Esala 3:2 - The Keyagana NT and 25 OT books

² Inagi Yosateki mafaʼnemo Yesuvaʼagi alu vayaʼmo konagaʼamogimo mono huʼa neʼapataya vayanagi Siyatili mafaʼnemo Selamamaʼagi konagaʼamogiʼenagi huʼa Isaleli vayaʼai Gotiʼapimo yafa hiʼyalamuʼmo ofalini hisaya yaʼmo atafiʼmo kaeʼa sagalisaya hiʼyalamuʼmo huʼnae. Moseseʼmo Goti vekamoʼmo keʼaepa gemo avoʼmo kae maleʼniya gemo akame hisayafeʼmo huʼnae.

Esala 3:2 ပူးပေါင်းရင်းမြစ်များ

Aepa Gemae 12:7

Ala kava neʼmoʼa Emalemitegamo afole aiteno ina ge huno ha paiʼniye. Nagaemo mani mopamo aliʼna kaginago vayaʼmo apamiguve, huno ha paiʼnigeno Emalemiʼa agaetegamo afole aiʼniya Ala kava netefeʼmo ofalinimo nehaya agufa yafa hiʼyalamuʼmo huʼniye.

Esala 10:18

Mono huʼa neʼapataya vayaʼai ve mafaʼne anagaʼapimogimo malaga aʼne anagaʼmo aliʼnaya ve anagaʼmogi apakiʼapimo haneʼniye. Yosataki mafaʼnemo Yesuvaʼagi aganaʼamogimo Meseyaʼagi Eliyesaʼagi Yalipiʼagi Getaliyaʼagi huʼa maiʼnae.

Esala 10:20

Ani hosu kavaʼmo huʼnaya ve anagaʼmo magoʼe huʼa Ime nofi vekalaʼmo Hananiʼe Sepataiyaʼeʼmo maiʼnaʼae.

Esala 10:21

Halimi nofi vayaʼmo Maseyaʼagi Ilaiyaʼagi Semaiyaʼagi Yehiyoʼagi Usiyaʼagi huʼa maiʼnae.

Esala 10:22

Pasa nofi vayaʼmo Eliyovenaiʼagi Meseyaʼagi Isameliʼagi Netanoʼagi Yosamatiʼagi Ilasaʼagi huʼa maiʼnae.

Esala 2:2

Selamamaʼeʼmo eʼnaya vayaʼai apakiʼapimo Yesuvaʼagi Niyamaiyaʼagi Selaiyaʼagi Lilaiyaʼagi Motekaiyaʼagi Milisaniʼagi Misapaʼagi Mikivaiʼagi Lihamiʼagi Manaʼagi huʼa eʼnae. Isaleli vayaʼmo Yulusalemu taonifiʼmo eʼnaya ve anagaʼmogi napaʼapimo

Esala 3:8

Apakaemo Yulusalemu taonifiʼmo aiʼa atagi neʼa eʼa maiʼnagenoʼaeʼmo napa tu kafugamo napa tu kaileʼmo Siyatili mafaʼnemo Selamamaʼagi Yosateki mafaʼnemo Yesuvaʼagi mago konagaʼanimogimo mono huʼa neʼapataya vayanagi Livai vayanagi muki kalavusi huʼa apateʼnaya vayaʼmo Yulusalemu taonifiʼmo aiʼa atagi neʼa eʼa maiʼnaya vayanagi huʼa aliʼyaʼmo aepa faiʼa aliʼnae. Apakaemo Livai vayaʼmo tuvetiʼa kafugamo aeʼa agaseʼa maiʼnaya ve anagaʼmogimo Ala kava neʼmo mono noʼmo kisaya aliʼyateʼmo yagaisayafeʼmo lekana paiʼa apateʼnae.

Esala 5:2

Ani gemo afiʼnageʼanaeʼmo Siyatili mafaʼnemo Selamamaʼe Yesateki mafaʼnemo Yesuvaʼeʼmo vayaʼmo apavaleʼana Goti mono noʼamo halate aepa faiʼa Yulusalemu taonifiʼmo nekigeʼanaeʼmo ani Gotitegati gemo alini eʼana aeʼana hakalo nehaʼa vekalaʼmoganimo hapa maeʼana kiʼnae.

Hagai 1:1

Kini vekamo Naliyasiʼa Pesiya koteʼmo lole kafugamo yagaiʼnigenoʼaeʼmo sigisi kaimo napa vani afinaʼmo Ala kava neʼmoʼa Hagaifeʼmo ha paiʼnigeno Hagaiʼa Gotitegati gemo alinineno aeno hakalo huno hapa nepaiya vekamoʼmo ani Goti gemo Silatili mafaʼnemo Selamamaliʼe Yosateki mafaʼnemo Yasuvaʼefeʼmo hana paiʼniye. Selamamaliʼa Yu vayaʼaiteʼmo yagaino neʼapateya vekagi Yasuvaʼa hogote vekamo mono huno neʼapateya vekagi huʼana maiʼnaʼae.

Hagai 1:12

Inagi Silatili mafaʼnemo Selamamaliʼagi Yosateki mafaʼnemo Yasuvaʼa hogote vekamo mono huno neʼapateya vekagi muki Yuta vayapatiʼmo logufa vayanagi huʼa Ala kava neʼmo Gotiʼapimo geʼamo akame huʼnageno Ala kava neʼmo Gotiʼapimoʼmo Hagaiʼa alino ateʼnigeno Gotitegati gemo alinino eno aeno hakalo huno hapa nepaiya vekamo Hagaiʼmo hapa paiʼniya gemo afiteʼa akame huʼnae. Muki vayaʼmogimo Gotifeʼmo koli huteʼa geʼamo akame huʼnae.

Hagai 1:14

Ani kavatetiʼmo Ala kava neʼmo Gotiʼa Silatili mafaʼnemoʼmo Yuta vayaʼaiteʼmo yagaino neʼapateya vekamo Selamamaliʼagi Yosateki mafaʼnemo hogote vekamo mono huno neʼapateya vekamo Yasuvaʼagi muki vayanagi huno alino he tino apateʼnigeʼapaeʼmo eʼa Gotiʼa asole vayaʼaiteʼmo neʼyagaiya Gotiʼapimo mono noʼamo aepa faiʼa kiʼnae.

Hagai 2:21

Kagaemo Yu vayaʼaiteʼmo yagaino neʼapateya vekamo Selamamalifeʼmo ani gemo huka ha paiyo. Gotiʼnamo asole vayaʼaiteʼmo neʼyagauva vekamoʼnamo huʼnaeʼmo, Nagaemo kokuʼnateʼe ma mopaleʼeʼmo aliʼna uti uti aiʼna ategauve.

Hagai 2:23

Gotiʼnamo asole vayaʼaiteʼmo neʼyagauva vekamoʼnamo huʼnaeʼmo, Silatili mafaʼnemo Selamamaligamo aliʼyaʼnimo neʼalina vekamo lekana paiʼna kateʼnovaʼmofeʼmo ani afinaʼmo nayate linimo alagena yaʼnimo haneʼniya linigana huʼna aliʼna katesugeka himamuʼniletiʼmo ge hugane, huno ha paiʼniye.

Luki 3:27

Yoʼanani afoʼamoʼmo Lesaʼae. Lesa afoʼamoʼmo Selamameliʼae. Selamameli afoʼamoʼmo Siyalitiyeliʼae. Siyalitiyeli afoʼamoʼmo Nelaiʼae.