Esala 3:11 - The Keyagana NT and 25 OT books

¹¹ Ala kava neʼmo mono noʼmo faiʼa atesaya yafaʼmo maleʼnayaʼmofeʼmo apakaemo Ala kava neʼmo ala agiʼamo amige haoke hege huʼa yokemo huʼnae. Mago vayaʼmogimo yokemo huteʼa neʼatalageʼapaeʼmo alu vayaʼmogi yokemo huteʼa huʼnae. Ina gemo huʼa yokemo Ala kava nefeʼmo haoke heʼa huʼnae. Yokemo huʼapaeʼmo, Agaemo alagepa Gotiʼa maiʼniyaʼmofeʼmae. Muki afinaʼmo Isaleli vayaʼmogitapaeʼmo hau huno lapatege lapatege huno hau huno maigiyaʼmofeʼmae, huʼa yokemo huʼnae. Yokemo hutageʼapaeʼmo muki vayaʼmogi alopa gefatiʼmo keya aeʼa ge huʼa Ala kava neʼmo ala agiʼamo amiʼnae. Ala kava neʼmo mono noʼamo faiʼa atesaya yafaʼmo maleʼnayaʼmofeʼmo ala agiʼamo amiʼnae.

Esala 3:11 ပူးပေါင်းရင်းမြစ်များ

Samu 100:5

Ala kava neʼmo alagepa vekamo maiʼniyaʼmofeʼmae. Agaemo lagaefeʼmo hau ayamopafiʼmo haume haume neʼviya kavaʼamoʼmo hauno hano osuno muki afinaʼaeʼmo nehaiye. Lama gemo hunoʼaeʼmo, lapa maeʼna lapamiguve, huno huʼniya geʼamo alagi oʼataleno akame huno muki hemenimo maiʼnaya vayaʼaitegaʼe aliʼa apateme apateme visaya vayaʼaitegaʼeʼmo ani agufa kavaʼmo afaʼa hugiye.

Samu 103:17

Nefalunaʼmonanafa Ala kava nefeʼmo koli huteʼa mono nehaya vayaʼaifeʼmo akeyaʼvilagatiʼmo hau huno apatelineno henagaʼamo afole aisaya afinaʼeʼmo hau huno apatelinuno hau huno apateno hano osugiye. Agaemo laha neʼmaeya kava huno alita apateʼnonanageʼa henagaʼamo aliʼa apateliʼa visaya mafaʼne anagaʼmogimo kotalake geʼamo akame huteʼa ina kavaʼmo hiyo, huno huʼniya gemo neʼafiya vayaʼmo hapa neʼmae.

Samu 106:1

Ala kava neʼmo agiʼaleʼmo alita asaga hiyo. Alagepa vekamo maiʼniyaʼmofeʼmo hao ke heyo. Muki afinaʼmo hau huno apatege apatege huno neʼmaiye.

Samu 107:1

Ala kava neʼmo alagepa vekamo maiʼneno muki afinaʼaeʼmo hau huno apatege apatege huno maigiyaʼmofeʼmo agaefekeʼmo hao ke heyo.

Samu 118:1

Ala kava neʼmo alagepa vekamo maiʼniyaʼmofeʼmo agaefekeʼmo hao ke heyo. Hau huno neʼapateyanageno muki afinaʼaeʼmo hau huno apatege apatege huno maigiye.

Samu 131:1

Ala kava nene, huʼna, nagufamo aliʼna asagauʼna noʼnatove. Aeʼna apakaseʼnova vekamo maiʼnove, huʼna nosuve. Nagaemo alopa aliʼyafeʼmo nagesamo oʼafige afaʼa oʼagesuva kavafeʼmo nagesamo oʼafige nehuve.

Samu 47:1

Lapakaemo muki ve aʼnemogitapamo lapamogaga aita lapayaʼmo amagiyo. Gotiʼa kame vayaʼaina kamemo huno aeno apakaseʼniyaʼmofeʼmo agaefeʼmo alopa gefatiʼmo hiyo.

Samu 47:5

Gotiʼa kame huno aeno apaka seteno kokuʼnapiʼmo uno haiʼnigeʼa alopa gefatiʼmo huteʼa pikuliʼmo huʼnae.

Hatu maeno apate'niya gemae 15:21

Miliyamuʼa apakaefeʼmo hapa painoʼaeʼmo, Ala kava neʼmoʼa alopa kamemo huno aeno apaka seteno ala agiʼamo aliʼniyaʼmofeʼmo agaetefeʼmo yokemo hiyo, huno hapa paiʼniye. Agaemo hosi anaganagi hosileʼmo fai maiʼnaya vayanagi huno solovala anipiʼmo apasagauno yaga auno apataleʼniye, huno hapa paiʼniye.

Aiyeya 12:6

Isaleli vayaʼmogi aote Gotiʼa lapakae folagapiʼmo maiʼniya aote vekamo ala agi vekamo maiʼniyaʼmofeʼmo O, Saiyoni taonifiʼmo maiʼnaya vayanagi alopa gefatiʼmo hiyo.

Aiyeya 6:3

Mago enisole vekamoʼmo alu enisole vayaʼaifeʼmo hunoʼaeʼmo, Ala kava neʼmoʼa asole vayaʼaiteʼmo yagaino neʼapateya vekamo aote vekamo maiʼniye, aote vekamo maiʼniye, aote vekamo maiʼniye. Ha le konali yaʼamoʼmo muki ma mopafiʼmo aino atagu faeno uneno huno havai teʼniye, huno hapa paiʼnigeʼa alu enisole vayaʼmogi afiteʼa ani gemo huʼa hapa paige huʼnae.

Hagai 2:3

Hogote mono noʼmo ha le konali mono noʼnimo ageʼnaya vayapatiʼmo mago vayaʼmo afaʼa maiʼnafiye. Hemenimo ani mono noʼmo haiya kava hutapa ageʼnae. Hogote mono noʼnieʼmo lapakesamo afitetapaeʼmo hemenimo haneʼniya mono nofeʼmo ina agufa mono none, hutapa ageʼnafiye.

Luki 1:50

Agaefeʼmo koli huteʼa aiyafiʼmo maiʼnaya vayaʼaifeʼmo hau huno apateme apateme uno hau huno neʼapate.

Yasuva 6:10

Yasuvaʼa vayaʼaifeʼmo hapa painoʼaeʼmo, Alopa gefatiʼmo osuge mago agufa ge gunugu gemo osuge mago gemo osuge hulitapa neʼvisageʼnaeʼmo alopa gefatiʼmo hiyo, huʼna huguve. Ani afinaʼmo alopa gefatiʼmo ge hiyo, huno hapa paiʼniye.

Yasuva 6:16

Seveniʼa kanaleʼmo taonileʼmo aiʼa vego nehuʼapaeʼmo mono huʼa neʼapataya vayaʼmogimo pikulimo nehagenoʼaeʼmo Yasuvaʼa vayaʼaifeʼmo hapa painoʼaeʼmo, Ala kava neʼmoʼa taonimo ago alino lapamiʼniyanagi alopa gefatiʼmo ge hiyo.

Yasuva 6:5

Apakaemo pikulimo huʼa yatala hisaya afinaʼmo afitetapaeʼmo mukiʼamogitapamo alopa gefatiʼmo keya aetapa ge hisageno ani taonimo agiʼnaleʼmo faino vego huʼniya yafa kegiʼyamo aino naku paeno mopafiʼmo asagauno aisigeʼapaeʼmo inagi muki Isaleli vayaʼmo apaulagaleʼmo haneʼniya katetiʼmo taonifiʼmo alagi uʼa haigae, huno ha paiʼniye.