Esala 3:10 - The Keyagana NT and 25 OT books

¹⁰ Ani mono noʼmo nekiya vayaʼmogi faiʼa atesaya alopa yafaʼmo aepa faiʼa neʼmalageʼapaeʼmo mono huʼa neʼapataya vayaʼmogimo vailiʼneʼa mono huʼa neʼapataya kukena yaʼmo aliʼa vaiteʼa pikulimo aliteʼa eʼa aliʼyaʼmo neʼaliya yateʼmo he tiʼa maiʼnae. Livai nofi vayapatiʼmo Esafi nofi vayaʼmogimo Ala kava neʼmo agiʼaleʼmo aliʼa asaga huʼa atesayafeʼmo kapa yuvapamo lole apayatalapiʼmo aliʼneʼa amagiʼnageno age aiʼniye. Isaleli vayaʼmogi kini vekamo Neviniʼa avoʼmo kae maleʼniya gemo akame huʼa ani kavaʼmo huʼnae.

Esala 3:10 ပူးပေါင်းရင်းမြစ်များ

2 Sitoli 35:14

Henagaʼamo Livai vayaʼmogimo apakaiʼapimo nesaya ameʼamo alo huʼa malege mono huʼa neʼapataya vayaʼmo Eloni nofi vayaʼmogi nesaya ameʼamo alo huʼa apatege huʼnae. Mono huʼa neʼapataya vayaʼmogimo lusi kava huʼa ofalinimo huge afayaʼamo kaege huliʼuʼa une tiʼnayaʼmofeʼmo Livai vayaʼmogimo apakaiʼapiʼe konagaʼapimogi Eloni mafaʼne anaga vayaʼeʼmo alo huʼnae.

2 Sitoli 35:15

Akeyaʼvilagamo kini vekamo Neviniʼagi Goti geʼamo alagamuna agegekana huno aeno hakalo huno hapa paiʼniya kini vekamo Yeʼnutaniʼagi Esafiʼagi Himaniʼagi huʼa hiyo, huʼa hapa paiʼnae. Ani afinaʼmo Esafi mafaʼne anagaʼmogi yokemo nehaya vayaʼmogi mani gemo akame huʼa uʼa noʼapile noʼapileʼmo maiʼnae. Ina kava huʼa kegiʼyamo kipateʼmo noʼapile noʼapileʼmo yagaiʼa maiʼnae. Konaga vayaʼapimogimo alu Livai nofi vayaʼmo ofalini neyaʼapimo alo huʼa apateʼnayaʼmofeʼmo kipateʼmo yagaiʼnaya yatetiʼmo ataleʼa oʼuʼnae.

Esala 2:41

Mono yokemo nehaya vayaʼmo Esafi nofi vayaʼmo 128ʼa vayaʼmo atagineʼa ege

Esala 5:16

Inagi Sesimasaʼmo eno Yulusalemu taonifiʼmo Goti mono noʼamo faiʼa atesaya yafaʼmo maleʼniye. Maleʼniya afinatetiʼmo mono noʼmo kime kime eʼa hemenimo aliʼyaʼmo neʼaliyaʼmonanafa kiʼa hano osuʼnae.

Samu 150:5

Veloʼmo neʼamagitapa alopa gefatiʼmo hutapa agiʼaleʼmo alita asaga hiyo.

Hagai 2:15

Hemenimo lapakesa afifi hume hume viyo. Hogotetapa mono noʼnimo aepa faitapa okiʼnaya afinaʼmo lapakaetegamo afole aiʼniya kavafeʼmo alagepa hutapa lapakesa afifi hutapa maiyo.

1 Samiyo 22:18

Oʼapamagiʼnayaʼmofeʼmo kini vekamoʼmo Nogifeʼmo ha painoʼaeʼmo, Kagaemo uka mono huʼa neʼapataya vayaʼmo kamitimo apamagiyo, huno ha paiʼnigeno Itomi nofi vekamo Nogiʼmo uno ani afinaʼmo eiti faefuʼa vayaʼmo mono huʼa neʼapataya vayaʼmo kamitimo apamagiʼniye.