Esala 6:1 - The Keyagana NT and 25 OT books

¹ Kini vekamo Naliyasiʼmo ani avoʼmo agetenoʼaeʼmo inagi agaemo kini vekamo Sailasiʼmo avoʼmo kae maleʼniya gemo kahauya hutapa ageyo, huno avoʼmo kaena ataleʼniye. Avoʼmo kaeno ataleʼnigeʼa Mamiloni kotegamo gamani vayaʼai mukumo haneʼniya nokopiʼmo kahauya huʼnae.

Esala 6:1 ပူးပေါင်းရင်းမြစ်များ

Esala 4:15

Lagaemo lahauʼniyana kagaemo mago gamani vayaʼmo alika apatesanageʼa uʼa kaginago vayaʼmogi apava gemo haneʼniya mukufiʼmo kahauya huʼa lekana paigae. Lekana paiʼa kaha paisagekaeʼmo ani Yulusalemu taonifi vayaʼmogimo ge noʼafiya vayaʼmo maiʼnae, huka apakegane. Akeyaʼvilaga afinatetiʼmo muki afinaʼae afinaʼaeʼmo kini vayaʼmo kana yaʼmo aliʼa apamige polovenisi koteʼmo yagaiʼnaya vayaʼmo kana yaʼmo aliʼa apamige huʼnae. Apakaemo muki Yulusalemu vayaʼmogimo gamani vayaʼmogi gemo oʼafisayafeʼmo aliʼa he tiʼa apateʼnayaʼmofeʼmo kini vayaʼmogimo eʼa ani taonimo alagi heʼa halagape vaiʼa ataleʼnae.

Esala 4:19

Nagaemo gamani vayaʼaifeʼmo huʼnaeʼmo, Uta mukufiʼmo kahauya hutapa ageyo, huʼna hapa paiʼnogeʼa kahauya huʼa ageʼnayana akeyaʼvilagamo Yulusalemu vayaʼmogimo kini vayaʼai geʼapimo oʼafige muki vayaʼmogimo gamani vayaʼmogi gemo oʼafisayafeʼmo aliʼa he tiʼa apatege huʼnae. Akeyaʼvilaga afinatetiʼmo ani agufa kavaʼmo huʼnae.

Esala 5:17

Inagi kini vekae, huta, kagaemo kahauʼnisiyana ina ge huka huvo. Uta kini vayaʼai mukumo maleʼniya nopiʼmo uta haitapa kahauya huta agetapa alita lekana paiyo. Kini vekamo Sailasiʼmo ani Goti mono noʼmo kiyo, huno hu maleʼnifi hu oʼmaleʼnifigeʼa kaha paigae. Afitekaeʼmo kahauʼnisiya kavafeʼmo avoʼmo kaeka laha paiyo, huno avoʼmo kaeʼniye.

Esala 6:22

Ala kava neʼmoʼa apamogaga aisayafeʼmo alino he tino apateʼniyaʼmofeʼmo hopa afinaʼmo seveni afinaʼae afinaʼaeʼmo aeno apafu noleya peleti mayamo afina kavaʼmo akame huʼa apamogaga aiʼnae. Gotiʼa lokiya vaino apatesigeʼa Isaleli vayaʼmogi Gotiʼapimo mono noʼamo kisayafeʼmo Asiliya kini vekamo aipa agesamo alino aino afe leno ateʼniye.

Esala 7:13

Nagaemo keʼaepa gemo hu maleʼnovana muki Isaleli vayanagi mono huʼa neʼapataya vayanagi Livai vayanagi huʼa yagaiʼnova koteʼmo maiʼnaya vayaʼmogimo kagaeʼeʼmo Yulusalemu taonifiʼmo uʼa haisayafeʼmo hapauʼnisiya vayanagi huʼa afaʼa ugae.

Samu 40:7

Namiʼnanageʼnaeʼmo, Nago, huʼna, nagaemo neʼove. Goti mukufiʼmo nava gemo haneʼniye.

Mai'naya kavane 25:2

Gotiʼa mago yaʼamo alino fala ki maleʼniyaʼmofeʼmo ala agiʼamo neʼaliyaʼmonanafa kini vayaʼmogimo aliʼa fala ki maleʼnaya yaʼmo kahauya huʼa neʼagayaʼmofeʼmo ala apakimo neʼaliye.

Neniyo 9:25

Ani kava hugiyaʼmofeʼmo kagaemo afole aisiya kavaʼmo afiteka ago. Halate Yulusalemu taonimo utapa kiyo, huno hisiya afinaʼmo seveniʼa sotamo afole aiteno sigisiti tuʼa sotamo afole aitesigeno Mesaiya vekamo yagaino apatesiya vekamoʼmo aliʼyaʼamo aepa faino aligiye. Hogoteno seveniʼa sotamo afole neʼaisigeʼapaeʼmo alopa hanageke yaʼmo afole aisiya afinaʼmo Yulusalemu kaʼe yafa kegiʼyaʼeʼmo hugae.

Leveleseni 5:1

Ageʼnovana yagaino neʼapateya siyateʼmo fai maiʼniya vekamoʼmo apepaleʼmo aluga alugaʼamo avoʼmo kaeteno alino kafage ki maleʼneno seveniʼa afinaʼmo kameletiʼmo faleteno aino kamaeteno lamaga ayapiʼmo aliʼniye.