Esala 6:22 - The Keyagana NT and 25 OT books

²² Ala kava neʼmoʼa apamogaga aisayafeʼmo alino he tino apateʼniyaʼmofeʼmo hopa afinaʼmo seveni afinaʼae afinaʼaeʼmo aeno apafu noleya peleti mayamo afina kavaʼmo akame huʼa apamogaga aiʼnae. Gotiʼa lokiya vaino apatesigeʼa Isaleli vayaʼmogi Gotiʼapimo mono noʼamo kisayafeʼmo Asiliya kini vekamo aipa agesamo alino aino afe leno ateʼniye.

Esala 6:22 ပူးပေါင်းရင်းမြစ်များ

2 Sitoli 33:11

Oʼafiʼnayaʼmofeʼmo Ala kava neʼmoʼa Asiliya ami vayaʼaiteʼmo yagaiʼa apateʼnaya vayaʼe ati vayaʼeʼmo alino apateʼnigeʼa eʼa Yuta vayaʼeʼmo kamemo huteʼa huʼa aeʼa apaka seʼnae. Apakaemo Manaseʼmo atafauʼa agoʼya kapiʼmo hukumo ateteʼa ayatalapiʼmo haesa aeni seli nofitetiʼmo kiʼa ateteʼa avaleliʼa Mamiloni kotegamo uʼnae.

2 Sitoli 35:17

Muki Isaleli vayaʼmo eʼa maiʼnaya vayaʼmogimo Pasova hopa afina kavaʼmo huge seveniʼa afinaʼmo aeno apafu noleya peleti mayamo hopa afina kavaʼeʼmo huge huʼnae.

Esala 1:1

Sailasiʼa Pesiya kotega kini vekamo hogote kafugaʼamo yagaiʼniya afinaʼmo Yelemaiyaʼmo Ala kava neʼmo geʼamo hapa paiʼniya gemo afole aisiyafeʼmo Sailasi aipafiʼmo Ala kava neʼmoʼa aliʼyaʼmo aliʼnigeno muki vayaʼmogi afisayafeʼmo mago keʼaepa gemo avoʼmo kaeno hu maleʼniye.

Esala 6:1

Kini vekamo Naliyasiʼmo ani avoʼmo agetenoʼaeʼmo inagi agaemo kini vekamo Sailasiʼmo avoʼmo kae maleʼniya gemo kahauya hutapa ageyo, huno avoʼmo kaena ataleʼniye. Avoʼmo kaeno ataleʼnigeʼa Mamiloni kotegamo gamani vayaʼai mukumo haneʼniya nokopiʼmo kahauya huʼnae.

Esala 7:27

Esalaʼmo ani avoʼmo lekana paino afitenoʼaeʼmo Goti aulena agiʼamo amiʼniye. Agaemo hunoʼaeʼmo, Laginago vayaʼmogi Gotiʼapimoʼmo Ala kava nefeʼmo namogaga aiʼna haoke nehove. Agaemo Ala kava neʼmo Yulusalemu taonifiʼmo mono noʼaleʼmo alagepa kavaʼmo hisiyafeʼmo Gotiʼa kini vekamo aipafiʼmo alagepa kavaʼmo maleʼniye.

Mai'naya kavane 16:7

Ala kava neʼmoʼa mago vekamo kavafeʼmo haoke nehesiyaʼmoʼmo kame vayaʼaʼeʼmo magokepi lokaeno maisiyafeʼmo apaipamo alino falu hugiye.

Mai'naya kavane 21:1

Ala kava neʼmoʼa muki kini vayaʼmogi apaipa apakesamo ayapiʼmo aliʼneno aniʼmoʼa uteno eteno hulino uno nelamiya kava huno hauʼniya kateʼmo alino ho huno neʼapate.

Matiyu 26:17

Yu vayaʼmogi aeno apafu noleya peleti mayamo neʼnaya hopa afinapatiʼmo hogote afinaʼmo afole aiʼnigeʼapaeʼmo geʼamo neʼafiya vayaʼmo Yesutegamo eʼa, Pasova neʼyaʼmo nesunafeʼmo haiyategamo uta alo hisune, huʼa ge huʼa afi geʼnagenoʼaeʼmo,

Yoni 19:11

Yesuʼa hunoʼaeʼmo, Gotiʼmo namagisana agufa himamukamo okamiʼniyesinana nagaetegamo mago kavaʼmo afaʼa osanesine. Huʼniyaʼmofeʼmo navalelineno kamiʼniya vekamo hosu kavaʼamoʼmo kagae hosu kavaʼmo ago aeno agaseʼniye, huno ha paiʼniye.