane.

1 Yoni 5:20

Lagaemo ageʼnonana Goti Mafaʼneʼamo emineno lama ge Gotiʼa ageta alagepa hisunafeʼmo lagesamo afisuna yaʼmo lamiʼniye. Lagaemo lama ge vekafiʼmo maiʼnetaeʼmo Mafaʼneʼamo Yesu Kalaisipiʼmo maiʼnone. Ani vekamo lama ge Gotiʼa maiʼnenoʼaeʼmo alagepa huta maige maige huta maisuna yaʼmo afoʼamoʼmo maiʼniye.