Esala 2:68 - The Keyagana NT and 25 OT books

⁶⁸ Mago nofi vayapatiʼmo vayatama vayaʼmo Yulusalemu taonifiʼmo Ala kava neʼmo mono noʼaleʼmo eʼa avaʼyi huteʼapaeʼmo halagape vaiʼnaya mono noʼmo mopaleʼmo saufa mono noʼmo kisayafeʼmo alopa ofalinimo huʼnae.

Esala 2:68 ပူးပေါင်းရင်းမြစ်များ

Esala 2:69

Apakaemo ofalinimo hisaya himamuʼapimo haneʼniya agufa kava huʼa magoke aiyaya huʼa monimo aliʼa mono kesifiʼmo maleʼnageno golimo kanaʼamoʼmo faefu hataleti kilogi apamiʼnaya siluvaʼmo kanaʼamoʼmo tu tauseni eiti hataleti kilogi mono huʼa apatesaya vayaʼmogi kukena yaʼmo vani hataletiʼagi huʼa apamiʼnae.

Esala 3:3

Apakaemo alu nofi vayaʼmo ani koteʼmo maiʼnaya vayaʼaifeʼmo koli huʼnayaʼmonanafa akeyaʼvilaga yafa hiʼyalamuʼmo haneʼniya yafateʼmo huʼnae. Aepa faiʼa ani hiʼyalamuteʼmo neteʼe uneʼeʼmo hisaya ofalinimo atamoʼmo alagi leno saga lisiya ofalinimo muki neteʼae uneʼaeʼmo Ala kava neʼmo amiʼnae.

Esala 9:9

Lagaemo kalavusi aliʼyaʼmo aliʼnonaʼmonanafa ani kalavusi aliʼyaʼmo neʼalunagekaeʼmo Gotitimogamo lagaefeʼmo kage kanika olataleka fiku laha maeʼnanageʼapaeʼmo Pesiya kini vayaʼmogimo alagepa apaipamo kaliʼa lateteʼa lataleʼnageta eta halate mono nokamo kige heʼa halagape vaiʼa ataleʼnaya no atufafiʼmo noʼmo kige nehune. Ani kini vayaʼmogi Yulusalemu kotegagi Yuta kotegagi huʼa laha maesiya yafa kegiyagana huʼa maiʼnayanageta afaʼa maigune.

Samu 110:3

Himamukaletiʼmo aliʼyaʼmo alisana afinaʼmo vayakamogimo apaipamo kaliteʼa apakufamo kamiteʼa apaote konali kukenamo aliʼa vaiteʼa kakame hugae. Aʼnemogimo mafaʼnemo apaipafatiʼmo aliʼa neʼapataya kava huno netepiʼmo laoʼyaʼmo nelamiye. Ani kava huno Gotiʼa neya vayakamo alino apatesigeʼa laoʼyakana huʼa afole aiteʼa kagaetegamo ugae.

2 Kolitiyani 8:12

Lapakaemo hogoteno lapauʼnisiyaʼmoʼmo maleʼnisaya yapatiʼmo alita fako hutapa magoke aiyaya hutapa hisagenoʼaeʼmo Gotiʼa haugiye. Gotiʼa moniʼapimo ohanesigeʼa ofalinimo osisaya vayaʼaifeʼmo ofalinimo hiyo, huno afaʼa osugiye.

2 Kolitiyani 8:3

Hapa maesiya gemo huʼnaeʼmo, ofalinimo hisaya himamuʼapimo haneʼniya agufa kava huʼa huʼnae. He, ofalinimo hisaya himamuʼapimo magoʼe huʼa aeʼa agaseʼa huʼnae. Apakaiʼapimo huʼapaeʼmo, Lapao ke hone, huʼa, apaote vayaʼmo konaga kavaʼmo huta hapa maeta apamisuna monimo ofalini hugesune, huʼa huteʼa alisunafeʼmo ge huʼnae.

2 Kolitiyani 9:7

Aligayaʼmofeʼmo mukiʼamogitapamo lapamete lapamete hutapa lapaipafiʼmo lapakesamo afitetapaeʼmo, ani agufa monimo ofalini hugune, hutetapa ani kava hutapa hiyo. Fiku yanageno lapaipamoʼmo kana huʼnisigetapa huge lagaemofi mago vayaʼmogimofi huta lokiya gemo hisunagetapa huge hugayanagi lapamogaga aiʼnetapaekeʼmo hiyo. Gotiʼa apamogaga aiʼneʼa ofalini nehaya vayaʼaifeʼmo hau ayamopafiʼmo hauʼniyaʼmofeʼmae.