Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Esala 5:3 - The Keyagana NT and 25 OT books

3 Nekigeʼapaeʼmo Tatenaiʼmo Yufaletisi aniʼmo mugagayaga faliga koteʼmo yagaiʼniya gamani vekagi Setali Mosenaiʼagi anakaegiʼeʼmo magokepi lokaeʼa maiʼnaya vayanagi huʼa eʼa Goti noʼamo nekiya vayaʼaifeʼmo huʼapaeʼmo, Ina laʼmo mani noʼmo kige taonile yafa kegiʼyaʼmo huge hiyo, huno lapa paiʼniye, huʼa ge huʼa apafi geʼnae.

အခန်းကိုကြည့်ပါ။ ကော်ပီ




Esala 5:3
12 ပူးပေါင်းရင်းမြစ်များ  

Inagi lapakaemo muki agaiʼa vayaʼamogitapafatiʼmo haiya vayaʼmogimo uʼa haiʼa noʼamo halate kigae. Ala kava neʼmo Gotitapimoʼmo lapakaeʼeʼmo lokaeno maiʼninageʼa Yutiya kotegamo uʼa haiʼa Yulusalemu taonifiʼmo Ala kava neʼmo Isaleli vayaʼai Gotiʼapimo mono noʼamo kiyo. Agaemo Yulusalemu taonifi Gotiʼmae.


Kini vekae, huta, lagaemo ina ge huta kaha paigesune. Yuta vayaʼmo kagaetegatiʼmo ataleʼa eʼa lagaeʼeʼmo Yulusalemu taonifiʼmo maiʼneʼa ani hosu taonimo halate kisayafeʼmo huʼnae. Akeyaʼvilagamo ani taonifi vayaʼmogimo kini vekamo geʼamo ago amagiʼa ataleʼnae. Hemenimo ani nofi vayaʼmogigeʼmo Yulusalemu taonimo kige yafa kegiʼyamo huʼa hano hisayafeʼmo faiʼa atesaya yaʼmo aliʼa alagepa huge nehae.


Nagaemo hogote gamani vekamo Lehumiʼnagi avoʼmo nekaeya vekamo Simisaiʼagi hutaʼa laʼagaeʼeʼmo magokepi lokaeʼa maiʼnaya vayaʼmo Ninai nofi vayanagi Afasati nofi vayanagi Tapeli nofi vayanagi Afa nofi vayanagi Ake nofi vayanagi Mamiloni vayanagi Susa taonifi vayanagi Tehai nofi vayanagi Ilami nofi vayanagi Sameliya taonifi vayanagi Yufaleti aniʼmo mugagayaga faliga koteʼmo maiʼnaya vayanagi hutaʼa apakae apavayamo alitaʼa avoʼmo kaoʼae. Kini vekamo Asanapaʼmo ani kanale kini vekamo ala agimo haneʼniya vekamoʼmo ani nofi vayaʼmo koʼapiletiʼmo alino hapa faino apataleteno apavalelinuno mani koteʼmo apateʼniye.


Tatenaiʼmo avoʼmo kaenoʼaeʼmo, Nagaemo Tatenaiʼnamo aniʼmo mugagayaga faliga koteʼmo yagaiʼnova vekamoʼnagi Seta Mosenaiʼagi laʼagaeʼeʼmo magokepiʼmo lokaeʼa maiʼnaya vayanagi huta avoʼmo nekaone.


Lagaemo ani aliʼyaʼmo agetetaeʼmo yagaiʼa apateʼnaya vayatama vayaʼaifeʼmo hutaeʼmo, ina lagimo lapa paiʼnagetapaeʼmo mani mono noʼmo kige muki kavaʼamo huge nehae, huta ge huta apafi geʼnone.


Inagi hogote gamani vekamo Yufaletisi aniʼmo mugagayaga faliga koteʼmo yagaiʼniya gamani vekamo Tatenaiʼagi Seta Mosenaiʼagi magokepi lokaeʼa maiʼnaya vayanagi huʼa kini vekamoʼmo kaeʼniya avoʼmo ago aliteʼapaeʼmo lekana paiʼa afiteʼa muki geʼamo alagepa huʼa akame huʼnae.


Ani gemo huno kini vekamo Sailasiʼmo avoʼmo kae maleʼniya gemo lekana paiteno kini vekamo Naliyasiʼmo avoʼmo kaenoʼaeʼmo, Hogote gamani vekamo Tatenaigamo Yufaletisi aniʼmo mugagayaga faliga koteʼmo yagaiʼnana vekagi Seta Mosenaigagi lanakaeʼeʼmo magokepi lokaeʼa maiʼnaya vayanagi hutapa mono noʼmo nekiya kotegamo oʼutapa afagiʼaleʼmo maiyo.


Nagaemo kini vekamo Atasekisiʼnamo Yufaletisi aniʼmo mugagayaga faliga koteʼmo monileʼmo yagaiʼnaya vayaʼaitegamo keʼaepa gemo huʼna atalogeno uʼniye. Nagaemo ina ge huʼna huve. Ani mono huno neʼapateya vekamo Esalaʼmo kokuʼnapi Gotiʼa keʼaepa geʼamo avoʼmo nekaeya vekamoʼa na agufa yafeʼmo ge huno lapafigesifigi malage hutapa amiyo.


Kini vekamo Naliyasiʼa Pesiya koteʼmo lole kafugamo yagaiʼnigenoʼaeʼmo sigisi kaimo napa vani afinaʼmo Ala kava neʼmoʼa Hagaifeʼmo ha paiʼnigeno Hagaiʼa Gotitegati gemo alinineno aeno hakalo huno hapa nepaiya vekamoʼmo ani Goti gemo Silatili mafaʼnemo Selamamaliʼe Yosateki mafaʼnemo Yasuvaʼefeʼmo hana paiʼniye. Selamamaliʼa Yu vayaʼaiteʼmo yagaino neʼapateya vekagi Yasuvaʼa hogote vekamo mono huno neʼapateya vekagi huʼana maiʼnaʼae.


Yesuʼa halate alopa mono nopiʼmo uno haino alino apaya neʼmalegeʼapaeʼmo mono huʼa neʼapataya vayaʼaiteʼmo yagaiʼa neʼapataya vayaʼe Yu vayaʼai vayatama vayaʼeʼmo agaetegamo eʼapaeʼmo, haiya agufa yakamo yagaisana yaʼmo aliʼnekaeʼmo mani kavaʼmo nehane. Ina laʼmo mani kavaʼmo huvo, huno kaha paiʼniye, huʼa ge huʼa afi geʼnageno


Maiʼneʼapaeʼmo apa vekalaʼmo folagapiʼmo aliʼana he tiʼana anateʼneʼapaeʼmo, Haiya agufa himamutaniletiʼe ina la agiʼaletiʼeʼmo ani kavaʼmo huʼnaʼae, huʼa anafi geʼnagenoʼaeʼmo


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ