Esala 6:12 - The Keyagana NT and 25 OT books

¹² Ani mono noteʼmo Gotiʼa agaiʼa agimo hanegaiyanageʼa haiya kini vayaʼmogiʼmofi haiya vayaʼmogiʼmofi huʼa ani Yulusalemu taonifi mono noʼmo heʼa halagape vaisafi hu maleʼnova gemo akame osisafi hisayaʼmoʼmo afaʼa kamitimo apamagigae. Nagaemo Naliyasiʼnamo mani gemo alagi ago hu malove. Mukiʼamogitapamo geʼnimo alagepa hutapa akame hiyo.

Esala 6:12 ပူးပေါင်းရင်းမြစ်များ

Esala 6:13

Inagi hogote gamani vekamo Yufaletisi aniʼmo mugagayaga faliga koteʼmo yagaiʼniya gamani vekamo Tatenaiʼagi Seta Mosenaiʼagi magokepi lokaeʼa maiʼnaya vayanagi huʼa kini vekamoʼmo kaeʼniya avoʼmo ago aliteʼapaeʼmo lekana paiʼa afiteʼa muki geʼamo alagepa huʼa akame huʼnae.

Esala 6:14

Gotitegati gemo aliniʼeʼana aeʼana hakalo huʼana hapa nepaiʼa vekalaʼmo Hagaiʼe Ito mafaʼnemo Sakalaiyaʼeʼmo Goti gemo hapa nepaiʼageʼapaeʼmo Yu vayaʼmogi vayatama vayaʼmogimo Goti mono noʼaleʼmo aliʼyaʼmo aliʼnaya kavaʼmo alagepa huno afole aiʼniye. Apakaemo noʼmo kime kime uʼa kiʼa hano huʼnae. Isaleli vayaʼmogi Gotiʼapimoʼmo kiyo, huno huge Pesiya kini vayaʼmo Sailasiʼagi Naliyasiʼagi Atasekisiʼagi huʼa kiyo, huʼa huge huʼnageʼa kiʼa hano huʼnae.

Esala 7:15

Nagaeʼe alagepa naipa nagesamo neʼnamiya vayaʼeʼmo Isaleli vayaʼmogitapa Gotitapimoʼmo Yulusalemu taonifiʼmo maiʼniya Gotitapimoʼmo siluvaʼe goliʼeʼmo fikumo amiʼnona ofalinimo alinika ugane.

Esala 7:17

Kagaemo ani monileʼmo alagepa huka yagaiteka ve pulumakagi ve sipisipigi sipisipi anaʼaugi vitigi nofi alagafati aninagi huka miya faika Yulusalelmu taonifi Gotitapimo mono noʼmo yafa hiʼyalamuteʼmo ofalinimo huvo.

Esala 7:26

Ina laʼmo Gotikamo keʼaepa geʼamofi kini vekamo geʼamofi huno akame osisigeʼapaeʼmo malage huʼa agoti huʼa ateteʼa kayoʼmo amiyo. Kamitimo amagiʼa kiʼa atesafi alu kotega aliʼa ha faitalesageno visifi muki yaʼamo alisafi kalavusi huʼa atesafi hiyo, huno avoʼmo kaeʼniye.

Esata 8:14

Avoʼmo aliniʼa neʼvaya vayaʼmo hosileʼmo uʼa haiʼa fai maiteʼa malage huʼa aliniʼa nagu nagu huʼa uʼnae. Kini vekamoʼmo viyo, huno huʼniya gemoʼmo hunoʼaeʼmo, malagene, huno huʼnigeʼapaeʼmo nagu nagu huʼa aliniʼa uʼnae. Ani kava huʼa alopa taonimo Susa taonifiʼmo gamani yafa lafi kegiʼyafiʼeʼmo ani gemo hapa paiʼnae.

Samu 5:10

O Gotiyo, huʼna, Vaiʼmo apamiyo. Alika apatalegeʼapao ani kavaʼmo hugune, huʼa apakesamo neʼafiya kavategatiʼmo ataleʼa asagauʼa aiyo. Kagaetegamo hosu kavaʼmo huteʼa gekamo ago amagiʼa ataleʼnayaʼmofeʼmo asole hosu kavaʼapifiʼmo maiʼnagi alika yaga auka apatalo.

Hatu maeno apate'niya gemae 20:24

Lapakaemo mago mopamo alitetapaeʼmo nagaetefeʼmo ofalinimo hisaya yaʼmo malesaya hiʼyalamuʼmo hugae. Ani hiʼyalamuteʼmo sipisipi ofalinimofi pulumaka ofalinimofi hutapa atafiʼmo kaetapa alagi asagalitapa namige nagaeʼe lapakaeʼeʼmo magoke laipa lagesamo alita maisuna ofalinimo namige hugae. Nagaemo lekana pai malesugetapa maiʼnetapa mono hisageʼna ala nagiʼnimo alisuva mopaleʼmo lapakaetegamo emiʼneʼnaeʼmo alagepa hutapa maiyo, huʼna lapa paiguve.

Aiyeya 60:12

Haiya nofi vayaʼmofi haiya gamani vayaʼmogi yagaiʼnaya kegiʼyafiʼmo maiʼnaya vayaʼmofi huʼa lapaiyafiʼmo oʼmaige aliʼyatapimo oʼalige hisaya vayaʼmo alagi hano hugae.

Omataiya 1:10

Lapakaemo konagatapimo Yekopu nofi vayaʼmogi yaʼmo kumayaʼmo alitetapa kamitimo apamagiʼnayaʼmofeʼmo nagaemo aliʼna hano huʼna lapatalesugeʼa muki afinaʼmo lapakitapileʼmo aliʼa afepiʼmo atege atege huʼa maigae.

Apa 9:5

Ala kava nene, huno, kagaemo ina lagae, huno afi geʼnigenoʼaeʼmo, Nagaemo Yesuʼnamo kaini huka neʼnatana vekamo maiʼnove.