Esala 4:22 - The Keyagana NT and 25 OT books

²² Ani kavaʼmo hutapa haita me oʼatalesayafeʼmo geʼnimo alagepa hutapa afiyo. Fiku yanageʼa ani mono noʼmo kisageta kini vayaʼmogitamo alopa kana yaʼmo aligune.

Esala 4:22 ပူးပေါင်းရင်းမြစ်များ

Esala 4:13

Nehayaʼmofeʼmo kini vekae, huʼna, afiyo. Apakaemo halate ani taonimo kige yafa kegiʼyamo huʼa hano huge hisayaʼmoʼmo Yuta vayaʼmogimo takesi monimo okamisageka gamani monieʼmo kafu hugane.

Esala 4:21

Lapakaemo ani aliʼyaʼmo oʼaliʼa atalesayafeʼmo, ataleyo, hutapa hapa paiyo. Fiku yanageʼa ani taonimo kigae. Nagaemo huʼnaeʼmo, ani aliʼyaʼmo aliyo, huʼna hapa paisuva afinakeʼmo aliʼyaʼmo afaʼa aligae.

Esala 4:23

Apakaemo ani kini vekamo Atasekisi avoʼmo aliteʼa aliniʼuʼa lekana paiʼa hapa paiʼnageʼa Lehumiʼagi Simisaiʼagi magokepiʼmo lokaeʼa maiʼnaya vayanagi huʼa afiʼnae. Afiteʼapaeʼmo malage huʼa Yulusalemu taonifiʼmo u haiʼa himamuʼapiletiʼmo Yu nofi vayaʼmogi aliʼyaʼapimo oʼaliʼa atalesayafeʼmo ge huʼa apatafauʼa apateʼnae.

Neniyo 6:2

Agaemo muki polovenesileʼmo yagaisaya vayaʼaiteʼmo yagaiʼa apatesayafeʼmo Neniyoʼagi mago lole vekalanagi huno lekana paino apateʼniye. Polovenesileʼmo yagaisaya vayaʼmogi aliʼyaʼapilefeʼmo Neniyoʼe lole vekalaʼmoganiʼeʼmo hapa paisageno kini vekamo aliʼyaʼamo alagepa huno afole aisiyafeʼmae.

Neniyo 6:3

Neniyo aipafiʼmo alagepa aunemeʼamo maiʼniyaʼmofeʼmo muki ani yagaiʼnaya vayaʼaina ago aeno apaka seʼnigeno kini vekamoʼa Neniyoʼmo lekana paino atesigeno muki Mamiloni kote yagaisiyafeʼmo agesamo afiʼniye.