Esala 6:20 - The Keyagana NT and 25 OT books

²⁰ Mono huʼa neʼapataya vayaʼe Livai nofi vayaʼeʼmo Goti mono aliʼyaʼamo alisayafeʼmo apakaiʼapimo aliʼa alo huʼa apateʼnayaʼmofeʼmo Pasova afina kavaʼmo huteʼa sipisipi anaʼaumo amagiʼa ofalinimo huʼnae. Kame vayaʼmogimo kalavusi huʼa apateʼnaya vayaʼai mafaʼne anagaʼapimogi hosu kavaʼapilefenagi mono huʼa neʼapataya konagaʼapimogi hosu kavaʼapilefenagi apakaiʼapi hosu kavaʼapilefenagi huʼa ofalinimo huʼnae.

Esala 6:20 ပူးပေါင်းရင်းမြစ်များ

2 Sitoli 35:11

Apakaemo Pasova aikeli sipisipiʼe memeʼeʼmo lugo nofiʼapimo hatagauʼa kolaʼapimo mono huʼa neʼapataya vayaʼmogi aliʼa aiʼa fuli fuli huʼa falege Livai nofi vayaʼmogi afumogi apakufaʼamo heʼa kalo paeʼa atalege huʼnae.

2 Sitoli 35:14

Henagaʼamo Livai vayaʼmogimo apakaiʼapimo nesaya ameʼamo alo huʼa malege mono huʼa neʼapataya vayaʼmo Eloni nofi vayaʼmogi nesaya ameʼamo alo huʼa apatege huʼnae. Mono huʼa neʼapataya vayaʼmogimo lusi kava huʼa ofalinimo huge afayaʼamo kaege huliʼuʼa une tiʼnayaʼmofeʼmo Livai vayaʼmogimo apakaiʼapiʼe konagaʼapimogi Eloni mafaʼne anaga vayaʼeʼmo alo huʼnae.

2 Sitoli 35:15

Akeyaʼvilagamo kini vekamo Neviniʼagi Goti geʼamo alagamuna agegekana huno aeno hakalo huno hapa paiʼniya kini vekamo Yeʼnutaniʼagi Esafiʼagi Himaniʼagi huʼa hiyo, huʼa hapa paiʼnae. Ani afinaʼmo Esafi mafaʼne anagaʼmogi yokemo nehaya vayaʼmogi mani gemo akame huʼa uʼa noʼapile noʼapileʼmo maiʼnae. Ina kava huʼa kegiʼyamo kipateʼmo noʼapile noʼapileʼmo yagaiʼa maiʼnae. Konaga vayaʼapimogimo alu Livai nofi vayaʼmo ofalini neyaʼapimo alo huʼa apateʼnayaʼmofeʼmo kipateʼmo yagaiʼnaya yatetiʼmo ataleʼa oʼuʼnae.

Hatu maeno apate'niya gemae 12:21

Inagi Moseseʼa Isaleli vayaʼaiteʼmo yagaiʼa neʼapataya vayatama vayaʼaifeʼmo ge huʼnigeʼa eʼnagenoʼaeʼmo ina ge huno hapa paiʼniye. Lapakaemo afamo anagatapieʼmo lapakesamo afitapa Pasova aikeli sipisipimo lekana paitetapa avalelitutapa lugoʼapimo hatagaiyo.

Himulu 7:27

Mono huʼa neʼapataya vayaʼmogi muki afinaʼae afinaʼaeʼmo apakaiʼapi hosu kavaʼapileʼe muki vayaʼai hosu kavaʼapileʼefeʼmo afumo heʼa Gotiʼmo ofalinimo amiʼnayaʼmonanafa agaemo muki afinatefeʼmo magoke afinaʼmo vayaʼai hosu kavaʼapilefeʼmo agaiʼa agufamo Gotiʼmo ago amiʼniye.