Esala 10:9 - The Keyagana NT and 25 OT books9 Inagi loleʼe magoʼe afinaʼmo oʼuʼnigeʼa muki Yuta nofi vayanagi Menisameni nofi vayanagi huʼa eʼa Yulusalemu taonifiʼmo naeni kaimo tuveti afinaʼmo aliʼa anupa huʼnae. Mukiʼamogimo Goti mono noʼamo haopaleʼmo aliʼa anupa nehaya yateʼmo fai maiʼneʼa atete huʼnae. Alopa koʼmo aiteno muki vayaʼmo ko apaige ani hanageke yaʼmo afole aige huʼniyaʼmofeʼmo atete huʼnae. အခန်းကိုကြည့်ပါ။ |
Inagi hemenimo lagaemo Gotitimoʼeʼmo kotalakemo hu malegetao. Gotitimofeʼmo hutaeʼmo, Ani malaga aʼne anagaʼe mafaʼne anagaʼapiʼeʼmo hapa faita apatalegaune, huta ha paigune. Kagaemo ala vakeʼnimogae, huʼna, alagepa laipa lagesamo nelaminageʼa Gotitimo keʼaepa geʼamo afiteʼa atete nehaya vayaʼai geʼapiʼeʼmo afaʼa afigune. He, Goti keʼaepa gemo alagi akame hugune.
Mago vekamo oʼmesiyaʼmoʼmo inagi lagaemo muki yaʼamo aliteta Isaleli nofi vayapatiʼmo kalavusifatiʼmo ataleʼa eʼnaya vayapatiʼmo alita hafaita atalegaune, huʼa huʼnae. Ani gemo yagaiʼa lapateʼnaya vayaʼai geʼe vayatama vayaʼai geʼeʼmo haneʼniye. Ani yagaiʼnaya vayaʼmogi mago apa vayaʼmo aliʼa apateʼnageʼa muki Yuta kotegaʼe Yulusalemu taonifiʼeʼmo uʼeʼa huʼa ani gemo huʼa hapa paiʼnae.
Kame vayaʼmogi eʼa apavaleliʼuʼa Mamiloni kotegamo apateʼnaya vayaʼmogi hosu kavaʼmo huʼnayaʼmofeʼmo muki vayaʼmogimo Isaleli vayaʼmogi Gotiʼapimo geʼalefeʼmo atete huʼnaya vayaʼmo nagaemo fai maiʼnova yateʼmo eʼa aliʼa anupa huʼa maiʼnae. Nagesa afi yaʼnimo alagi ohaneʼnigeʼna fai maiʼnogenoʼaeʼmo uneʼmo ofalinimo nehaya afinaʼmo afole aiʼniye.