Esala 5:6 - The Keyagana NT and 25 OT books

⁶ Tatenaiʼmo avoʼmo kaenoʼaeʼmo, Nagaemo Tatenaiʼnamo aniʼmo mugagayaga faliga koteʼmo yagaiʼnova vekamoʼnagi Seta Mosenaiʼagi laʼagaeʼeʼmo magokepiʼmo lokaeʼa maiʼnaya vayanagi huta avoʼmo nekaone.

Esala 5:6 ပူးပေါင်းရင်းမြစ်များ

Esala 4:11

Kini vekamo Atasekisigae, huʼna, lagaemo aliʼyakamo neʼaluna vayaʼmo Yufaletisi aniʼmo mugagayaga faligamo maiʼnona vayaʼmogitamo mago getimo haneʼniye.

Esala 4:23

Apakaemo ani kini vekamo Atasekisi avoʼmo aliteʼa aliniʼuʼa lekana paiʼa hapa paiʼnageʼa Lehumiʼagi Simisaiʼagi magokepiʼmo lokaeʼa maiʼnaya vayanagi huʼa afiʼnae. Afiteʼapaeʼmo malage huʼa Yulusalemu taonifiʼmo u haiʼa himamuʼapiletiʼmo Yu nofi vayaʼmogi aliʼyaʼapimo oʼaliʼa atalesayafeʼmo ge huʼa apatafauʼa apateʼnae.

Esala 4:9

Nagaemo hogote gamani vekamo Lehumiʼnagi avoʼmo nekaeya vekamo Simisaiʼagi hutaʼa laʼagaeʼeʼmo magokepi lokaeʼa maiʼnaya vayaʼmo Ninai nofi vayanagi Afasati nofi vayanagi Tapeli nofi vayanagi Afa nofi vayanagi Ake nofi vayanagi Mamiloni vayanagi Susa taonifi vayanagi Tehai nofi vayanagi Ilami nofi vayanagi Sameliya taonifi vayanagi Yufaleti aniʼmo mugagayaga faliga koteʼmo maiʼnaya vayanagi hutaʼa apakae apavayamo alitaʼa avoʼmo kaoʼae. Kini vekamo Asanapaʼmo ani kanale kini vekamo ala agimo haneʼniya vekamoʼmo ani nofi vayaʼmo koʼapiletiʼmo alino hapa faino apataleteno apavalelinuno mani koteʼmo apateʼniye.

Esala 5:3

Nekigeʼapaeʼmo Tatenaiʼmo Yufaletisi aniʼmo mugagayaga faliga koteʼmo yagaiʼniya gamani vekagi Setali Mosenaiʼagi anakaegiʼeʼmo magokepi lokaeʼa maiʼnaya vayanagi huʼa eʼa Goti noʼamo nekiya vayaʼaifeʼmo huʼapaeʼmo, Ina laʼmo mani noʼmo kige taonile yafa kegiʼyaʼmo huge hiyo, huno lapa paiʼniye, huʼa ge huʼa apafi geʼnae.

Esala 5:7

Ani avoʼmo kaenoʼaeʼmo, Kini vekamo Naliyasiyo, huta, kaipamoʼmo falu hino.

Esala 6:6

Ani gemo huno kini vekamo Sailasiʼmo avoʼmo kae maleʼniya gemo lekana paiteno kini vekamo Naliyasiʼmo avoʼmo kaenoʼaeʼmo, Hogote gamani vekamo Tatenaigamo Yufaletisi aniʼmo mugagayaga faliga koteʼmo yagaiʼnana vekagi Seta Mosenaigagi lanakaeʼeʼmo magokepi lokaeʼa maiʼnaya vayanagi hutapa mono noʼmo nekiya kotegamo oʼutapa afagiʼaleʼmo maiyo.

Esala 8:36

Apakaemo kini vekamoʼa ina kava hiyo, huno kaeʼniya avoʼmo aliteʼapaeʼmo kini vayaʼaiteʼmo yagaiʼa neʼapataya kini vayaʼe Yufaleti aniʼmo mugagayaga faliga koteʼmo gamani yahauve vayaʼeʼmo apamiʼnae. Apamiʼnageʼa ani avopiʼmo ageteʼapaeʼmo aliʼa alagepa huʼa lateteʼa Goti mono no aliʼyaʼamo alisunafeʼmo laha maeʼnae.