Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Esala 6:3 - The Keyagana NT and 25 OT books

3 Kini vekamo Sailasiʼmo hogoteno yagaiʼniya kafugamo Yulusalemu taonifiʼmo Goti mono noʼamo kisayafeʼmo keʼaepa gemo avoʼmo kaenoʼaeʼmo Yu vayaʼmogi hogoteno Goti mono noʼamo haneʼniya kumateʼmo ofalinimo huʼnae. Ani kumateʼmo halate ani mono noʼmo kiyo. Noʼmo faiʼa atesaya yafaʼmo lokiya yafaʼmo malegae. Yatalaʼamo tuveti seveni mitamo haisigeno aluga alugaʼamo tuveti seveni mitamo hanegaiye.

အခန်းကိုကြည့်ပါ။ ကော်ပီ




Esala 6:3
16 ပူးပေါင်းရင်းမြစ်များ  

Pelesiya koteʼmo Sailasiʼmo kini vekamo maiʼniya afinaʼmo hogote kafugaʼamo Ala kava neʼmoʼa Yelemaiya avayafatiʼmo geʼamo hapa paiʼniya gemo afole aisiyafeʼmo Ala kava neʼmoʼa Sailasiʼmo Pelesiya kote kini vekamo aipafiʼmo aliʼyaʼmo aliʼnigeno muki vayaʼmogi afisayafeʼmo Sailasiʼmo mago gemo avoʼmo kae maleʼniye.


Sailasiʼa Pesiya kotega kini vekamo hogote kafugaʼamo yagaiʼniya afinaʼmo Yelemaiyaʼmo Ala kava neʼmo geʼamo hapa paiʼniya gemo afole aisiyafeʼmo Sailasi aipafiʼmo Ala kava neʼmoʼa aliʼyaʼmo aliʼnigeno muki vayaʼmogi afisayafeʼmo mago keʼaepa gemo avoʼmo kaeno hu maleʼniye.


Sailasiʼa Pesiya kotega kini vekamoʼmo hunoʼaeʼmo, Ala kava neʼmo kokuʼnapi Gotiʼa muki kini vayaʼmogi mopaleʼmo yagaisuvafeʼmo namitenoʼaeʼmo, Kagaemo Yuta polovenisi Yulusalemu taonifiʼmo mono noʼnimo kika nato, huno naha paiʼniye.


Apakaemo neʼyanagi aninagi olivi yosafati uveligi huʼa Saitoni taonifi vayaʼe Taiya taonifi vayaʼeʼmo Sita yosamo Lemanoni avefatiʼmo aeʼa halauliʼa emiʼeʼa solovala ani haigileʼmo maleʼneʼa aliʼa sipifiʼmo maleteʼa Yapa taonifiʼmo aliʼniʼa esayafeʼmo apamiʼnae. Ani kava huʼa yafatetiʼmo no kige yosaletiʼmo no kige hisaya vayaʼmo monimo apamiʼnae. Pesiya kini vekamo Sailasiʼmo ani kavaʼmo hisayafeʼmo Isaleli vayaʼaifeʼmo hunoʼaeʼmo, kanalenagi ani kavaʼmo afaʼa hiyo, huno hapa paiʼniye.


Gotitegati gemo aliniʼeʼana aeʼana hakalo huʼana hapa nepaiʼa vekalaʼmo Hagaiʼe Ito mafaʼnemo Sakalaiyaʼeʼmo Goti gemo hapa nepaiʼageʼapaeʼmo Yu vayaʼmogi vayatama vayaʼmogimo Goti mono noʼaleʼmo aliʼyaʼmo aliʼnaya kavaʼmo alagepa huno afole aiʼniye. Apakaemo noʼmo kime kime uʼa kiʼa hano huʼnae. Isaleli vayaʼmogi Gotiʼapimoʼmo kiyo, huno huge Pesiya kini vayaʼmo Sailasiʼagi Naliyasiʼagi Atasekisiʼagi huʼa kiyo, huʼa huge huʼnageʼa kiʼa hano huʼnae.


Muki nofi vayaʼmo faleʼa uʼa haiʼnae. Ala kava neʼmo nofi vayaʼamogimo Ala kava nefekeʼmo hao ke hesayafeʼmo Isaleli vayaʼmo Goti geʼamo afisayategamo uʼa haite haite huʼnae.


Ani taonimo kesigana huno haneʼnigeno aluga aluga atupaʼamoʼmo hailami salami osuno magoke aiyaya huʼniye. Agaemo kanipa kayotetiʼmo maleno agege agege huʼnigeno yatalaʼamo tu tauseni fo hataletiʼa kilomita haneʼnigeno ani kava huno aluga aluga atupaʼamo haneʼnigeno ani kava huno anagaʼaʼeʼmo haneʼniye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ